شبكة قحطان - مجالس قحطان - منتديات قحطان - " هواجيس فكري " للشاعر بطي الحبابي..

هذه قصيدة رائعة للشاعر بطي بن مسفر الحبابي وهو شاعر مبدع في المحاورة والعد.. وهذي القصيدة بعنوان " هواجيس فكري " يقول الشاعر :

الا واعذابـي كـل مـا دقنــي هوجــاس ... هواجيــس فكـري خلـت النفـس محتـارة

معـي ما تفـارق فـي وقوفـي وفالمجـلاس ... تصـدر ويـارد غيـرها عقـب مصـــادره

وانـا همـي ابقى في زمانـي رفيـع الـراس ... ما يشمـت علـي نـاس علـى القبـر حفـاره

احـاسب خطـى رجلـي قبل دربهـا ينـداس ... واداري لازل ونـاقــدي يلفــت انظــاره

واشـاور حكيــم الرأي وابعـد عن البـلاس ... ولا كـل واحـد فالبشــر تسمـع اشــواره

ولا اسلا وابن عمـي علـي خاطـره محتـاس ... اداري شعـوره واعتـذر واقبـل اعـــذاره

ولا اشذب قفا الغايب ولا اكذب على الجـلاس ... وجاري مالـد لشافته لـه واكشـف جـداره

واحـب الخـلا وارتـاح لاذع ذع النسنــاس ... ولا اخـاوي الا فالميــه واحــد اختــاره

خـوي ينـومسنـي ليـا دقـت الاجــراس ... علـى كـل علـم غانـم طالــت اشبــاره

ترى الربح بين اهل الوفـا تكسـب النومـاس ... مـا هـو مكسـب التاجـر ريالـه ودينـاره

يقولـون لازل الرجــل مــره لا بــاس ... وانـا اقـول لازل الرجــل قـل مقــداره

وانا اشره على الطيب ولو هو من اقصى الناس ... ليــا اخطـى طريقـه ثـم تعمـد لتكــراره

ويفـرح علي الشامـت ويفــرح الانجــاس ... تـرى دم بعـض النـاس انجـس من الفـاره

ومـن لا يحـط بخاطـره للعلـوم قيـــاس ... ليـا سلـم تـاره بعدهـا مـا سلـم تـــاره

عسـى كـل طيـب يسلـم الشـر والاتعـاس ... ونفسـه من الصكـات في وقـتـه امجــاره

واحـب اللي يوقـف لا جـا المـوقف الحساس ... ولو هـو بعيـد اسـال عنـه وشهـي اخبـاره

تـرى الله خلـق والله فرق والرجـال اجنـاس ... ويمنــى الرجـل يمنـاه ويسـاره ايســاره

وعلـم الحيـا لابـد ياتـي مع العســاس ... ومـن جـاب علـم زيـن يستـاهل ابشــاره

ولا ينبنـي بيـت جـداره ضعيـف الســاس ... ولا كـل رامـي لا رمـى يطـرح الشــاره

ولا صـرت متعـافي تعـوذ مـن الوسـواس ... تـرا النفـس مهمـا كنـت للسـوء امــاره

*********

صح لسان الشاعر بطي الحبابي

ولكم تحيتي
اخوكم
فهد حمد الحبابي

ملصقات الأسماء

ستيكر شيت ورقي

طباعة ستيكرات - ستيكر

ستيكر دائري

ستيكر قص على الحدود