|
مصافحه أولى : قصيدة " غــربيه " بالصوت والأحرف
.. هي من قديمي الذي تجاوز الـ 12 عاما تقريبا ونمط تقليدي آمل أن ينال على إعجابكم كعربون تواصل هنا القصيده شيله بالصوت تحميل [poem=font="Arial,6,black,bold,normal" bkcolor="transparent" bkimage="" border="none,4,gray" type=1 line=0 align=center use=ex num="0,black"] ياجعل برق ٍتعاقب صوب غربيّـه=جعله على ديرة المجمـول يسقيهـا على جبـال الهـدا ويهـل عصريّـه=دار ٍ رِبة صاحبي سقيت روابيهـا قلبي علـى حبهـم مـا يخلـف النيـّه=حبٍ بشـع بالعـروق وساكـن ٍ فيهـا ياريف عمري مثل هتـّان وسميّـه=نبت النِّصي والنِّفل والشيح عاليها راعي قرون ٍعلى الامتان مطويـّه=طي الرشا يوم تطوى في سوانيها وراعي نهودٍ تشابه بيـض قمريـّه=زين التهايا وزيـن الملـح كاسيهـا وراعي خديـدٍ يشـادي بـرق ليليـّه=برّاق مـزن ٍ تراهـش فـي مناشيهـا والعين عين اكحل ٍ بالزين حوريّـه=كن الولـي ماخلـق غيـره مسويهـا عـزي لقلـبٍ ثعـت فـيـه السنافـيّـه=ثعيت فريق ٍ هجدهـا قـوم غازيهـا بـون ونّـة قـريـص ٍ صابـتـه حـيّـه=ولاّ نفـوس ٍ بكـت مـن فقـد غاليهـا علـى وليـفٍ ملـك قلبـي ولا زيـّـه=يالله انــا طالـبـك يــارب تحميـهـا عيني عقب غيبته صارت شقاويّـه=تسامـر الليـل نـوم النـاس جافيهـا يازين لاتجـزي الحسنـات بالسيّـه=ماهوب حـق ٍ علـى عينـي تشقيهـا حظـي عقـد ليـِّة ٍ مـن دونهـا لـيّـه=الله ولا عـقـدةٍ تصـعـب منـاويـهـا[/poem] مع خالص الود مناحي الحصان |
رد : مصافحه أولى : قصيدة " غــربيه " بالصوت والأحرف
صح لسانك
طرق جميل وصوت رخيم اخي مناحي لاحظت اختلاف بين القصيدة المكتوبة والصوتية في البيت الثاني المكتوب جبال الهدا ويهل عصرية بينما في الصوتية جبال السراة يهل عصرية اشكرك ومرحبا بك بين اخوانك ومحبيك |
رد : مصافحه أولى : قصيدة " غــربيه " بالصوت والأحرف
يعطيك الف الف عافية يا ابن حصان
ابداع شيلة وصوت ماشاء الله تبارك الرحمن وابيات جزلة وجميلة تقبل مروري واعجابي |
رد : مصافحه أولى : قصيدة " غــربيه " بالصوت والأحرف
صح لسانك
وعلى شانك وانا اتفق مع ابو ياسر |
رد : مصافحه أولى : قصيدة " غــربيه " بالصوت والأحرف
اررررررررررررررررررررحب يابوناصر ملايييين
ابو ناصر ماذا فعلت بنا يامبدع اخجلتنا واخجلت تعبيرنا امام شموخ وكبرياء حرفك الساحر لله در هكذا احساس وهكذا ابداع وهكذا فكر صح لساانك الى يوم يبعثون شاعر غير يشهد الله وشيله رائعه جدا وصوت شجي وكل نص من نصوصك يستحق الحفظ في المفضله دمت مبدعا يا استااذنا الحقيقه انا فخور بوجود هنا طال عمرك |
رد : مصافحه أولى : قصيدة " غــربيه " بالصوت والأحرف
صح لسانك على هذي الشامخة
قصيدة روعة وان كانت على السراة ولا الهدا كلها واحد :) تقبّل مروري |
رد : مصافحه أولى : قصيدة " غــربيه " بالصوت والأحرف
ارحب يابو ناصر
ولاتعبت ياراعي ( رم ) صح لسانك على ذالشامخه وانت رجال وافي في المرجله والأخلاق والإعلام والشعر كلها وحضورك نوماس لنا لاخلا ولاعدم لاهنت لاهنت ،، . |
رد : مصافحه أولى : قصيدة " غــربيه " بالصوت والأحرف
الأستاذ الغالي / مناحي الحصان
حضورك وتواجدك بهذا النص الشامخ فخر كبير لنا ولشبكة قحطان شاعر متمكن ومن النوع النادر وصاحب أخلاق عاليه وإعلامي ناجح بكل المقاييس وفقك الله وصح الله لسانك وفي أنتظار طله آخرى بشامخه آخرى تحيتي لك |
رد : مصافحه أولى : قصيدة " غــربيه " بالصوت والأحرف
اقتباس:
مرحبا بعبق حضورك الفواح ومثلما ذكرت القصيده نقلتها كما كتبتها في وقتها والصوت تم تعديل المقطع المذكور فيه الذي لا أرى أنه أخل بالوزن او بالمعنى فشكرا لقلبكـ الطاهر ودي |
رد : مصافحه أولى : قصيدة " غــربيه " بالصوت والأحرف
ارررررررحب يا مناحي والله لا يهينك ويبيض وجهك على هذا القصيدة الهــــــادئة والضاربة في نفس الوقت وصح لسان من شالها بهذا الصوت الرخم الجميل
تبقبل مروري |
| الساعة الآن 04:41 AM |
Powered by vBulletin® Copyright ©2000 - 2025, Jelsoft Enterprises Ltd. TranZ By
Almuhajir
جميع الحقوق الأدبيه والفكرية محفوظة لشبكة قحطان وعلى من يقتبس من الموقع الأشارة الى المصدر
وجميع المواضيع والمشاركات المطروحه في المجالس لاتمثل على وجه الأساس رأي ووجهة نظر الموقع أو أفراد قبيلة قحطان إنما تمثل وجهة نظر كاتبها .
Copyright ©2003 - 2011, www.qahtaan.com