موقف للقحاطين مع الدواسر والسهول
 

في يوم من الايام الماضية ، احتاجت بعض من قبائل قحطان ،والموجودة في ضواحي الرين والقويعية التزود بالغذاء (المدد) ، وللحاجة الماسة اجتمع منهم مركوبه(قافلة صغيره) ليمدوا للحوطة لحيث انها اقرب المناطق لهم التي يتوفر فيها مايحتاجونه من تمر وغيره ، وكانت المركوبة من آل عاطف ومن الخنافر ومن السحمه .
ومدوا الرجال ، وبعد ما أنكفوا (رجعوا) أثر فيه قوم يراقبونهم ، من الدواسر ومعهم ربع من القبابنه السهول على رأس (القيحه) ويتبعونهم ،وكلما قربوا منهم لقوا القحاطين منتبهين وحذرين ، ولما طالت المسافة ،غاروا هؤلاء القوم الحنشل الطامعين في ما مع القحاطين ، ولكن عوال الشايب كانوا لهم بالمرصاد ، فجعلوا الطيب منهم لرديهم وساد، وهزموهم ودحروهم . وقتلوا القحاطين ذالك اليوم منهم الكثير على رأس القيحه ، والذي قتل القيحه هو ابن العمياء(فهد بن محمد بن سعيّد)آل عاطف .
ورجعوا القحاطين وهم سالمين غانمين،،،،،وهم يستاهلون كل خير (اعوال الشايب).
ومن ضمن ألمركوبه (المغني آل ذيبة الخنافر) الذي تمثل بهذه الأبيات متشجعا من فعل ربعه:

يارب وقطع تالي الدواسر @على النقى ماجا لهم عرافي
امن المغادر لين جينا البكرة@بأقطارنا مثل الدبا زرعافي
لكن وقع الملح وسط ركابنا@ بردى قنيف جالها رفرافي
ونعم ياخبرت (آل سعيّد) @ بذن الولي ماقلوبهم بخفافي
ونعم بالفراط أخو رفعة @يوم ألحى عوج على ألأكتافي
تكفون يآل دهيم عند ركابكم@حتى اندرج فنجال(ن) بلأكفافي


الفراط : من السحمة
وتقبلوا تحياتي،،،،،،،،،،،،،،،،،،،،أبن سعيّد.
ولنا لقاء مع مقتطفات جديدة.

رد : موقف للقحاطين مع الدواسر والسهول
 

موضوع غايه في الروعه

لاعدمتك يالقرم

واحب ان اضيف ان سحمي الفراط اخو رفعه فارس شهم

له الكثير من المواقف اللي تدل على نبله وكرمه وشهامته

منها العجوز الغاضبه اللي نثرت قربه لغنمها رغم انه سابقها على الماء

وابتعد عنها لين راحت وعود للماء ولا بقى فيه الا شوي والعجوز

يوم هدت وفكرت فيما جرى وقالت لعوالها والله ان رجال واجهته على

الما اما انه من اطيب الريجيل ولا ارداهم ويوم وصفته عرفوه عوالها

رجال له جديلتين ولايفرق بينهم الا جنبيته

جوه وتعذرو منه وقال لهم

ردتني اللي كنها ظبي الاطعاس .............. لانيب عشّاق ولالي لزومي

مير في حكمها قلت لا باس ............... نداري على شيمنا والسلومي

رحم الله الجميع رحمه واسعه

واكرر شكرى لك ونحن بأنتظار المزيد

تقبل تحيات اخوك عبدالله الضويري

رد : موقف للقحاطين مع الدواسر والسهول
 

بسم الله الرحمن الرحيم


السلام عليكم ورحمة الله وبركاته

أرحب تراحيب المطر يا ابن سعيّد ...

موضوع مميز من رجل أجاد التميز ...

تسلم يمينك ....

ولاهنت على الموضوع ...

تقبل مروري ...

أخوك / ابن نملان

رد : موقف للقحاطين مع الدواسر والسهول
 

ارحب ارحب يابن سعيد وما جبت بة

وال دهيم ما سلموا منهم القبايل كلهم

وتقبل تحيتي ,,

رد : موقف للقحاطين مع الدواسر والسهول
 

الضويري،،،،،،،بن نملان،،،،،،،،،شامان العاطفي

تسلمون ، وبكم البقا....

والله لايهينكم ،،، والف شكر لكم على المرور..


وتقبلوا تحياتي وشكرررري,,

رد : موقف للقحاطين مع الدواسر والسهول
 

السلام عليكم ورحمة الله وبركاته



السلام عليكم ورحمة الله وبركاته

موضوع ولا اروعـ يالذيب


تسلم يمينـك لا عدمناكـ ياابن سعيد

رد : موقف للقحاطين مع الدواسر والسهول
 

((((((( العلياني))))))))

الف شكر على المرور ، والمشاركة


وتقبل تحياتي،،

رد : موقف للقحاطين مع الدواسر والسهول
 

الاخ ابن سعيد

الله يحيك في محلك وشكرا لك على نقل العلوم الغانمه
ونعم بربعنا

اخوك

رد : موقف للقحاطين مع الدواسر والسهول
 

ابن سعيد

ابيض وجه على هذه السالفه التاريخية الله يحييك ولايهينك يالذيب

بارك الله فيك

رد : موقف للقحاطين مع الدواسر والسهول
 

سعيد بن مسعود آل مهدي
مرعي بن دواس الحبابي

ووجيهكم بيض والله لايهينكم على المشاركة والمرور،،

وتقبلوا تحياتي،،،