(( ويصير للتاريخ قصه وراوي ))
 

السلام عليكم

متواضعه للتواصل


[poem=font="Traditional Arabic,5,blue,bold,normal" bkcolor="transparent" bkimage="" border="none,thin,gray" type=4 line=1 align=center use=ex num="0,black"]
البارحه يوم المخاليق رقاد = ماطب حلو النوم عين الشقاوي

صبري مثل صبر المهادي ولافاد = واليوم انا للصبر ماني بقاوي

وقفت للدنيا على كل مرصاد = واثر السعاده ماتجي بالمناوي

لولا الحيا من سالفة كل نقاد = سيلت من دمعي شعيب ٍ سناوي

وش عاد يادنيا الغرابيل وش عاد = جرح المفارق مالقيله مداوي

ماهوب فرقا الي على الحب معتاد = يتبع هوى نفسه وقلبه هواوي

الضيق من فرقا شغاميم الاولاد = روس الرجال مزبنين الجلاوي

ربع لهم في قمة المجد مقعاد = ماطاوعو في رفقتي كل غاوي

ان غبت ياتيني من البعد نشاد = وان جيت احدهم فز مثل النداوي

مامنهم الي للمعاريف جحاد = الا قروم وياصلون الحراوي

ياما تجمعنا على غير ميعاد = كل ٍ على شوفة رفيقه شفاوي

ويامحلا شوفة مداهيل الاجواد = ويصير للتاريخ قصه وراوي

وعسى الليال الي على البال تنعاد = تقرب ديار مبعدين الهقاوي

ويشب في قلوب الحواسيد وقاد = ويلوي كبود اهل السواليف لاوي

لاخير في الي ينكر الملح والزاد = حتى ولوهو في حياته غناوي[/poem]
وسلامتم

رد : (( ويصير للتاريخ قصه وراوي ))
 

صح لسانك يامشخص الفهري

رد : (( ويصير للتاريخ قصه وراوي ))
 

مشخص الفهري

قامة شعريه اقف دائماً امامها احتراماً وتقديراً

لما يقدمه لنا من نصوص شعرية في غاية الجمال والروعه


صح الله لسانك يالوافي وبيض الله وجهك على التواصل الجميل

رد : (( ويصير للتاريخ قصه وراوي ))
 

لاهنت يافلاح

وصح بدنك

رد : (( ويصير للتاريخ قصه وراوي ))
 

أرحب ياعبيد مرحبا ومسهلا

وانت قامه أدبيه وشعريه

ومرورك يشرفني ويهمني

والله لايهينك وصح بدنك طال عمرك

رد : (( ويصير للتاريخ قصه وراوي ))
 

صح الله السانك يا مشخص والله انك مبدع


والله اني متاااااابع لقصايدك داااايم فلا تحرمنا من قديمك وجدييدك

تقبل مروري يا القرم

رد : (( ويصير للتاريخ قصه وراوي ))
 

رد : (( ويصير للتاريخ قصه وراوي ))
 

ماهوب فرقا الي على الحب معتاد
يتبع هوى نفسه وقلبـه هـواوي

الضيق من فرقا شغاميـم الاولاد
روس الرجال مزبنيـن الجـلاوي

صدقت يامشخص صح السانك

بعيدا عن المجامله لااشعر بالملل

اثناء قرائتي نصوصك .

دمت ودام ابداعك .

رد : (( ويصير للتاريخ قصه وراوي ))
 

الله الله الله الله الله

صح لسان

ولاهنت ياهذا المبدع الفذ

شموخ وتألق وتعلُق في غصون النجوميه

لاهنت ،،

.

رد : (( ويصير للتاريخ قصه وراوي ))
 

لاهان من رد وبيض الله وجيهكم