ثلاث قصايد نادره وجديده لـ سلطان ابن وسام الهاجري
 

[frame="8 80"]

الاولي(((المنــــــــــــــاجم)))

[poem=font="Simplified Arabic,6,darkblue,bold,normal" bkcolor="transparent" bkimage="" border="none,medium,gray" type=2 line=0 align=center use=ex num="0,black"]
الزمان يدور والدنيا تدور= ودوره الايام ماهي هينه
ماتدق الا جلاميد الصخور =خل عاد اهل العضام اللينه
والحرار اللي علي روس الوكور=كل حر مابقي الامكينه
والضحايا في الصحون وفي القدور=فوق نار اهل الوجيه الدينه
في غليان التغطرس والغرور=دور الواقع ماعاد تعينه
مثل حرف الجر في بعض السطور=لويشينه القلم ويزينه
والطماعه حطها نمر النمور=بين لحيانه وبن لسينه
ليش يبسن الحناجر والنحور=والديوس ام الحليب محينه
ادري ان اصل المناجم مايبور=كل منجم فيه تلقى عينه
عند ماتصفق بحور في بحور=مايبين الا الوجيه البينه[/poem]
[poem=font="Simplified Arabic,6,blue,bold,normal" bkcolor="transparent" bkimage="" border="none,medium,gray" type=2 line=0 align=center use=ex num="0,black"]
يالله اني طالبك ليل هواه =فيه من نوع الهداوه والركود
وفيه من عشب الربيع ومن شذاه=العصير اليا تثنا كل عود
في طرف روض قفر ماحد وطاه=له ثلاث شهور ودانه يجود
الدكاكه والتريبي من وراه=عثعث مقطاع صلب من نفود
من تمشي فيه يبطي مانساه=لويزور (الهايدبارك)و(ادجوانرود)
مير والله ماعلي الدنيا طراه =كان مالك مع هل الذيدان ذود
والله انك ماتلذذ في الحياه = في الوجود وكن مانت ابـ في الوجود
الغناه بدونها ماهي غناه=لاتنقُص في الحياه ولاتزود
البل تزود الرجل سمعه وجاه= واللي مايشقابها مافيه فود
مهما قالوا طيبه اكثر من رداه=ومهما طاريه مع الناس محمود
حتي لوهو غالي ينقص غلاه=كان مايعشق مواريث الجدود[/poem]

الثالثه (((الســــــــــــــــــــامر)))

[poem=font="Simplified Arabic,6,darkblue,bold,normal" bkcolor="transparent" bkimage="" border="none,medium,gray" type=2 line=0 align=center use=ex num="0,black"]
ياراشد الدنيا حظوظ وتوافيق =والعبد ماله غير مالله قسم له
حقك علينا لاطرقنا الطواريق=اصعب طواريق الشعر نحتزم له
نرضي مخاليق ونزعل مخاليق =ولاننوخها علي بيت نمله
اهم شي طويق وبناخي طويق=اثنين يفداهم من الناس جمله
الفوز برضا هالثنين المطاليق=يسوى من العملات عمله وعمله
والا ان بيبان الضماير مغاليق= ولاكل وجه يبتسم نبتسم له
وانا معاهد والعهد له مواثيق=اني لآحفظ له الوفاء والتزم له
ياكثر مافرج عليه من الضيق =مواقفه في حزه الضيق جمله
مناكبه للحمل فيها معاليق= يوم ان غيره يالله يشيل حمله[/poem][/frame]

رد : ثلاث قصايد نادره وجديده لـ سلطان ابن وسام الهاجري
 

رد : ثلاث قصايد نادره وجديده لـ سلطان ابن وسام الهاجري
 

شكر أبا فيصل على هذا الاختيار الموفق شاعر في حجم سلطان بن وسام
شاعر بكل متعني الكلمه

نشكرك أبوفيصل فأأنت أروع وهأنت في الحقيقه تبدع بحسن موضوعاتك الرائعه
شكراً.......شكراًًًً

رد : ثلاث قصايد نادره وجديده لـ سلطان ابن وسام الهاجري
 

السلام عليكم ورحمة الله وبركاته



اررررررررحب يابوفيصل


والله لا يهيينك على النقل


وصح لسان بن وسام وانا اشهد انه مايجيب الا الجزل



.

رد : ثلاث قصايد نادره وجديده لـ سلطان ابن وسام الهاجري
 

لاهنت يا ابو فيصل

يض الله وجهك على هذا الاختيار

وصح الله لسان ابن وسام


لاهنت لاهنت

رد : ثلاث قصايد نادره وجديده لـ سلطان ابن وسام الهاجري
 

هلا وغلا ابوسليمان والله يحييك

رد : ثلاث قصايد نادره وجديده لـ سلطان ابن وسام الهاجري
 

رد : ثلاث قصايد نادره وجديده لـ سلطان ابن وسام الهاجري
 

رد : ثلاث قصايد نادره وجديده لـ سلطان ابن وسام الهاجري
 

هلا وغلا ياسفر ولاهنت وبيض الله وجهك

رد : ثلاث قصايد نادره وجديده لـ سلطان ابن وسام الهاجري
 

بيض الله وجهك يا استاذنا العزيز علي بن مسفر الحبابي وما قصرت واختيار موفق لثلاث قصائد من الوزن الثقيل

لشاعر الوزن الثقيل سلطان بن وسام , لك مني الود والتقدير لاعدمناك يا ابو فيصل