محاورة بين ابن شايق و سعيد الفهري لا تطوفكــــــــــم
 

السلام عليكم ورحمه الله و بركاته

محاوره بين ابو شنب و سعيد الفهري

يمكن انها قديم لكن اعجبتني و اتمني ان تعجبكم

و اردت ان انقلها اليكم و السموحه على القصور


المحاروه



سعيد الفهري
بسم (آل معمر) يامرحباً بالضيوف=ترحيبةً يفطر الصايم على جودها
كان (ابن شايق) مربع في ظلال السيوف=لا يرتعد من بروقً حنة رعودها



عبدالله بن شايق
دام البقاء يالمرحب وانت بين الصفوف=حرك رياحينها وان حرك اورودها
ما يرتعد في وجيه القوم غير الضعوف=وإلا رجال المواقف تقدح زنودها



سعيد الفهري
خوفي من الله وغير الله ما منه خوف=وابكلمة من لساني تركز نهودها
يا طير شلوى ترى مالك علي معروف=يا شجرةً تستعيذ الناس من عودها



عبدالله بن شايق
والنعم بالله وابن ادم تمره ظروف=والناس تقصد وانا ادري وايش مقصودها
ان رحة وان جيت ما كثر عليك الحسوف=يالشجرة اللي تغط الشمس بفنودها



سعيد الفهري
اظروف الانسان ما بين النقط والحروف=يامكذب الحجه اللي تضحك اشهودها
كانت الاوادم تصفق عندكم بالكفوف=واليوم بين صداها داخل اكبودها



عبدالله بن شايق
الحمل حمل الجمل ما هو بحمل الخروف=وافريقيا بيضها قامت على سودها
الراس ياسعيد واحد والبقيه كتوف=خلك مع فرقة الأفراد واجنودها



سعيد الفهري
الحمل حمل السلامه والبلاء في الدفوف= وإلا سيوف المعارك تحمي احدودها
اللي تعب (ياعواطف) لو تعبه مخلوف=ماكان يبلش بحاشيها ومفرودها



عبدالله بن شايق
انت مصيف لكنك لابسً ثوب صوف=جوك ما يعرف حرورة الأرض وابرودها
اللوحه اللي عليها يمنعون الوقوف= صدمتها مره وحلفت ما عودها




الله الله بالردود نفداكــــــــــــــــــــــــــــــم


اخوكم : الوافي القحطاني

رد : محاورة بين ابن شايق و سعيد الفهري لا تطوفكــــــــــم
 

لاهنــــــــــــت

وبيض الله وجهك

رد : محاورة بين ابن شايق و سعيد الفهري لا تطوفكــــــــــم
 

رد : محاورة بين ابن شايق و سعيد الفهري لا تطوفكــــــــــم
 

السلام عليكم ورحمه الله و بركاته

ابن جفشان اشكرك على مرورك

اخوك : الوافي القحطاني

رد : محاورة بين ابن شايق و سعيد الفهري لا تطوفكــــــــــم
 

السلام عليكم و رحمه الله و بركاته

اخوي ال غانم والله لو فيه صوتيه ما بخلت عليكم

و لاهـــــــــنــــــت علــــــــى مـــــــــرورك

اخوك : الوافي القحطاني

رد : محاورة بين ابن شايق و سعيد الفهري لا تطوفكــــــــــم
 

بسم الله الرحمن الرحيم
السلام عليكم ورحمة الله وبركاته

محااااوره جميله جداااااااااااااا

الله لا يهينك ويعطيك العافيه

رد : محاورة بين ابن شايق و سعيد الفهري لا تطوفكــــــــــم
 

السلام عليكم ورحمه الله و بركاته

لاهنت يا ابن خضير على مرورك

اخوك : الوافي القحطاني