فتاه ليلة زواج حبيبها .....ٌقصيده موثرة
 

السلام عليكم ......
هذه احدى اجمل القصائد التي قرأتها وعساها ان تنال اعجابكم

بنت من الحياء والعفه ما قدرت تكلمه وتقول له اني ابيك او اخطبني وهو من ربعها
بالنسبه لي ما اعرف من هي صاحبة القصيده ولا ادري من هي بس انها من شمال


جاني الخبر يا صاحبي واظلم الكـــــــون *** قــدام عــينـي ثـم نــطقـت الــشــــهـاده
على العــمــوم اقــولـها الف مـليــــــــون *** مــبـروك مـن قــلـب شكـــالــك ابـعاده
مــبروك لا يهمــك سواليف وظـنـــــون *** مـن عــاشــق يــهديك فـــرحة فـــؤاده
ســو الــفرح اليوم وابليس مـــلعــــــون *** واللــي يشــب الـــنار يــجني رمــــاده
انـــا اول الــــعـالم على القصر يلفــــون *** اول مــــعـازيم الـــــفـــرح والــحــداده
ابشر انا برقص على العرس بالهــــــون *** كـــــل يـــــعـبـر فـــرحــتـه بــاجتهاده
لــــو الـــبلا رقــــصي يقولون مزيـــون *** الـــمــشكلــه الــقلب يــفـضـــــح وداده
يـــوم الـعذارى في دخــولـك يغنـــــــون *** وعــروستك باحلى ثــواني السعــــــاده
كــنت اتــمنــى بـــدالها والـله اكــــــون *** واحـط انـا كـفي تحت راسك وســــــاده
واشلون ابكتم صرختي يوم تمشـــــــون *** تـــكــفى ..خــذنــي للعروسه قـــــــلاده
حتــى مــعـازيـم الفرح قاموا يمشــــــون *** واصبــحت انــا وحدي بدون استفـــــاده
وطـــفوا عــلي الــنور مــن غير يدرون *** قــصر الــفرح يـا قـبر(000) ومهــاده
وصــيتي لـو جــاك بــنت وانــا امــون *** سمــيتــها لك (000) قــبل الــــــولاده

لو عرف المقصود ان القصيده له برايكم ايش راح يصير له
او لو ان البنت صارحته وارسلت له وقالت له انها تبيه ؟؟؟؟
موضوع وقصيده يجننون
بس تعرفون ان العرب لها عادات وتقاليد والبنت احترمت الشي هذا ورمت القصيده واختفت
ولا ندري من هي صاحبتها

صح لسانك يالغالي

وسلمت علي النقل


اخوك المقباااس

لاهنت يالبلوي

وصح السان الشاعره

وعلى حد علمي ان القصيده أطول من كذا

لشاعره اسمها منيره وتطلق على نفسها (( شوق الشقا ))

قصيده معبّره وكل واحد ياخذ ماله الا نصيبه

اخوك فارس

شكراً لك اخي الكريم على هذا المشاركة

صح لسانك يالسحيمي على النقل

وصح لسان الشاعره .

المكابسي هلا بك
المعمري هلا بك
فارس الشواطي اكيد انت اعلم مني ونتقبل منك كل شي يا غلاهم من تصحيح او توجيه
المقباس هلابك
ومشكووورين على المرور

لاهنت يالسحيمي البلوي

قصيده صراحه موثره 0

وكل واحد ما ياخذ الى نصيبه0

تسلم يمينك يالغالي

وتشكر على مواضيعك المميزه والى الامام0

تقبل تحيات اخوك

قصيدة جميلة ومحزنة والله يحقق رجا كل مشتاق

هاوي نجد يا هلا بك يا غلاهم دعمكم يجبرنا على التواصل
شيهان اللهم امين
مشكووورين على المرور
تحياتي لكم