قصيدة مبارك القحطاني مجاراة لبن غيدة
 

[poem=font="Simplified Arabic,6,black,normal,normal" bkcolor="transparent" bkimage="" border="none,medium,gray" type=4 line=0 align=center use=ex num="0,black"]

يا مخرج الحلقة نبيِ لاِعاده = نستمتع امن الشعر و اللي جاده
فلا كل غواص ٍ يجيب الدرّه = وْ لا كل وراد ٍ نجح ميراده
دخل صبي قحطان شاطي الراحه = وْ تواردت الأبيات له كالعاده
استنبط الافكار ثم طوّعها = فبيوته اللي تتعب القصـّاده
نومس بني عمه وْ نومس ربعه = و اعمى عيون أعداءه وْ حساده
قمع قصيد ٍ عل ّ كبد السامع = مثل فعل صدام ضد اكراده
يوم اعلنوا عصيانهم للحاكم = قمعهم وْ حافظ على بغداده
ماهي غريبه لنـّه اللي وارث = من خاله و عمه قصيد أجداده
الشعر لاهل الشعر يا ناقدهم = وْ حنا هله ندراه من نقــّاده
نعرف متى نظمه و لا يجهلنا = معنى القصيد وْ حبكته وْ اقناده
قـُفل الشعر مفتاحه ابيدّينا = وْ عليه رقم ٍ حافظين اعداده
نحفظ حقوقه و انعرف مغلينه = و نشوش الى منـّا بدينا انشاده
وْ مد البحر و الموج ما يرهبنا = على البحور الحنجره معتاده
نكتب على كل البحور الصعبه = ما ننتظر من غيرنا لاِشاده
واللي طلب الامداد ورّط نفسه = فتره و تتلف واردات امداده
ان كان ماله فالقوافي جرّه = ولا اتعبه تركيبته و اعداده
يصبح غريق ٍ فالزخم الاعلامي = و لا يلاقي ساعي(ن) فانجاده
والا انت يابن غيده القحطاني = قديم شعرك شاهد ٍ لاجداده
شاعر . وْ متمكن . وْ لك جمهورك = و تفوز بالمليون اذا الله راده
و اذا اللقب توج لغيرك .. عادي = بارك له وْ يستاهله من صاده
شاعر رسول الله لقبه يكفي = لنا و حنا فالصحيح احفاده[/poem]

رد : قصيدة مبارك القحطاني مجاراة لبن غيدة
 

صح لسان الشاعر


والقصيدة طال عمرك لمشرفنا مبارك آل حاضر


وشكراُ لك يالغالي

رد : قصيدة مبارك القحطاني مجاراة لبن غيدة
 

لا هنت على النقل

صح لسان الشاعر مبارك

رد : قصيدة مبارك القحطاني مجاراة لبن غيدة
 

صح لسانك يابن حاضر

الله لايهينك .. وابدعت..

الله يعطيك العافيه يافيصل..

ومشكور على النقل.

تحياتي للجميع..

رد : قصيدة مبارك القحطاني مجاراة لبن غيدة
 

القصيدة لـ مبآرك بن حآضر مشرف عندنآآآ في المنتدى وصح الله لسآآآنه



ولآهنت على القصيدة

رد : قصيدة مبارك القحطاني مجاراة لبن غيدة
 

لاهنت على ا لنقل

وصح لسااان الشاعر مبارك

تحياتي