زمّــار الحي
 

اعتذر عن الإنقطاع وأجدد العهد معكم بنص قديم ولكن قريب من نفسي:



[poem=font="Simplified Arabic,5,darkred,bold,normal" bkcolor="transparent" bkimage="" border="none,medium,gray" type=4 line=0 align=center use=ex num="0,black"]
إن ما شفيت كبود ربعٍ مواليف = وإن ما كويت كبود تستاهل الكيّ
يحرم علي البن والهيل والكيف = وإن قلت لك فنجال ياساكبه عيّ
عقّب صبي مايعرف المعاريف = ماهوب يفقد ميت ولا ينذكر حيّ
واللي وقد ناره من الخوص والليف = لامدفيٍ عمره ولا منضجٍ نيّ
المدّعي تكشفه صعب المواقيف = والعيّ عيّ ولين يفنى وهو عيّ
من قال: أنا يا أهل الركايب لكم ريف = يفعل مثل "بوخوذه" و"حاتم الطيّ"
الطيب ياباغيه دونه تكاليف = ماحاشه اللي من خلق ماخسر شيّ
ماهوب للي يحسبون المصاريف = يا جعل من يبخل على ربعه اللّيّ
لابد ما ترجع علوم وسواليف = يضحك بها هراجة المجلس ضحيّ
وأرزاقنا عند الولي والتصاريف = لولاه ما نقدر على شربة الميّ
اسنين أغنى للغرام المحاريف = و(زمّار أهل الحي مايطرب الحيّ)
ما اطرد سراب ولاتعلقت بالطيف = قلبي فطمته من هوى الغيد يا "ميّ"
ماني على فقدك كثير التحاسيف = طويت صفحات الهوى اللي مضى طيّ
ماعاد أصدق حيلة الكذب والزيف = خذت العبر من قصة الشمس والفيّ
شعري شهادة حسن سيره وتعريف = زيّي وانا زيّه وفينا الشبه زيّ
خذيت من فوق أربعيني بعد نيف = والشيب لاح بعارضي كنّه الضيّ
ولاهوب مانعني لأعدّي المشاريف = وأكوي كبود أهل الحسد والحقد كيّ
وإن كان ماجتني الليالي على الكيف = قنعت ولاني لايمٍ حظي السيّ[/poem]

رد : زمّــار الحي
 

خير تجديد .. يالحمالي ..

صح لسانك ..

غصت في بحر الجزالة ..

قافية ومعنى قوي ..

بيّض الله وجهك .. يالحمالي ..

وننتظر جديد الجزالة ..



تحيّاتي ..

رد : زمّــار الحي
 

رد : زمّــار الحي
 

ارحب ارحب ارحب


يا سعيد


فعلاً مبدع


وغيااابك علينا مهما يطوووول تعووود وتأتي بما يشفع لك

صح الله لساانك منا لا عندك

تحياتي

رد : زمّــار الحي
 

رد : زمّــار الحي
 

ارحب يابو ناصر

صح لسانك واعتلا شانك

رايعه ووافيه من راس وافي

لاخـلا ولاعـــدم

لك فائق احترامي وتقديري

رد : زمّــار الحي
 

صح لسانك واعتلا شانك

رايعه ووافيه من راس وافي

لاخـلا ولاعـــدم

لك فائق احترامي وتقديري

رد : زمّــار الحي
 

رد : زمّــار الحي
 

بسم الله الرحمن الرحيم


السلام عليكم ورحمة الله وبركاته


صح الله لساانك

رد : زمّــار الحي
 

ارررحب يابو ناصر تراحيب الحيا

وصح الله لسانك


ومثل هذي الرائعه كفيلة بشفاعتها لك على طوووول الغياب

تحياتي وتقديري