سلطان بن نمر السحيمي في قصيدة رائعه
 

[poem=font="Simplified Arabic,5,black,bold,normal" bkcolor="transparent" bkimage="backgrounds/7.gif" border="groove,medium,gray" type=4 line=1 align=center use=ex num="0,black"]
يقول القحطاني هيضه صوت جاره=هيض على العين المشقاة جارها
الجار يوصي به حقوق لوازم=لو هم خباث ما ينزل وقارها
الجار والضيفان فرض على الفتى=لا بد من إبدال دار بدارها
لا صرت معسور من المال معدم=فالنفس خففها بزين اعتذارها
والعذر يقنع به من الناس عاقل=يكون نفسه ما يرى مقتدارها
وطمن عيونك لا تباهي بشوفها=ترميك في نار تقطع شرارها
والرجل لا تمهي لها في مسيرها=تخطر على روس الحيايا بغارها
فإلى نويت بديرة تيتزورها=جنب رقاق القاع واتبع غزارها
وانشد عن الي بينات فعايله=ترك رذال القوم واتبع خيارها
ولا تصاحب إلا كود من ينطح العدا=إن طار من تحت السبايا غبارها
واقنص بفرخ الحر لا صرت قانص=حتى تعود حايز من حبارها
فلا شفت من دونك إثنين تشاوروا=إذنيك علمها بكتم أخبارها
واحذر لسانك من جواب يعيبك=والعين سبر القلب والقلب دارها
لا بد من هرج طويل على القفا=وقول على اليمنى وقول يسارها
لا بد من قول على غير صايب=هرجة ردي مايميز قرارها
ندري من الزلة ونخشا ونختشي=أيضا ولا انظر جادل في خدارها
الأعمال بالنيات وللعبد ما نوى=ولا كل من ينوي على الحج زارها
هذا كلام للملبين فايدة=يفهم معانيها ويبني حضارها
ختمان قولي بالصلاة على النبي=عداد ما ينبت وتزهر ثمارها

سلطان بن نمر السحيمي[/poem](رحمه الله)

رد : سلطان بن نمر السحيمي في قصيدة رائعه
 

السلام عليكم

والله يرحم الشاعر برحمته ويسكنه جنته

والله لا يهينك وعسى ذا القصيده تتسبب في الدعاء له بالرحمه

ولا تحرمنا من قصايد الشاعر

رد : سلطان بن نمر السحيمي في قصيدة رائعه
 

http://www.qahtaan.com/works/up/get....npsx1198363231

أبيض و جه يا بن درعان

وصح لسان الشاعر

سلطان بن نمر السحيمي

رد : سلطان بن نمر السحيمي في قصيدة رائعه
 

بسم الله الرحمن الرحيم
السلام عليكم ورحمة الله وبركاته


الله يرحم الشاعر برحمته ويسكنه جنته



الله لا يهينك ويعطيك العافيه

رد : سلطان بن نمر السحيمي في قصيدة رائعه
 

السلام عليكم ورحمة الله وبركاته


الله يرحم الشاعر سلطان ويسكنه فسيح جناااته


ويغفرله ويتوب اليه


ولاهنت على النقل

خالص شكري وتقديري

اخوك/عبدالله السحيمي