|
رديه بين بوش وبلير
هذي المحاوره جرت بين الشاعرين بوش بن بوش وتوني بلير
حيث جاء بلير الى امريكيا لحضور الؤتمر الثنائي مع بوش ,وعندما دخل على بوش في صالة الاجتماع بدأ بهذه المحاوره وقام بوش بالرد عليه فورا,,,,,,,,,,,,,,,, بلير: الله لا يجزاك بالخير يابوش ^ورطتنا في حرب صدام ورطه عزمتني وتقول بترول وقروش^بس الحقبقه روحتي معك غلطه بوش: يا بلير رد العلم عن بوش بن بوش^الله خلقنا للمقاريد سلطه وابوي عنده للرجاجيل دنبوش^كم واحد شلنا فلوسه ونفطه بلير: ابوك والنعمين مير انت مربوش^تموت بالبترول وتحب شفطه صحيح عندك مال وسلاح وجيوش^مير اتوقع لك تدهور وسقطه بوش: يا بلير كانك خفت يوم احتمى الهوش^حرام ما تاخذ من النفط نقطه مثلك ترى شيراك قد راح مكروش^شوفه يصرح كل يوم بمحطه بلير: وراك ما تعطي شيراك عرموش^ترا مشغلنا بشيله وحطه وليا انتهى موضوعنا نرسل طروش^ونجمع المبلغ من الربع قطه بوش: شيراك هذا عنده الفكر مغشوش^فرط علي في مجلس الامن فرطه يدزه اليابان والصين ويطوش^ومجهز الفيتو لتحقيق شرطه بلير: يابوش انا مرهق وخايف ومدهوش^وانته تقول الحرب خدعه وخطه اسراي واسراك امتلأ منهم الحوش^عزالله انه صابني منك جلطه بوش: ماقلت لك كم فيه اذاعات ودشوش^لا تكشف المعنى وانا اقول غطه وان قالو إنا علوج واصحابنا جحوش^ماهمنا الصحاف واللي يحطه |
رد : رديه بين بوش وبلير
قبحم الله من أثنين
حتى أشعارهم حروب ومشاكل تسلم يالفهري وتقبل مروري تحياتي العطرة ،،، |
رد : رديه بين بوش وبلير
أرررررررررحب يالفهري قصيدة رايعة بين الكلبين
لاهنت وتقبل مروري,,, |
رد : رديه بين بوش وبلير
الله يريح المسلمين من هؤلاء الذين تجبروا وطغوا وابطشوا في كل بلاد نسأل الله سبحانه ان يصب عليهم سوط عذاب كما اهلك ثمود وعاد واغرق فرعون وخفس بقارون
اللهم انه لاناصر لنا من هؤلاء الا انت فـعجل علينا بنصر يثلج صدورنا عاجلاً غير آجل |
رد : رديه بين بوش وبلير
الله ياخذهم
لاهنت يالفهري والى الامام الله يحفظك دمت بووووووود |
رد : رديه بين بوش وبلير
محاورة كلاب (والله لا يهينك)
|
رد : رديه بين بوش وبلير
لاهنت يابن عنزي
وتقبل مروري ياذيبان |
رد : رديه بين بوش وبلير
ابدع من كتبها وعبر عن واقع الانجاس وعن بعض مما يدور في اذهانهم النتنة 0
ومشكووووووووور يالفهري 00 |
رد : رديه بين بوش وبلير
الله يرد بلاهم في نحوره
ويكفينا شرهم أثنينهم والله ماعاد أردى من ذا ألا ذا |
| الساعة الآن 10:32 PM |
Powered by vBulletin® Copyright ©2000 - 2025, Jelsoft Enterprises Ltd. TranZ By
Almuhajir
جميع الحقوق الأدبيه والفكرية محفوظة لشبكة قحطان وعلى من يقتبس من الموقع الأشارة الى المصدر
وجميع المواضيع والمشاركات المطروحه في المجالس لاتمثل على وجه الأساس رأي ووجهة نظر الموقع أو أفراد قبيلة قحطان إنما تمثل وجهة نظر كاتبها .
Copyright ©2003 - 2011, www.qahtaan.com