الليا نصيت انص الرجال المطاليق
 

السلام عليكم ورحمة الله وبركاته

وأسعد الله جميع اوقاتكم بكل خير

اخترنا لكم هذه القصيده كونها اول قصيده لي منذ دخولي منتدى شبكة قحطان وعسى ان تحوز على رضاكم

القصيده أقول فيها:


[poem=font="Simplified Arabic,6,teal,bold,normal" bkcolor="transparent" bkimage="" border="none,medium,gray" type=2 line=0 align=center use=ex num="0,black"]

امس الضحى عديت روس الشواهيق=وصوت الهوى جنبي تزايد صفيقه

تصفقبي بحور الطواري تصافيق=وزفير صدري مايداني شهيقه

اخذ مع الهاجوس سجه وترويق=لاشفت نجم سهيل يلمع بريقه

وادله الخاطر بضحك وتعاليق=كني عشيق جا يسلي عشيقه

واجر لامن ضاق صدري طواريق=لعلها تطفي لهيب الحريقه

وبيني وبين بيوت شعري مواثيق=عهد بقى مافيه شي يعيقه

شربت فنجاله على فكت الريق=وشميت من بين الخزاما رحيقه

سيله الليا جاله مع وادي ضيق=قام يتكبر في محاني مضيقه

ونسقت معناه وقوافيه تنسيق=واظهر كنوزه من جذور عريقه

وارقا على روس المنيفات ماضيق=واغوص في قاع البحور العميقه

ماهمني شهره ولا صوت تصفيق=عندي من سمان القصايد وثيقه

والشعر للشاعر حظوظ وتوافيق=وانا على طول الليالي رفيقه

لكن ياللي حدك الوقت والضيق=ودنياك صارت بين هم وضيقه

واحتاس رايك والزمن نشف الريق=فلا تزبن اللي لازهم نشف ريقه

تلقاه ماضرى القدم بالمناتيق=من طول عمره بين قصر وحديقه

وتلقا هروجه بالمجالس طوابيق=مثل البغل ماعنده الا نهيقه

هذاك خله للوجيه المنافيق=وابعد عن دياره وجنب طريقه

الليا نصيت انص الرجال المطاليق=حتى لزومك ينقضي في دقيقه

اهل المراجل متعبين الملاحيق=واهل الوفاء واهل الوجيه الطليقه

جمال تشيل حمولها بالمعاليق=وتشيل حمل جمال عيت تطيقه

ماتشتكي من حر وقع المطاريق=وماتنهزم لو هي بدجله غريقه

وفي ذا الزمن بتشوف شيخ ولد هيق=وصوت الثعل ذل السباع المويقه

قلته وانا مالفق الهرج تلفيق=وان قلتها ماقول غير الحقيقه

وختامها بجر زين الطواريق=لعلها تطفي لهيب الحريقه[/poem]



وسلامتكم

رد : الليا نصيت انص الرجال المطاليق
 

صح لسانك ياعيد

ميلاد شاعر فاخر وقصيده فاخره

مزيد من العطاء والنجاح والي الامام ياعيد

وتقبل من بحر كل التحايا

رد : الليا نصيت انص الرجال المطاليق
 

وبيني وبين بيوت شعري مواثيـق
عهـد بقـى مافيـه شـي يعيقــــــه


شربت فنجاله علـى فكـت الريــق
وشميت من بين الخزامـا رحيــقـه



ياســــــلام ياســـــلام


الاخ العزيز /عيد البصيري



صح السانك وعساك ماتعجم


كلام جزل وابيات شاعر متمكن

وانت تعلم ان شهادتي فيك مجروحه


ولكن كلمت الحق تقال


تقبل تقديري

رد : الليا نصيت انص الرجال المطاليق
 

ارحب ياعيد


شاعر واعد ومن بيت شعر

لذلك ما يستغرب عليك الإبداع

وابدعت في هذه الدره


لاعدمناك

.

رد : الليا نصيت انص الرجال المطاليق
 

رد : الليا نصيت انص الرجال المطاليق
 

رد : الليا نصيت انص الرجال المطاليق
 

رد : الليا نصيت انص الرجال المطاليق
 

صح لسانك وأبيض وجه على هذه الرائعه جدا

حقيقة قصيده وافيه من وافي ولا يستغرب عليك لأنك مكن بيت شعر ياكحيلان

أرجو أن لا تبخل علينا بجديدك فأنت شاعر قادم بقوه والله يوفقك

تقبل مروري وتحياتي لشخصك الكريم

أخوك / أبو عساف

رد : الليا نصيت انص الرجال المطاليق
 

صح لسانك
وابيات معبره
لاتحرمنا من جديدك
دمت سالم

رد : الليا نصيت انص الرجال المطاليق
 

وفي ذا الزمن بتشوف شيخ ولد هيق
وصوت الثعل ذل السبـاع المويقـه


صح والله لسانك