شبكة قحطان - مجالس قحطان - منتديات قحطان - سلطان الجلاوي يشكك في نزاهة لجنة مزاين ام رقيبه

- مـجـلـس الـشـعـر الـنـبـطـي (https://www.qahtaan.com/vb/forumdisplay.php?f=17)

سلطان الجلاوي يشكك في نزاهة لجنة مزاين ام رقيبه

هذه القصيده رد على موال سلطان الجلاوي الذي يشكك فيه في نزاهة لجنة مزاين ام رقيبه
وتطاول فيه ايضا على فوز الشيخ هيف ابن عبود القحطاني
بقوله انه اخذ الفوز بالرشوه وهذا الكلام كبير ولا يقوله عاقل
وهذه رسالة تحذير واضحه لسلطان الجلاوي عسى ان يدركها

[poem=font="Simplified Arabic,5,black,bold,normal" bkcolor="transparent" bkimage="" border="none,medium,gray" type=4 line=0 align=center use=ex num="0,black"]
ياسلطان الجلاوي لا تعدى حدك المحدود=تركد وأنتبه والسالفه بانت مواريها
ياشاعر ياللاله ياللاله والكلام حشود=ترى وقفتك شرهه وانتبه واصبر لقافيها
عزاي انك مراهق مير في هذا الخطا لاتعود=ترا ماانته بقد السالفه ياللي تدربيها
وأنا لولا حياي من الرجال اهل الوفاء والجود=عطيتك درس وخزيت المبادي اللي تباهيها
تركتك حشمة(ن) لللابه اللي ماعليهم زود=رجال(ن) دوّن التاريخ حاضرها وماضيها
عتيبه عزوة المضيوم قوم فعلهم مشهود=زحازيح الرجال اهل الوفاء بالحيل نغليها
ولكن كل مال له زكاته وانته المقصود=علومك من رداها والله انه باح خافيها
تشكك في نزاهة لجنة(ن) مختارها ابن سعود=وتبهتها وتظلمها وتقذفها وترميها
هذا مدري غباء ولا ذكى يالشاعر المقرود=تبا تكسب رضا ناس(ن) عيونك في مخابيها
نسيت انا عيال مضيم وانا من سلالة هود=هل الصفراء مقابيس الوغى لابان حاضيها
ونسيت انا هل التاريخ والوقفه عيال العود=مواقفنا تشرفنا من اولها وتاليها
نعم فنجال عنده يالجلاوي في المزاين ذود=وصايفها تحيَّر واشهد ان الزين كاسيها
لكن الفوز ياسلطان حازه هيف ابن عبود=بذودٍ كسبها وأنا أشهد أن الكفو راعيها
كسبها هيف لنه من رجال يكسبون الفود=ابن عبود كاسبها وراعيها وحاميها
رفيدي من رجال(ن) طيبهم يذكر بدون حدود=من جبال السراة لكربلا هذي مفاليها
هذا بيت القصيد اللي طرالي والحبل ممدود=عسى سلطان يفهمها ويدركها وياعيها[/poem]