|
الغرب يصنع طايرات وصواريخ ... والشرق الاوسط ضاع نفطه بلاشــي
قصيدة للشاعر الكويتى --- ((حمود البغيلى))) تحكى عن واقعنا العربى والاسلامى المؤسف اتمنى ان تحوز على ارضائكم--- وقد رد علية الشعر (( باقى المفلح )) ارجو من الادارة التثبيت---- لانها تحكى واقعنا مع الشكر --
- الغرب يصنع طايرات وصواريخ ... والشرق الاوسط ضاع نفطه بلاشــي حطوا لهم في صفحة العلم تاريخ ... وحنا لماضينا نعيد النــقــــــــــــاشي من عقب ماكنا جبال شواميــــــخ ...صرنا تحت حكم الاجـانب ولاشـــــــي شي يدوخ الراس تدويـــــــــــــخ ... وشلون عقب الحر حام الفراشــــــي قولها والقلب اقوى من الصيـخ ... متى نشوف الحق في الارض ماشــي وقد ردّ الشاعر ( باقي المفلح ) على هذه القصيده بقـــــو له: يابن البغيلي للعـــــــرب بعد تـــاريخ... من قمه لقمه كلام وتمــــــــــاشي شف هالجرايد كلها صورة الشــــيخ... والشيـخ مايسوى خسارة فلاشــي واعلام شاطر في عروض المفاصيخ....والحر يكفــخ بين مرشي وراشـي والا شباب من العوايد مســــــــــاليخ .... والا بنات للــــــــنصارى تماشــي للي يقول الحق ياحمود تكفيــــــــــخ... وللي يقول الزور عز ومعاشــــــي ارهابي اللي ينصر الدين ياشيــــــخ... والا اليهودي ياخذ ارض وكاشـــي خلك بشعر المدح مدح الشواميـــــخ .... اللي معاركهم بكاس وفراشـــــــي حناالعرب مابين كوره وبطيــــــــــخ... في كل ملعب تلتقينا نفاشــــــــــــــي بننتصر ياحمود بالطاخ والطيــــــخ...كم الف مطرب سوقهم بانتعاشــــــــي بافلامنا بنوصل الصوت للمريــــخ... وببشوتنا بنصد قصف الاباتشــــــــي بالرقص نقدر نكتب احلى تواريــخ...مادام صرنا بين خاين وواشــــــــــــي واموالنا ترجع علينا صواريــــــخ... وجروحنا تنزف ولا فيه شاشــــــــــي هيا تعال نوجه لبوش توبيـــــــــخ ... ليه العرب يابوش عندك مواشـــــــي ونحذرك يابوش يكفيك تلطيـــــــخ... لاتحسب ان الدم ضاع ببلاشـــــــــــي حكامنا يابوش شلة مداليــــــــــخ... لكن يجونك ساكنين العشاشــــــــــــي ناس تسمع صوتها للمصاميــــخ...ناس تموت اعراضها ماتناشــــــــــــي يابوش صبرك لين تلقى المطانيخ... اللي يردون الذيابه كباشــــــــــــــــي اهل الفعل يسقونك الرد زرنيخ ... اللي مع الله لازمين المماشــــــــــــــي الشاعر / حمود البغيلى ------- الشاعر / باقى المفلح---------الناقل م عبدالمحسن مبارك |
رد : الغرب يصنع طايرات وصواريخ ... والشرق الاوسط ضاع نفطه بلاشــي
بسم الله الرحمن الرحيم
السلام عليكم ورحمة الله وبركاته ارحب يا ابو مبارك الله يعطيك العافيه على النقل وصح لسان الشاعرين وننتظر المزيد يالغالي اخوك/عبدالله السحيمي |
رد : الغرب يصنع طايرات وصواريخ ... والشرق الاوسط ضاع نفطه بلاشــي
بيض الله وجهك
على النقل الموضوع ولاهنت |
رد : الغرب يصنع طايرات وصواريخ ... والشرق الاوسط ضاع نفطه بلاشــي
قصيدة رائعة والرد أروع ؛ وهذي حقيقة في كلا القصيدتين لا هنت على الموضوع |
رد : الغرب يصنع طايرات وصواريخ ... والشرق الاوسط ضاع نفطه بلاشــي
لاهنت يالغالي
وهذي القصيده ان دايم اردد بدايتها ولا اعرف وش تاليها ولاهنت يالغالي |
رد : الغرب يصنع طايرات وصواريخ ... والشرق الاوسط ضاع نفطه بلاشــي
بسم الله الرحمن الرحيم
السلام عليكم ورحمة الله وبركاته اقتباس:
اقتباس:
بيض الله وجهك ولاهنت وصح لسان الشاعرين |
رد : الغرب يصنع طايرات وصواريخ ... والشرق الاوسط ضاع نفطه بلاشــي
شكراا لكل من قام بالمرور والرد من غير تحديد اسماء شكراااا للجميع --- عبدالمحسن مبارك
|
| الساعة الآن 07:27 AM |
Powered by vBulletin® Copyright ©2000 - 2025, Jelsoft Enterprises Ltd. TranZ By
Almuhajir
جميع الحقوق الأدبيه والفكرية محفوظة لشبكة قحطان وعلى من يقتبس من الموقع الأشارة الى المصدر
وجميع المواضيع والمشاركات المطروحه في المجالس لاتمثل على وجه الأساس رأي ووجهة نظر الموقع أو أفراد قبيلة قحطان إنما تمثل وجهة نظر كاتبها .
Copyright ©2003 - 2011, www.qahtaan.com