|
لو انها بمصامخ الروس والسيف
السلام عليكم
قصيده متواضعه للتواصل .. [poem=font="Traditional Arabic,5,blue,bold,normal" bkcolor="transparent" bkimage="" border="none,thin,gray" type=4 line=1 align=center use=ex num="0,black"] سلام ياجار ٍ له سنين ماشيف = طال الغياب وغاب عنا وغبنا انكان ماجالك زمانك على الكيف = حنا من صدوف المقادير ’’ شبنا ياحيف يامحمد من الوقت ياحيف = شفنا من الدنيا العجايب وطبنا كم فرقت بين القلوب المواليف = وحنا لدورات الزمن ماحسبنا مطامع الدنيا مثل بارق الصيف = وانقول من كثر التجارب تعبنا والسالفه بين المعازيب والضيف = ياما قرينا من حروف .. وكتبنا لو انها بصامخ الروس والسيف = على المهار ام الاعنه ركبنا ونجاهد الدنيا من السيف .. للسيف = حتى ’’ نشوف من الليالي عجبنا بس القدر يمشي بنواف .. ومنيف = لو كان نلحق من غضبنا عتبنا شرهة هل الدله على .. شارب الكيف = والكيف لولا ’’ خرمته ماشربنا ماقلتلك عد الفناجيل ياحنيف = عد البيوت الي على الساس ’’ تبنا القوم من بعد المغازي !! مناكيف = واليوم ودينا السوالف وجبنا والحمد لله ماجحدنا ,, المعاريف = وليا وقفنا للجمايل كسبنا ماهمنا هرج الضعوف الملاقيف = لو شذ هراج .. القفا ماشذبنا طب الجهل عند الرجال العواريف = ولولا العوارف والمعرفه نشبنا ويلي معاملكم .. على الكذب والزيف = والى نشدناكم تقولون !! تبنا تبا ًً لكم والي يعاملكم ضعيف = من دونكم ’’ عشنا وشفنا طربنا[/poem] وسلامتكم |
رد : لو انها بمصامخ الروس والسيف
انكان ماجالك زمانك على الكيـف * * حنا من صدوف المقاديـر ’’ شبنـا
* * الله الله يا الفهري رائع بحق وبكل المقاييس هنا الجزاله والعذوبه والسلاسه ومهما حكيت وتكلمت عن القصيده قصرت بالكلام ما غير صح لساااانك مليون ياالذيب ولا هنت * اخوك (عمر السخني الخالدي) |
رد : لو انها بمصامخ الروس والسيف
ويلي معاملكم .. على الكذب والزيف
والـى نشدناكـم تقولـون !! تبنـا تبا ًً لكم والـي يعاملكـم ضعيـف من دونكم ’’ عشنا وشفنـا طربنـا سلمت ودمت يابو محمد وش نقول الله يهديك .. مانقول الا هذا الإبداع المركْز صح لسانك وبيض الله وجهك وتعرف رأيي منذو مبطي :) . |
رد : لو انها بمصامخ الروس والسيف
اقتباس:
والله لايهينك ومرورك وتعليقك يهمني كثير تحياتي طال عمرك |
رد : لو انها بمصامخ الروس والسيف
اقتباس:
السلام عليكم ابومحمد الله لايهينك قصيده جزله بما تعني الكلمه قصيده كل بيت يكتب بماء الذهب لما تحتويه من القوة في الجزاله والمعنى ابومحمد دائما مبدع من طول الغيبات جاب الغنايم نرجو من الله لنا ولك التوفيق دمتتتتتت ودام اااااابداعك |
رد : لو انها بمصامخ الروس والسيف
اقتباس:
ارحب يا ابومحمد صح لسانك وعلا شانك قصيدة فوق النقد وأنت مبدع في النظم كما أنت مبدع في ساحة المحاوره وأنا من المتابعين المتشوقين لجديدك في المجالين تقبل مروري المتواضع ووافر ودي أخوك |
رد : لو انها بمصامخ الروس والسيف
صح الله السانك
الله يعطيك العافيه دائم وقصائدك جميله جعلك تدوم وتسلم يا خوي الغالي لك الشكر وتقبل تحياتي |
رد : لو انها بمصامخ الروس والسيف
شرهة هل الدله على .. شارب الكيف والكيف لولا ’’ خرمتـه ماشربنـا
ماقلتلك عـد الفناجيـل ياحنيـف عد البيوت الي على الساس ’’ تبنـا الله أكبر عليك يامشخص ما عاد خليت لنا من الابداع شي عيني فلا هلت يابو محمد سجلني معجب ومتابع لكل ما تكتب ولا تحرمنا من الاستمتاع بقراءة روائعك الشامخة طال عمرك تقبل تقديري |
رد : لو انها بمصامخ الروس والسيف
أرحب ياسعد
وانت تعرف مرروك منذو مبطي لاهنت وشكرا ً شكراً |
رد : لو انها بمصامخ الروس والسيف
أرحب يالسيف الشاهر والله لايهينك
مرورك شرف ويزيد من المعنويه لاتحرمنا طلاتك ومرورك الكريم ياقصيري من ورى الريع هههههه |
| الساعة الآن 04:31 AM |
Powered by vBulletin® Copyright ©2000 - 2025, Jelsoft Enterprises Ltd. TranZ By
Almuhajir
جميع الحقوق الأدبيه والفكرية محفوظة لشبكة قحطان وعلى من يقتبس من الموقع الأشارة الى المصدر
وجميع المواضيع والمشاركات المطروحه في المجالس لاتمثل على وجه الأساس رأي ووجهة نظر الموقع أو أفراد قبيلة قحطان إنما تمثل وجهة نظر كاتبها .
Copyright ©2003 - 2011, www.qahtaan.com