محاورة ( سعد القحطاني ، عبدالله الفهري ) كامله بإختصار
 

[poem=font="Arabic Transparent,4,darkblue,bold,normal" bkcolor="transparent" bkimage="" border="none,medium,gray" type=4 line=0 align=center use=ex num="0,black"]
سعد=
يامرحبا يالفهري اللي قد تقهوى عند بوش=ويقال رايس قدْمت دعوه لكن .. ويش القِرا
ليل الشتاء بادي وليلك ياصبي ليلٍ دغوش=اماتجي قدام هقـوة مـن هقـى والا ورى
عبدالله=
وابك البقا يا الفهري المحبوب يا الوجه البشوش=ومعزبي يعجبك يا ذيبـان .. والسـاري سـرا
ما لك وليل السبع لا من صار في .. ليله يهوش=والهقوه اللي ما تجمل خلهـا .. تحـت الثـرا
سعد=
مصيبه .. يطول اللسان احيان والخشم مخفوش=معزبـي ومعزبـك وش فرقهـم ياهـل تـرى
ياكثر مدات الطـروش وكثـر ردات الطـروش=في ما مضى ذيب وجبل .. واليوم بيع ومشترا
عبدالله=

واكبر مصيبه لا غدا .. فالخِده البيضا خـدوش=وهذا وهذا فرقهم فاللي حصل .. واللي جـرى
المجد يصنع بالعرق .. ما هوب يشرا بالقروش=والمجد للي يطلبه .. ما هـوب للـي فالـذرا
سعد=
ترى الجواهر عاليٍ صندوقها حاول تنـوش=احسب لها مضبوط والتوقيت حسب ام القرى
اثرك حلمت انك يابو نواف قايـد للجيـوش=خطوه جريه يابطل .. وانا طرا لي ما طـرا
عبدالله=
حنا نحوش اغلى الجواهر .. مير قلي وش تحوش=سلام من سكـان قصـر العـز .. للـي فالعـرا
يا ذا الصبي نصيحتي .. لا لا تعرض من يشوش=حنا نقود الجيش وانته يا ولـد .. ماسـك سـرا
سعد=
انتم تحوشون الجواهر حوش من ضمن العفـوش=ياساكنين القصـر مـن بيـن المضَـرْب والفـرا
اثرك تشوش .. وشايفك من عصر وآقول مخروش=مادام هـذي شوشتـك .. اكيـد جرحـك مابـرى
عبدالله=
رد المطيه يا ولد .. واحذر تكت (ا)بهـا الفـروش=واعرف ترا اللي جاهل(ن) بالوضع غيـر اللـي درا
اللي سواتك لا انخرش . مدري عرش . ولاّ معروش=لاكن عسى راسك صفق .. فالحيده اللي فـي كـرا
سعد=
وش في صحيبي ينكر المعروف ويقول مغشـوش=وضعه خطير وحظه اقشر .. بلْش والجيب انفرا
طارت طيور وحلْقَت .. وطيور باتت فالعشوش=من بعد هذي لاتقول إن حن جماعـه وإخشـرا
عبدالله=

انا صحيبك مير انا من عادتي رجل(ن) بطوش=ابطش بمن غره زمانه . والبـرا لهـل البـرا
الله يا كثر الجنايز فوق .. عاريـة النعـوش=فك الشراكه خلنا يا صاحبي .. بـس اقصـرا
سعد=
اثر العيون الله رحمها يوم حط لها رموش=لولا الرموش تظلها تنافصت لـو إجهـرا
غرزت لك في رقةٍ ماعاد تظهرك الونوش=وإنكان ربي خارجك لازم تسنن في حِـرا


[/poem]

رد : محاورة ( سعد القحطاني ، عبدالله الفهري ) كامله بإختصار
 

بسم الله الرحمن الرحيم
السلام عليكم ورحمة الله وبركاته


الصراحه محاوره في غاية الابداع

وكما عهدنا من الشاعر سعد القحطاني

والشاعر عبدالله بن عايض الفهري

كل الابداع في المحاوره وروح الاحوه بينهم

لك مني فائق الاحترام

على هذا المجهود

اخوك/عبدالله السحيمي

رد : محاورة ( سعد القحطاني ، عبدالله الفهري ) كامله بإختصار
 

ياسلااااااااااااااااام على الفتل والنقض والابداع



صحت اللسنتكم يا شعارنا المبدعين دائماااا ابو نواف وابو سليمااان


ولاهنت يافيصل على الاخراج والتنسيق