اول علاقتنا !
 

متواضعه جدا جدا .. للتواصل / فقط لاغير :)



[poem=font="Simplified Arabic,5,black,bold,normal" bkcolor="transparent" bkimage="" border="none,medium,gray" type=2 line=0 align=center use=ex num="0,black"]
رعاك الله يا شوقٍ تقفّاه الهوا .. من غرب = يشيل من الغلا والحب .. شيٍ فوق طاقتنا
.
غشاه من السكينه ما غشى المكروب يوم الكرب = نداء القلب بالمرصاد .. والاقدار ساقتنا
.
وانا لو لا مداهيل الغلا ما جيت ذاك الدرب = ولا كحّلت عيني من بقايا .. اول علاقتنا
.
لكن جيت اتمشّى .. لين شفت اطلالنا عن قرب = وجاوبت الهبوب اللي تسولف عن حماقتنا
.
متى صار العتب بين القلوب .. اعلان حالة حرب = ومتى عشنا كذا .. وادنات شي يسد فاقتنا
.
تفاهمنا على مبدا الصداقه والكلام الذرب = وضيّعنا الكلام الذرب .. وانهينا صداقتنا
.
لازلت انفض جناحي فالسما .. لو كنت برا السرب = لكن اقبل نهايتنا .. ولا تنسى عراقتنا![/poem]

رد : اول علاقتنا !
 

الحمد لله رب العالمين

أمنيه وتحققت

كم تمنيت أن أكون على الاقل

أكون ثاني أوثالث من يرد

على ذهبياتك المكنونه

مايحتاج أشهد

رد : اول علاقتنا !
 

قصيدة جميلة جدا رغم قلة ابياتها الا ان الابداع فيها كان مركز بشكل كبير .


صح لسانك يا خالد على هذه الشامخة وسجل اعجااابي .



لك خالص تحياتي


زيد بن جليغم

رد : اول علاقتنا !
 

صح بدنك يابو محمد


الشرف لي لاعدمتك :)

رد : اول علاقتنا !
 

لكن جيت اتمشّى .. لين شفت اطلالنا عن قـرب
وجاوبت الهبوب اللـي تسولـف عـن حماقتنـا

يعني رحت للفاخريه :)

صح لسنك يابو نجد

والله نعجز ويخوننا التعبير عن إنصافك لو بالكلام

لكن ترانا معجبين بإبداعك .. ومتعطشين لرؤية جديدك دايم

لاهنت ولاعدمناك

.

رد : اول علاقتنا !
 

خالد الحصين


صح الله لسانك وجمل الله حالك


قصيدة في قمة الروعه والإبداع


وننتظر جديدك وتواصلك الدائم على احر من الجمر

رد : اول علاقتنا !
 

صح الله لسااانك


ابداع ابداع ابداع


سلمت يمناك يالذيب


تحياتي

رد : اول علاقتنا !
 

أخوي خالد الحصين

صح لسانك واعتلا شانك

رايعه ووافيه من راس وافي

لك فائق احترامي وتقديري

رد : اول علاقتنا !
 

اخوي خالد الله لايهينك على هالرائعة

وننتظر اخرى تكون على غرارها

الف شكر لك يالغالي

تحياي لك