رحت انا فيها وقلبي رايحٍ من قبل فيها
 

[poem=font="Simplified Arabic,5,black,normal,normal" bkcolor="transparent" bkimage="backgrounds/15.gif" border="groove,4,gray" type=1 line=0 align=center use=ex num="0,black"]


غايبه وانا ادعي الله كل يوم(ن) في صلاتي = ياعسى ترجع علي والخافق اللي يحتريها

ودّعتني مادريت اللي بياتيني بياتي = اثرها توديعة اللي مقفي(ن) حسبي عليها

عزّرت بي من جفاها لين ماقربت وفاتي = وابتلتني في هواها يا عسى الله يبتليها

همّلتني لين حتى كدّرت عيشة حياتي = واتركتني ماحصل مني غلط منها واليها

لين جات دموع عيني مثل دجله والفراتي = ولين جات ايام عمري كل حزن(ن) يحتويها

آه ... ياخوفي لو انها ناسيه ما كان فاتي = يوم لاضاقت تجي صوبي وانا لاضقت اجيها

فليتها ترجع وتجمع كل شي(ن) من شتاتي = وتّغانم مابقالي يرحم الله والديها

اسرفت فيني بطعنات الفقر بعد الغناتي = والغناة اللي على الدنيا تحت لمسة يديها

والبلا انّها في خفوقي غير عن كل البناتي = وردة(ن) كنّها أخت يوسف ويوسف كنّه اخيها

حطّها الله فتنة العشّاق لا راحت وجاتي = وكل رجال(ن) يقول اني ابي هذي وابيها

ان تقفّاها الهواء باقول يالله النجاتي = وآعذابي .... كل ماشفت الهبايب تقتفيها

وان تنطّحها الهواء فالله عليم(ن) بالسواتي = رحت انا فيها ...وقلبي رايح(ن) من قبل فيها

بعّدها والله ماافكر فالليال المقبلاتي = ولا علي من كلمة اللي باعته لا يشتريها

ودامها مثل المطر فيني وانا مثل النباتي = علموها لا تقاطع عيني اللي ترتجيها

ولاّ انا بكتب لها ورث المحبه في وصاتي = وعقّب اللي كلمته لا قالها مايحتميها

غايبه ... وان كان غبتي ماعلى الدنيا طراتي = ارجعي فهد المكودر رايح(ن) بالحيل فيها [/poem]

السلام عليكم ورحمة الله وبركاته


اخوي فهد

صح لسااانك على هذه الرائعه

ودائم صاحب قصائد مميزه

فهد المكودر
صح لسانك وبيض الله وجهك
ولا هي بغريبه عليك فعادتك التميز دائماً

أرحب أرحب

صح السانك وتسلم يمناك


اخوووك المعمري

وعليكم السلام ورحمة الله وبركاته

صح الله بدنك فارس قحطان ولاهنت على مرورك يالغالي

تقبل مني كل التقدير والاحترام

اخي الكبير / عبدالله المهداني

صح الله بدنك وجهك ابيض

ولاهنت على مرورك لا عدمتك

صح لسانك

صحححححححح الســـــــــــانك على القصيده


وتسلم يمناااااااااااك


تقبل تحيـاتيــ


اخوووووووووووووكم

كحيلااااااااااااااااااااااان







ِ

اخوي المعمري

صح الله بدنك

ولا هنت على المرور يالغالي