ارجوا الافادة من وذي المعرفة
 

الله يصبحكم با الخير
ويجعلكم في مزيد الى المزيد من النجاح
وارجوا المعذرة على عدم ظهوري معكم ولكن الضروف تحكم
بدون اطالة عليكم
انا ابي ادرس انجليزي وابي افضل معهد من واحد جرب
ومن جهتي جربت دايركت انجليش مستوى اول وثاني موب جيد وسط
ووش رايكم في معهد وول ستريت
ولله يعيطك العافية

رد : ارجوا الافادة من وذي المعرفة
 

صبحك الله بالنور يا العاطفي

وانا بحيث اني ما دخلت معاهد ولكن اتوقع انها ليست مجديه وكلها كذاب في كذاب
ويعتمد فقط منها على القرمر اي القواعد وحفظ الكلمات

ولكن اذا تبغى الفايده سافر وادرس عند عايله وامنعنا من الردى
هههههههههههههه

وان شاء الله الشباب يفيدونك اكثر وخاصه اللي درسوا فيها

اخوك البشري

رد : ارجوا الافادة من وذي المعرفة
 

بسم الله الرحمن الرحيم
السلام عليكم ورحمة الله وبركاته

اخي العزيز

انا سمعت عن نيهورايزن يقولون انه ممتاز والله اعلم..

نتمنى لك التوفيق..

رد : ارجوا الافادة من وذي المعرفة
 

تابع افلام اجنبيه اخبار وحاول انك تحفظ من الكلمات قد ماتقدر واقراء في الانترنت اي موضوع يطري على بالك وان شاء الله ربي يوفقك وهذي طريقه مجانيه

فيه المعهد البريطاني اللي في السفارات يمدحونه اذا انت في الرياض
وترى تحصل لك بريطاني او اجنبي جاين يدرسون عربي منها انت تستفيد منه انجليزي وهو يستفيد منك عربي
انا اذكر ولد عمتي كان يدرس انجليزي في جامعة الملك سعود وعنده كم خوي له بريطاني وسئلته من وين عرفتهم قال انهم جاين يدرسون عربي
واتمنى اني افدتك ولو بالقليل

رد : ارجوا الافادة من وذي المعرفة
 

السلام عليكم ورحمة الله وبركاته

العـــــــــــــــــــــــــــــــــــــــــــــــ ـــــــــزيمة والرغبة في تعلم اللغة

قصتي قبل اتعلم اللغة : قسم بالله اول ماكنت معطي الانجليزي بال لدرجة he ,she ماني عارفها ههههههههههههههههههه بس من يوم خشت براسي اتعلم اللغة اول شي قلته حسبي الله على مدرسينا في المتوسط والثانوي اللي ماحفزونا على تعلمها

اخوي اللغة اجتهاد شخصي منك ((مادري كيف افسرها لك))

انا الحين بالخارج واشوف اني ماستفدت الشي الكثير من المعهد بس احس اني ملزم بحاجة عشان كذا احاول اطور ادائي قبل اخش على الدروس الجديدة عشان كذا اقول اني ماستفدت منهم شي لاني عارفها قبل اخش عليها .. فيه ميزه بالمعهد يصححون اخطائك اللغوية و الكتابية ويعطونك مسارات تعلم اللغة.


بالنسبة من ناحية تعلمي للغة:

احاول اجمع لي اكبر عددد فكوبلري ((كلامات)) واحفظها واعرف وش نوعها(( فعل - صفة - ........................الخ))

بالنسبة للرايتنق ((التعبير)) احاول اكتب كل يوم برقراف في اي موضوع كان واعطيه المدرس يصحح لي الاخطاء

بالنسبة للقرمر(( القواعد)) مشتري كتاب وان شاء الله عما قريب بكتب لك اسمه واحاول احل فيه يومياً

بالنسبة لليسلنق (( الاستماع)) عندك الbbc قوية وبرضوا كم اذاعة وانت مداوم والا رايح مكان حطه عليها حتى لو مافهمت شي لما تصير حصيلتك كبيرة في الفكوابلري راح تفهم وش يقولون .

بالنبسة للريدينق (( القراءة)) عليك وقراءة الجرائد الاجنبية حتى لو متفهم بالنسبة عند بداية عليك وقصص الاطفال


اخر شي والله ياللغة الانجليزية سهله لدرجة ماتتصورها

اتمنى اني افدتك .