السلام عليكم ورحمة الله وبركاته




بإختصار


هذا الكارثه الشعريه


المسمى محمد بن الذيب


(شاعر يغرف من بحر)



للمشاهده وللإستماع


http://www.youtube.com/watch?v=_BlvajXpo48


وإليكم مقتطفات من القصيده وليس كلها



أنت ناسب ابن فطيم التاجر**** وأنا بعد بناسب العبار



لوجبت مايكل جاكسون وخليته**** في دبي خمس سنين بإقتدار


غنى لعلي بن روغه اللي علم ****ميحد حمد يعزف على الأوتار


وتصيف بأحلى بلد في الدنيا**** مافيه رطوبه وماش غبار


وموترك مرسيدس ونوعه فاخر**** مكتوب في طبلونه اس ال ار(slr)



والطائرات أنواع وأكبر وحده**** في عينك أصغر من شرار النار


يديرها بين الكباتن كابتن ****أحلى مافيه أنه من أهل الدار


مطيع ومصلي ويذكر ربه **** ماهوب سكار ولد سكار


ومساعده مثله لكن الضيقه **** أحياناً تحده يمر البار



أما المضيفات أختر اللي تبغي ****الخير واجد أنت بس طب واختار


وعلى الغصن ركز ياماشاء الله **** كن خصرها بداية الإعصار


إعصار لكن الضحايا قله **** أنت وأنا وضيوفك الزوار


اللي مشاعر شوفهم مشتده **** وعيونهم من شدة الإبهار


عيون طرقي يشتكي جوعه **** لفت نظره في شارع وهو مار


أربع شباب وبينهم صينيه **** تيس وخروفين وسنام حوار



وأنته على الكرسي ورجلك وحده **** مثنيه ووحده على الأزرار


وايديك يد تحمل الولاعه **** واليد الأخرى تحمل السيجار


أشهد أنه ماهو حولك تصرخ **** هيا بنا نقاتل الكفار



قاعد وسايقك الخصوصي واقف **** مصلوب طوله كأنه المسمار


مايعرف إسم أبوه ولا إسم أمه **** غلطه من المقبور والقبار


وإظاهر إن ابوه ماهو واحد **** كنه إنتاج لثلاث أنفار



وليا زهقت من البلد وركونه **** يجهزون اليخت والبحار


مايملك الوليد والخاشقجي منه **** لو إنهم من أهل المليار


لمباته في عرض المحيط الهادي **** اللي من الإيطار للإيطار


لمبات عرس مركبه في حفلة **** عبيد والعبيد فيهم زار


واليخت من أحدث طراز وشكله **** يحد بحاره على الإبحار


لأنه قبل مايكون يخت مصمم **** فندق رجال أعمال فايف ستار


دورين دور لوبي و رسبشن **** ودور فقط لقاعة الإفطار


ودورين للبحر الجميل مطله **** ومن فوق ذا الدورين خمس أدوار


تحس المقاول مات واللي يمّول **** من شدة الصدمه تقول إنهار


عياله يقولون مات بسكته **** والشرطه تقول إنه انتحار



لكن ياشيوخ العوامر قولوا **** للعامري سلطان مهما صار


غنيتله يوم إشتهيت أغني **** هجوسي ملجلج وأنا ثرثار


أملك من الدنيا نظافة قلبي **** لو إنه أرخص من العقار

المشاركة الأصلية كتبت بواسطة سعيد الجهيمي (المشاركة 444517) السلام عليكم صباح الخير يابن شايع الله لا يهينك يالذيب ولكن انت كتبت لــ الأستماع ولا حصلت الرابط يا خالد لا هنت والله يعطيك العافيه

وعليكم السلام ورحمة الله وبركاته

صباح النور والبنور ياسعيد

ولا من يقول

وجعل ربي يعافيك ويسلمك

ومن ناحية الإستماع المقصود نفس المقطع

لكن القصيده عندي صوتيه وإذا تبيها تبشر

ومشكور على المرور الجميل

المشاركة الأصلية كتبت بواسطة سعيد الجهيمي (المشاركة 445012) جعلك تحيا يا خالد واذا نزلتها صوتيه ممتاز وتثري المنتدى بالجديد يا القرم

تستاهل ياسعيد ويستاهل صرحنا العالي مجالس قحطان

مجرد أرفعها عن طريق موقع التحميل

راح أنزلها في المنتدى

المشاركة الأصلية كتبت بواسطة مشاري بن نملان الحبابي (المشاركة 445162) لاهنت ... والله يعطيك العافية ...

ولا أنت يامشاري

وجعل الله يعافيك

ومشكور على المرور

المشاركة الأصلية كتبت بواسطة علي البشري (المشاركة 445265) يعطيك العافية يابو شايع

الله يعافيك ياعلي ويسلمك

ومشكور على المرور