رساله عاجله جدا الى (( الشيخ جمل بن ناصر بن شري )))
 

[poem=font="Simplified Arabic,5,black,bold,normal" bkcolor="darkred" bkimage="backgrounds/1.gif" border="solid,thick,gray" type=4 line=0 align=center use=ex num="0,black"]
لا والله الا سكرت كل الأبواب = ياكود باب الي عزيزن جلاله
الواحد الي من ترجاه ماخاب = ماخاب عبدن لا تضايق لجاله
الأمل بالله والدعاوي لها أسباب = ياهل الجماله وصلولي رساله
ماتنفع الشكوى ليا سكر الباب = وحطيت في سجن قوين قفاله
ولا طلعوك ألا بتوقيع وكتاب = مضمونها مدة شهر بالكفاله
أبرسل الشكوى على عرب الأنساب = شيخن يظلل من لجاء في ظلاله
شيخن يحل أليا تضايقت الأنشاب = ومتن وسند من لاذبه وأرتكاله
ون قيل منهو قلت معروف ياذياب = يعرف بنجد وبالجنوب وشماله
جمل ولد ناصر سند كل منصاب = عون الضعيف أليا نخاه وشكاله
جمل على أسمه ينقل الحمل ماهاب = ياكثر من حمله كثيرن وشاله
شيخن يعرفونه طويلين الأشناب = أهل الشجاعه والكرم والجماله
صيته شهر من بين ربعه ولجناب = نعمين بد دايم أليا مجاله
((جاهه أليا منه فزع فك الأرقاب)) = يحل عسرات المشاكل لحاله
وليا عطا يعطي ولا حسب حساب = يعطي جيوبن مامشت فالوكاله
وليا نخي يفقد من الطيب الأعصاب = شواش يحذف غترته مع عقاله
ماعاد لي عنكم مصدن ومجناب = ناصيك يومنك سند من عناله
بغيت جاهك وأنت لطيب كساب = وعوايدك من قمتله طاب فاله
دخيل أبوك الي رقى كل مرقاب = على المراجل تاج الأمجاد ناله
جاهه لو أنه حط في قبر وتراب = يفك محكوم القاصاص بسهاله
أنخاك تكفى ياجمل راسنا شاب = يامسند الي راس ماله عياله [/poem]

الشاعر / زيد بن فلاح آل عميره الهاجري

رد : رساله عاجله جدا الى (( الشيخ جمل بن ناصر بن شري )))
 

لاهنت يابو عساف


وابن شري ماهو مقصر وبوهم اللي خذا من القوم تسعه وتسعين


على شان رجال واحد

والسبع انعام بهم

واطلب الله ان يسهل على الهاجري ويححق مناه


ومشكور على النقل


اخوك
.

رد : رساله عاجله جدا الى (( الشيخ جمل بن ناصر بن شري )))
 

ارحب يا بو عساف وحياك الله لا هنت على النقل يا كحيلان والهاجري صح لسانه وبيض الله وجهه وابن شري كفو ويستاهل القصيد والعلم الغانم وانشا الله انها توصله من الاخوان
وتقبل مروري

رد : رساله عاجله جدا الى (( الشيخ جمل بن ناصر بن شري )))
 

الله ييسر امور ابن عمنا

ودامه زبن ابن مسرد تيسرت اموره ان شاء الله


وعسى القصيده توصل


قصيده جزله ومسنده على كفو


تحيتي ياذيبان

رد : رساله عاجله جدا الى (( الشيخ جمل بن ناصر بن شري )))
 

ارحب يا بو عساف وحياك الله لا هنت على النقل يا كحيلان والهاجري صح لسانه وبيض الله وجهه وابن شري كفو ويستاهل القصيد والعلم الغانم وانشا الله انها توصله من الاخوان
وتقبل مروري

رد : رساله عاجله جدا الى (( الشيخ جمل بن ناصر بن شري )))
 

رد : رساله عاجله جدا الى (( الشيخ جمل بن ناصر بن شري )))
 

قصيده وافيه من وافي وفي وافي ولا هبت يا وافي

رد : رساله عاجله جدا الى (( الشيخ جمل بن ناصر بن شري )))
 

السلام عليكم


ابيض وجه يابو عساف على هذا النقل الطيب

والله يحقق مرااد الهاجري


وابن شري واافي ولاهوب مقصر



تحياتي

رد : رساله عاجله جدا الى (( الشيخ جمل بن ناصر بن شري )))
 

والله وسبعه أنعام


باللشيخ جمل بن ناصر

وصح لسان الشاعر ونسأل الله العلي العظيم أنه ييسر أمره ويفرج همه

كما أشكرك ياأبو عساف على النقل

لكم تحياتي

رد : رساله عاجله جدا الى (( الشيخ جمل بن ناصر بن شري )))
 

ابيض وجه يابو عساف على هذا النقل الطيب

والله يحقق مرااد الهاجري