شبكة قحطان - مجالس قحطان - منتديات قحطان - رسالة من ابن مايقه لبن شايق

- مجلس عذب الكلام (https://www.qahtaan.com/vb/forumdisplay.php?f=16)

- - رسالة من ابن مايقه لبن شايق (https://www.qahtaan.com/vb/showthread.php?t=37459)

رسالة من ابن مايقه لبن شايق

[poem=font="Simplified Arabic,4,black,bold,normal" bkcolor="transparent" bkimage="" border="solid,medium,blue" type=1 line=0 align=center use=ex num="0,black"]
قولوا لبن شايق فقدته من العام=ودي بشوفه واتقبل علومه
لو راح صوب الشام باروح للشام=لو كان سلم الشام ينكر سلومه
يا عبدلي خليتنا مثل الايتام=وسط الملاعب والديار محكومه
عد للقصيد ولطم الهام بالسام=سم على جرحه يعالج سمومه
خل الصفوف تجر زينات الانغام=تلعب براس اللي تراخت عزومه
نشتف من صوتك مواويل واحلام=واذكار مجد ما نسينا رسومه
نفخر بصوتك يا خلف كل ضرغام=كل ابلج يقطع مفاصل خصومه
بيت تفجر به عناقيد الالغام=يحرق على خصمك لبايب هدومه
ذكر على الناسين عبثات الايام=يقضي بها راس المطنخ لزومه
جفن تذكر يسهر الليل ما نام=مثل الحزين اللي سرت به وهومه
واليوم حام الحوم والطير لو حام=عود على داعيه من عقب حومه
زان القصيد وجاز لي خط الاقلام=في صفحة يرسم عليها وسومه
احلى من التفاح والتين والجام=واغلى من الجوهر على من يسومه
ابعد بها الهاجوس وحسوس الاوهام=واطرد بها من فكر راسي همومه
فيها حكم وعلوم وامثال واحكام=فيها خشونة واحتراف ونعومه
فيها عبر للمعتبر سر والهام=ابكار شعر بالوقار مختومه
لوحة استاد خطها عند رسام=من خطها وقع عليها بهومه
وانا على ما قيل ماني بهدام=من جابنا نتبع مواطي قدومه
ابوي يومن الرجاجيل تنضام=يجعل صناديد العرب في كمومه
ربعي مناعير وصناديد وحشام=وانا من اوسطهم خوال وعمومه
ما فات مات وكل ما مات ما قام=يبقى العمل والدود ياكل لحومه
قولوا لبن شايق ترا الوقت ظلام=لا خير في وقت تلاشوا قرومه
صاروا ذعانيب الرجاجيل قدام=حطوا على وكر اشقر الريش بومه
لو كان عندي له عناوين وارقام=كلفت جوالي يسجل رقومه
لا شك صك الشك عنوان الادغام=واللي يصور قرب البعد زومه[/poem][/poem]