|
عصبـــي .... فتح منتــــدى ... !
بسم الله الرحمن الرحيم
السلام عليكم ورحمة الله وبركاته ... وبعد ::: عصبــي غتح منتدى جديـــد ... وهذا الشـــروط ... لقد تغيرت شروط التسجيل في المنتدى ....وتم تغيير مسمى المنتدى لتواكب مرحلة ... ما بعد الحرب الباردة اعرفوا الشروط زين....وافهموها....واللي ما يبي هالشروط جعل اصابعه اللي طقت على الكيبورد الكسر...ولو ما عليه كلافه يطق راسه باقرب جدار....حنا ما نلعب....واللي يبينا حياه الله بيننا....فهمتوا. بما ان هذا الموقع موقعي بروحي لابارك الله فيكم وفي الساعة اللي فتحت لكم هالموقع....فاللي يبي يسجل معنا يوافق على الشروط من فوق خشمه ....والشروط هي... 1- اللي يسب اي واحد من الاعضاء بنجيبه وبنربط حواجبه في صدامات الهايلكوس وبنروح ونطعس فيه باقرب طعس... قايلكم حنا ما نلعب 2- اللي بيخربط بالدين ولا بالسياسه....هذا عذابه عذاب. بخليه يتخيل انه قرد ... ولا عمره ذاق موز....وابحجز له على اقرب رحله على طياره ترش الجراد ... و ابرميه من على ارتفاع 50000 الف قدم وبرضخ به على خوص نخله... علشان ما يعود لها. قايلكم حنا ما نلعب ... 3- انتم اعضاء لكم تكتبون بس....ولااحد فيكم يسوي لي فيها مراقب مانبي مراقبين. ....فهمتوا ولا افهمكم... 4- مسموح الذب...والذب هي كلمه اتيه من الذباب وهي فعل مضارع جمع تكسير مضارع بسيط...فهمتوا...صح ولا ماهو صح...قولوا صح لابارك الله بالساعه اللي جمعت هالخشش فيها...واللي بيزعل من الذب بنخربط وجهه ونخليه يطالع في المرايه ويطلع الاخطاء التسعه عشر....ايه تسعطعش...ساحتنا وحنا حرين فيها 5- اللي بيسجل باسماء قبايل وعوايل...ولا مخله بالادب....هذا بنوديه لا اقرب شيخ وبنكويه من علبااااه..وبعدين بناخذه لأقرب جليب...وبنغطسه وبنطلعه...ونغطسه ونطلعه الين مايقول....اشهد ان الددسن سياره... قايلكم ما نلعب... 6- قريتوا الشروط........هاه عجبتكم....فهمتوها...طيب ما عندنا تسجيل هالايام....واللي يبي يسجل معنا يرسل لي ايميل على التلفون حقي اللي ماني ذاكره لكم...لان الدعوه عناد...واللي براسه حب ما انطحن....تراي ابطحنه له....واذا فيه خير يقابلني وين ما يبي.... ملاحظه...... اللي بنكتشف انه رجال مشورب ويكتب باسماء بنات...ولا بنات تكتب باسماء رجاليه هذولي بنخلي خششهم كلمات متقاطعه يصعب حلها.....والله ما يضرب بعصا يا سرع طيحتهم موافق................. غير موافق............... الفاآلح يكتبــ غير موافق...... خخخخخخخخخخخـ ... يازين الشـــروط ... ملطوووووووووش :d ... فائق الود و الأحـــترام ... أبو فــارس :) |
رد : عصبـــي .... فتح منتــــدى ... !
الله يهديك ياتركي السنحاني قبل الزحمه
ودي أمشيها بس تذكرت أنه بيمر ويقول الموضوع مكرر ولو أنه منك جاي زي العسل |
رد : عصبـــي .... فتح منتــــدى ... !
وناسة هذا المنتدى
ودي أصير مشرف فيه |
رد : عصبـــي .... فتح منتــــدى ... !
هههههههههههههههههههههههههه
لاهنت |
رد : عصبـــي .... فتح منتــــدى ... !
السلام عليكم ورحمة الله وبركاته
هههههههههههههههههههههههههه الله يسعدك يا ابو فارس ذا شكله مايبي احد بي يسجنهم في المنتدى :) لاهنت اخوك/عبدالله السحيمي |
رد : عصبـــي .... فتح منتــــدى ... !
ههههههههههه
أكيد هذا منتدى أسمه منتدى العرابجه ولا منتدى سواقين الويت الله يخارجنا |
رد : عصبـــي .... فتح منتــــدى ... !
هههههههههههه يابو فارس
شوي ويقول لا ابوكم لا ابو منتداكم مافيه تسجيل يالله توكلوا على الله روعه هالشروط وعز الله مو عصبي هذا نار الله يضحك سنك يابو فارس زي ما اضحكتنا وسليتنا والله يابو فارس ان مواضيعك تطربني واحس اني مرفع مدري انت تحط فيها شيء شكرا اخوي حسين بن فارس وانت فارس مجالس قحطان وكفوء والله وعلى راسي يابو فارس ربي يسعدك ولا عدمتك |
رد : عصبـــي .... فتح منتــــدى ... !
ألف ... ألف ... ألف ... شكر على المرور العااااااااااطر ...
فائق الود و الأحـترام ... أبو فارس . |
| الساعة الآن 01:37 PM |
Powered by vBulletin® Copyright ©2000 - 2025, Jelsoft Enterprises Ltd. TranZ By
Almuhajir
جميع الحقوق الأدبيه والفكرية محفوظة لشبكة قحطان وعلى من يقتبس من الموقع الأشارة الى المصدر
وجميع المواضيع والمشاركات المطروحه في المجالس لاتمثل على وجه الأساس رأي ووجهة نظر الموقع أو أفراد قبيلة قحطان إنما تمثل وجهة نظر كاتبها .
Copyright ©2003 - 2011, www.qahtaan.com