فالك المليار يا نشوى الرويني==خلّي المليون لليّ صفقوا له
 

**

[poem=font="Simplified Arabic,5,black,bold,normal" bkcolor="transparent" bkimage="" border="none,medium,gray" type=4 line=0 align=center use=ex num="0,black"]

فالك المليار يا نشوى الرويني=خلّي المليون لليّ صفقوا له
في سجّل مشجّعينك سجّليني=بعد ما فزتي على عيال الحموله
لا جمعتيهم على سمن وسميني=أسمني .. وأخذي من السمن العموله !
جابك الله للبنات وللبنيني=والولد مهبول .. والبنت مهبوله
تاجري بعقولهم والله يعيني=يوم قام العنصري يتبع ميوله
حرّكي فزعاتهم في كلّ حيني=وخلّي النخوه تقول اللي تقوله
بالرسايل من يسار ومن يميني=جاك فزّاع العرب يشعب ذلوله
هكذا حنّا على مرّ السنيني=ما نمثّل غير بأدوار البطوله
في دولنا .. زادوا المتنبّييني=وكلّ متنبّي لقا له سيف دوله !
يذبح ويصلخ ويومي باليديني=بالحركات البطيّه والعجوله
كل ما زوّد حماسه حبّتيني=أنتثر حبّه وشاله في حثوله
يجلب المحضور بين المسلميني=والجماهير المجانين أهتفوا له
يحسب أنه يملك العقل الذهيني=ينظم من الوهم مرجانه ولوله
لو فرضنا الشّعر مدلوله ثميني=أستباحوا فرضه وعرضه وطوله
روضة ٍ عيّت تسرّ الناظريني=وكلّنا دارين في الوضع وحلوله
ما نعيش بخير وحنّا غافليني=( عن كتاب الله وعن سنّة رسوله )[/poem]

رد : فالك المليار يا نشوى الرويني==خلّي المليون لليّ صفقوا له
 

قصيدة جزله ورائعه....يااخي وينك انت عن شاعر المليون.

بالنسبه لموضوع القصيده فمهما كانت ربحية البرنامج فلايكاد يختلف اثنان ان برنامج شاعر المليون او امير الشعراء او حتى هيئة ابو ظبي للثقافه ابدعت في احياء الموروث وخدمة الشعر الذي يمثل تاريخنا وميزه من مميزات العرب
ولايكاد يختلف اثنان على ماحققه البرنامج من حراك ثقافي وفائده للشعر والشعراء رغم ماصاحبه من سلبيات مثل ماذكرت كاثارة النعرات القبليه ولكن الايجابيات تطغى على السلبيات

صح لسانك ...وانا اتحفظ على البيت الاخير وارى انها كلمة حق ولكن وضعت في غير موضعها .

تقبل فائق احترامي

رد : فالك المليار يا نشوى الرويني==خلّي المليون لليّ صفقوا له
 

صح الله لسآآآآنك وبيّض الله وجهك



وجهة نظرك وحنآآآ نحترمهآآآآ

رد : فالك المليار يا نشوى الرويني==خلّي المليون لليّ صفقوا له
 

صح لسااانك


وكلام ناصر آل شري صحيح