إهطـيـــــــل وإنطيــــل
 

السلام عليكم ورحمة الله وبركاته

خاطره امل ان تحوز على رضاكم


[poem=font="Simplified Arabic,5,black,bold,normal" bkcolor="transparent" bkimage="" border="none,medium,gray" type=4 line=0 align=center use=ex num="0,black"]
قالوا نبي منك قصيدة جديده=شاعر على شاعر ومن بيت شعار
عطنا البيوت الفاتنات الفريده=اختار ولاّ ودّنا منك نختار
قلت القصيد اليوم كل له اييده=نصف الشعب صاروا من الشعر تجار
كلن تفنن في تنّوع رصيده=بين الريال وبين درهم ودينار
كم واحد يبغى يسوي وليده=اهم شيٍٍ ٍ يلفت قلوب وانظار
واكبر طموحه صورته في الجريده=ولا ظهوره في قنوات الا شعار
وليا حصل زرقه وفرصه سعيده=يمكن يشارك في اكاديمي استار
رخص الشعر ما بين عبده وسيده=ماعاد له حشمه وقيمه ومقدار
اتناهشوا لحمه وجزوا وريده=ماكنّه الا هبرةٍ عند جزار
حتى شواعير الغنا والنشيده=قالوا لهم شعار جزلين وكبار
وصاروا شريحه في البلد مستفيده=اخذوا حكاية قصة الهر والفار
هاذي الحقيقه والعلوم الاكيده=من زعل منها يلتفت لا اقرب اجدار
خلاص. ولاّ . كِل ما اقلت اعيده؟=بعضالمجامل يدخل العبد في ا لنار
المعذره ما عاد عندي قصيده=من يوم صار اهطيل وانطيل شعار [/poem]

رد : إهطـيـــــــل وإنطيــــل
 

الله الله يا ابن شتوي

صح لسانك وعلا شانك يا أحـــمـــر العــيــــن

لا خلا ولا عدم يا مضواح


وقصيدة وافيه من رجال وافي ومن عرب وافين يا صليب الراس

والله كل بيت انه يوازي قصيده لحاله


لا تحرمنا من قصيدك وجديدكـ

أخوكـ البشري

رد : إهطـيـــــــل وإنطيــــل
 

إبدااااااااااع يابو نااااااااااايف


صح الله لسانك ملالالالالالاين


نص شامخ بشموخك وعلوك

تعبير صادق جداً وألفاظ في قمة الجزاله

أبيات لا تقبل التجزاء أو إختيار بيت أو بيتين لإظهار الأعجاب
فالقصيدة ظهرت ككتلة واحدة متماسكه حتى آخر بيت
شملت على أصدق المعاني لشعر إصيل ونادر لا ينتج
إلا من شاعر علم ومعاصر ومن بيت شعري جميل


صح الله لسانك مرة آخرى
وننتظر مزيد من هذا العطاء الجميل وهذه النصوص الفاخره

رد : إهطـيـــــــل وإنطيــــل
 

صح الله لسانك ملالالالالالاين

صح الله لسانك ملالالالالالاين

صح الله لسانك ملالالالالالاين

رد : إهطـيـــــــل وإنطيــــل
 

ابو نايف

ما اقدر اقول إلاّ صح لسانك وبيض الله وجهك


ناقشت الموضوع من كل جوانبه وكفيت ووفيت

تحياتي وتقديري وإعجابي

رد : إهطـيـــــــل وإنطيــــل
 

أبو نايف بيض الله وجهك بياض يرفع على روؤس الأشهاد ياكحيلان

جبتها على الجرح وياكثر اللي بيزعلون لكن هذي الحقيقه

صح لسانك وعلا شانك ووافي ياوافي

الشهاده فيك مجروحه يابو نايف لكن تبقى رمز على مر الزمن

تقبل ودي وتقديري لشخصك الكريم

أخوك / أبو عساف

رد : إهطـيـــــــل وإنطيــــل
 

واكبر طموحه صورته في الجريـده ولا ظهوره فـي قنـوات الا شعـار
وليا حصل زرقـه وفرصـه سعيـده يمكن يشارك فـي اكاديمـي استـار



صح الله لسانك

وبيض الله وجهك

ماحد يلومك

بس وش بتشوف

مالك الا الصبر وش وداك له

تحياتي

رد : إهطـيـــــــل وإنطيــــل
 

صح لسانك يا ابن شتوي

وشاعر قدير

وانا متابع لــ قصايدك ومحاوراتك في اغلب المنتديات

تحيّاتي

رد : إهطـيـــــــل وإنطيــــل
 

مضواح

نصوصك مثقله بالإبداع الحقيقي
تسجيل إعجاب

رد : إهطـيـــــــل وإنطيــــل