|
تلبية لطلب اخوي سعيد الجهيمي""قصيدة غزلية""
[poem=font="Simplified Arabic,6,black,bold,normal" bkcolor="transparent" bkimage="backgrounds/18.gif" border="none,medium,gray" type=4 line=0 align=center use=ex num="0,black"]
آدق لك ياصاح والخط مقفول = والقلب ياخلّي بصدك حرقته قطعت وصلك لارساله لامسكول = عسى العهد يا أغلى الخلايق مابقته أفرح لاشفته دق لي رقم مجهول = عسى يكون اللي فراقه ماطقته الله يجازيك بصدودك يامجمول = حرقت قلبي من بعد ماسرقته خليتني محتار والفكر مشغول = ومافيه بابٍ للحزن ماطرقته لاحول من فرقاك يازين لاحول = بعدك ترا طعم السعاده ماذقته فتحت لك قلبي وخليتك تجول = قلب ترا عن حب غيرك غلقته وألحين صدفه جيت لكن وش اتقول= يا اوّل وياخر من هويت وعشقته قال وهدب عينه من الدمع مبلول = لولا غلاك العذر ماكان سقته حدّوني وخلوني آعيش معزول = هاك العذر مع دمع عيني رفقته وراع الهوى لوكان بغيابه يطول = من حب ماينساه لو طال وقته قلت الله يحييك والعذر مقبول = ودموع عينك عذر لو مانطقته من شفت زولك قلت ياحي هالزول = لك الله إن الحزن كله فهقته لو لك شبيهٍ فالبشر قلت معقول = يمكن شبيهك في طريقه سبقته لكن مالك ند وخلاصة القول = آقول سبحانك يارب خلقته تعال عالج بالوصل قلب معلول = تعال عالج قلب بالبعد عقته قال وعيونه تذرف الدمع هملول = اخوي لا يفطن وانا مالحقته وقفّا وانا قلبي معه راح متلول = ودمع المفارق راق والحلم فقته[/poem] |
رد : تلبية لطلب اخوي سعيد الجهيمي""قصيدة غزلية""
لو لك شبيهٍ فالبشر قلـت معقـول يمكن شبيهك في طريقـه سبقتـه
لكن مالـك نـد وخلاصـة القـول آقـول سبحانـك يـارب خلقتـه الله عليك صح لسانك يالحبابي .. ويستاهل الجهيمي من يلبي طلبه .. وتقبل تحيتي .. |
رد : تلبية لطلب اخوي سعيد الجهيمي""قصيدة غزلية""
ااااااااااااااااااااااارحب يا بومسفر ....
شاعر موهوب وشهادتي فيك مجروحه .... وتكفي شهادة الوالد فيك .... تقبل تحياتي يالغالي .... |
رد : تلبية لطلب اخوي سعيد الجهيمي""قصيدة غزلية""
صح الله لسانك
ويستاهل الجهيمي تلبيتك لطلبه |
رد : تلبية لطلب اخوي سعيد الجهيمي""قصيدة غزلية""
السلام عليكم
اقووووووووووووووووول بيض الله وجهك اليوم ودوم ورفع شانك صح لسانك وعلا شانك وعلى الاخرى عانك قصيدة كفو ومن رجال في ذمتي انه كفو ابداع يا ابو مسفر والله يعينك على اللي في خاطركـ والله بغيت اقتبس بعض الابيات لقيتها كلها يبغالها اقتباس واشادهـ لا هنت على تلبية الطلب وهذي عوايدك وعوايد شيبانكـ أخوك سعيد البشري ,,, |
رد : تلبية لطلب اخوي سعيد الجهيمي""قصيدة غزلية""
وراع الهوى لوكان بغيابه يطـول >>>>>>>>>>>>>>>>>>من حب ماينساه لـو طـال وقتـه
انا اشششششششششششششششششهد ابو مسفر جزاله = 1000 ويستاهل الجهيمي البشري |
رد : تلبية لطلب اخوي سعيد الجهيمي""قصيدة غزلية""
جعلكم تسلمون يا شامان وابن غانم ومحمد بن ملفي ومن مر على ذا القصيده ومن هي له
|
رد : تلبية لطلب اخوي سعيد الجهيمي""قصيدة غزلية""
بطي
صح لسانك وبيض الله وجهك رائع رائع بما تعني الكلمه لله درك ولاعدمناك ،، . |
رد : تلبية لطلب اخوي سعيد الجهيمي""قصيدة غزلية""
[poem=font="Simplified Arabic,5,black,bold,normal" bkcolor="transparent" bkimage="" border="none,medium,gray" type=4 line=0 align=center use=ex num="0,black"]
أخواني الأعزّا أوّلاً المعذره على التأخير في الرد وثانياً : شامان العاطفي الله لايهينك على المرور وأقتباسك شرفني محمد بن مايقة الله لايهينك على المرور وشهادة ابوك شهادة من عملاق في الشعر والمرجلة وشهادتك وشهادته تاج على راسي محمد آل غانم مرورك شرفني ولا خلا ولا عدم سعيد الجهيمي ماعليك زود وأنت غالي والطلب رخيص والله لايهينك على المرور والرد على كل من مر على القصيدة وأنت تمون محمد بن ملفي الله لايهينك على المرور والأقتباس ووهذا من طيبك سعد القحطاني الله لايهينك على المرور ولاعليك زود يالغالي ومرورك شرفني[/poem] |
رد : تلبية لطلب اخوي سعيد الجهيمي""قصيدة غزلية""
ماقصرت فى قصيدتك يا /بطى الحبابى .
ويستاهل ابو جهيم ونعم فيكم كلكم . وهذه القصيدة تثير اللى بعد بيثنى ولا بعده بيعرس ...!! |
| الساعة الآن 06:34 PM |
Powered by vBulletin® Copyright ©2000 - 2025, Jelsoft Enterprises Ltd. TranZ By
Almuhajir
جميع الحقوق الأدبيه والفكرية محفوظة لشبكة قحطان وعلى من يقتبس من الموقع الأشارة الى المصدر
وجميع المواضيع والمشاركات المطروحه في المجالس لاتمثل على وجه الأساس رأي ووجهة نظر الموقع أو أفراد قبيلة قحطان إنما تمثل وجهة نظر كاتبها .
Copyright ©2003 - 2011, www.qahtaan.com