][®][^][®][ياقلب لا تشكي على غير واليك ][®][^][®][
 

بسم الله الرحمن الرحيم

والسلام عليكم ورحمة الله وبركاته

هذي قصيده قالها الشاعر حامد بن مايقه الحبابي في عياله وعلى راسهم ولده الكبير علي


[poem=font="Simplified Arabic,4,black,bold,italic" bkcolor="transparent" bkimage="backgrounds/2.gif" border="outset,thick,black" type=4 line=1 align=center use=ex num="0,black"]
ياقلب لا تشكي على غير واليك = رب العباد اللي عليه اتكالك
امنت بك يامكون الكون وارجيك = رجوى ضعيف نايب في نوالك
مستدرك باقي حياته وناصيك = متحير ضاقت عليه المسالك
ياسامع اللي تالي الليل يدعيك = اللي تشوفه واسود الليل حالك
يارازق الصعلوك بين الصعاليك = بين الصحاري والضمى والتهالك
كل البشر وارزاقهم بين اياديك = بامرك وتدبيرك وقدرة جلالك
تعطي ولا تبغي من الناس تعطيك = كل الكواكب والبشر والفضى لك
يرجيك من تسري عليه الدواكيك = من جور عبثات الليالي شكالك
استاثر الشرياس والبوم والديك = بالصيد والشاهين والحر هالك
اشوف و قت فيه زاد المماليك = على الملوك اللي تقود الممالك
مايركبون إلا البنوز المتاليك = استهجنوا حتى ركوب الكدالك
غدا بعضهم عقب نقل العواريك = في راس ماله للنوادي مشارك
مايسكن إلا فلة باب تيك = يلهيه من رد السلام المعالك
احذر ترا يقدر يبيعك ويشريك = لي صار ماله زايد فوق مالك
عمه وابوه وخاله وجده الشيك = وانت استلم عمك وجدك وخالك
خله على ماقالوا الناس يغنيك = ولا يعيشك ويتكفل عيالك
واقرب قريب لك من الناس يؤذيك = يغريه طيبك والرضى واعتدالك
يصبح خصيم لك علشان طاريك = لوكان الأول يتقي في ضلالك
يبلاك باسباب المشاكل ويلهيك = لوكان مايسوى مصارف دلالك
ياراس مالي ياعلي ودي انصيك = وانت استمع من والدلك طاب حالك
حافظ على دينك ترا الدين حاميك = ارجو من الله يرسمه في خيالك
واحرص على روس المعالي تعليك = في راس مزموم طويل زمالك
واحفظ حقوق ربوعك اللي حواليك = واحرص على جارك عسى الرشد فالك
واسعد خويك بالمكارم وعانيك = واشرع لضيفك يابن الأجواد بالك
واحفظ حقوق اخوانك اللي تباريك = حافظ على قوة مقابض سلالك
خلك تهوز بروسها من يعاديك = الى هازك اللي طامع في حلالك
هم درعك اللي تلبسه دون شانيك = وان شان وقتك يجلبون العشالك
شاور سعد فيما تريده ويرضيك = سيف يمينك تلقفه من شمالك
رايه يدلك ثومة القلب تدليك = واليا زهمته بالمهمات جالك
ولا تكثر اللجه مع الناس تغويك = جاوب ولا يكثر عليهم سؤالك
بد القريب اللي بطيبه يبديك = على الغريب وقدمه في مجالك
واللي يلوج حكاه لوج المساويك = من مجلسه باشر سريع انتقالك
حافظ على عنوان سيرة مباديك = في شانها وثق مرابط حبالك
جنب جدال اللي من الناس يغليك = من شان لا يجرح شعوره جدالك
ولي قفيت الناس والناس توحيك = خلوك خلق الله وحيد لحالك
واحذر تباري واحد مايداريك = ولا ترافق صاحب ماصفى لك
كيد الصعاب الكايده لا تعديك = عما يجمل بالمحافل قبالك
ماكتب لك في اللوح لا بد ياتيك = وماطال غيرك في المقادير طالك
وان كان ماطبقت جوهر معانيك = وصيت غيرك من اخوانك بدالك
لا شك ظني فيك واعماق ماضيك = وجدانك اللي يدخلون المعارك
يوم الهدايا روس حمر المشاويك = امات ثاج معقربات المفالك
حنا العموق الطيبه ماتخليك = اصلك وحظي كل ماطحت شالك
من قبل لا اوصيك اقولها فيك = قال الشريف الشعر في نصح مالك
واسلم ودم ياراس مالي ولي فيك = كل الرجى انت الرجى والبقى لك[/poem]

رد : ][®][^][®][ياقلب لا تشكي على غير واليك ][®][^][®][
 

صح لسان شاعرنا الكبير ///حامد بن مايقه الحبابي


ولاهنت يا ابن حمير على النقل المميز



تقبل مني اجمل الود والمحبه


اخوك ///// سلمان

رد : ][®][^][®][ياقلب لا تشكي على غير واليك ][®][^][®][
 

تسلم على المرور الجميل يا سلمان

رد : ][®][^][®][ياقلب لا تشكي على غير واليك ][®][^][®][
 

رد : ][®][^][®][ياقلب لا تشكي على غير واليك ][®][^][®][
 

صح لسان شاعرنا الكبير ///حامد بن مايقه الحبابي


ولاهنت يا ابن حمير على النقل المميز


وابن مايقه غني عن التعريف ومن رموز شعراء قحطان

رد : ][®][^][®][ياقلب لا تشكي على غير واليك ][®][^][®][
 

يا بو حمد ويا الجهيمي تسلمون على المرور الجميل