|
..محاورة المري في شاعر المعنى..
السلام عليكم ورحمة الله وبركاته اخواني اعضاء ومشرفي شبكة قحطان تحية طيبة وبعد.. رغبت في الاستفسار منكم في موضوع يختص بمحاورات شاعر المعني وهو: ما نوع الشعر اللي قاله الشاعر المبدع متعب بن كروز المري في محاورات شاعر المعنى مع الشاعر الشمري؟ هل هذا الشعر من الشقر ؟ وهذه مجموعة من ابيات الشاعر البدع متعب بن كروز المري: سلام منــي على حضــــرة سمـــــو الأميــــر ..... رديـــــة راجــــــح(ن) بـالطيـــــب ميزانهـــــا وأثنى التحية على أهل أبها وأهالـي عسير ..... ومـدايـــــن أهــل السعوديـــــة وسكانهـــــا الله تعالــــى علــــى خلقـــــه عليم(ن) بصيـر ..... وامانتـــه ما توفـــق واحــــــد(ن) خانهــــــا والشعـــر يا صاحبـــي بحر(ن) وموجه غزيــر ..... واللي يغوص البحـــور يجيـــــب مرجانهـــــا وهذا الرابط لمن اراد الاطلاع: http://www.youtube.com/watch?v=mwEh00lG3X4 ارجو افادتي ولكم جزيل التحايا.. اخوكم فهد بن حمد الحبابي.. |
رد : ..محاورة المري في شاعر المعنى..
أرحب يا بو حمد ...
وبيض الله وجهك ... وجعلك سالم ... وما يجي منك الا العلم الغانم ... تحياتي |
رد : ..محاورة المري في شاعر المعنى..
وعليكم السلام ورحمة الله وبركاته
الله يحييك يافهد والمحاوره التي تستفسر عنها مالها اي صله بالشقر وإنما طاروق عادي ويطرقونه الشعراء من قبل على سبيل المثال : ابن شايق يقول انته ليا اوحيت صوت الذيب ماهو غريب // ذيب عوى في جبال تقنب ذيابها والقرقاح يقول من يوم شفنا السناني في مثلث طريب // قلنا ليال السعاده دايرٍ دورها وحبيب يقول أنته من العام وأنته تنتظر فالمطار // والطائره فالمدرج وأنت تبرا لها ولكن بعض الشعراء أحياناً يقوم بتغيير اللحن فقط ويأتي بلحن غريب او نادر في محاولة لإرباك الخصم وهذه خطوه قد تحرج الشاعر الغير متمكن دائماً .. مثل ماشاهدناه في هذه المحاوره هذا ماحبيت اقوله ودمت . |
رد : ..محاورة المري في شاعر المعنى..
ارررررررررحب يابوحمد والله يحيييك
وانت ياهل قطر ماشاء الله عليكم متعنصرين مع شعراءكم ويحق لكم اما متعب بن كرزو شاعر رائع وحاول احراج خصمه الشمري ونجح نجاح باهر في ذلك والابيات ما اعتقد فيه شقر انا صعوبه اللحن عموما لاهنت لاهنت |
رد : ..محاورة المري في شاعر المعنى..
اقتباس:
على فمك الشحم يابوعبدالله اجابه وافيه وكافيه واللحن بسيط جداً جداً ولكن مثل ماتفضلت لارباك الخصم لاهنت وتقبل تحيات بحر |
| الساعة الآن 08:53 AM |
Powered by vBulletin® Copyright ©2000 - 2025, Jelsoft Enterprises Ltd. TranZ By
Almuhajir
جميع الحقوق الأدبيه والفكرية محفوظة لشبكة قحطان وعلى من يقتبس من الموقع الأشارة الى المصدر
وجميع المواضيع والمشاركات المطروحه في المجالس لاتمثل على وجه الأساس رأي ووجهة نظر الموقع أو أفراد قبيلة قحطان إنما تمثل وجهة نظر كاتبها .
Copyright ©2003 - 2011, www.qahtaan.com