زين الدين زيداااان وقبيلة قحطان
 

صلوا على النبي



[poem=font="Simplified Arabic,6,black,bold,italic" bkcolor="transparent" bkimage="" border="none,medium,gray" type=2 line=0 align=center use=ex num="0,black"]
البارحه يوم صار القلب ميدان=واظلوعي ألواح وعروقي طباشير
كتبت لك يالشعر كله على شان=أرضي غرورك وترضيني الجماهير
يامعشر الجن وينه سيد الجان=اللي يقود السرايا والطوابير
قولوا له أن الوعد في راس عزان=في نايف تنقطع عنه النواظير
في قصر جده دغيم بن شعيفان=بوابته فض وأسواره دنانير
والقصر كله ذهب خالص ومرجان=وأنواره انجوم ليل في قوارير
على يمنيه لراعي القصر ديوان=في أزرق العود ودلال مباهير
قلطت وسطه وأنا خايف وحيران=لولا التراحيب خانتني التعابير
خذيت مركاي قالوا ياكحيلان=حيت بك الجن واستانس بك الطير
في مجلس ماقلط به غيرك أنسان=من قبل ميتين عام ولك تباشير
بشر بك أفلان قبل أفلان وأفلان=وفي يوم مولدك دقينا المزامير
والحين يامرحبا ياطير حوران=حنا لعيناك مانذخر مذاخير
أبشر بشعر يرجح كل ميزان=يثبت أسمك مثل مايثبت النير
حنّا علينا نغذي الطرس قيفان=نسوقها لك مثل سوق المغاتير
وعليك تفتح لها صفحه وعنوان=ودقق البيت بين أملاء وتعبير
كنه كرة وأنت زين الدين زيدان=يحتاج له حرفنت فكره وتمرير
وأبداع بيكاسيوا في دمج الألوان=وترابط الحرف برواية شكسبير
شكرتهم شكر متواصل بعرفان=لو أن لي مع فحول الشعر تقدير
ودعتهم قبل يطلع صوت الأذّان=ومن قبل لا تغادر العش العصافير
سلام مالااح برق وهل هتان=وأسقى ثرى نجد من نوّ مزابير
سبعين ليله وهوا يرهي بالأمزان=وتفتقت الارض لعيون النواوير
على حزام الظفر صبيان قحطان=ربعي هل المدح موفين البواتير
أهل المحازم ليا منه بدا الشان=وأهل الفعايل مفرقة الطوابير
وأهل التراحيب وأهل دلال رسلان=ما ضمروها صباح وظهر وعصير
تقلط على النار كنها روس غربان=ماأمست وهي في رجاء ست الغنادير
أعيال عود لهم علم وبرهان=كسابة المدح وقت الشر والخير
أهل العزاوي لامنه صاح شيطان=تارد على الموت كنها تارد البير
مافيه علم يجي من غير برهان=ولا فيه مدح يجي من غير تبرير
تمت وصلوا عدد ماهل ودان=واعداد من كبروا لــ لله تكبير
على رسول البشر من نسل عدنان=اللي منور طريق الحق تنوير[/poem]شعر/علي البورعي

رد : زين الدين زيداااان وقبيل قحطان
 

رد : زين الدين زيداااان وقبيل قحطان
 

ارررررررررررررررحب يابو فيصل تراااااااااحيب الحيا



الله يحييك ويصح لسااااااانك


مبدع ولا تجيب الا الفرااااايد الجزله نفدا خشمك




سعدت بسماعها وها أنا أقرأها



تحياتي

رد : زين الدين زيداااان وقبيلة قحطان
 

صح لسانك جزل ولا تجيب الا السمين بيض الله وجهك

رد : زين الدين زيداااان وقبيلة قحطان
 

لله درك من شاعر مبدع .... حبك وسبك .... وترابط مفردات ......... ومعاني رائعات

فصح الله لسانك وبيض الله وجهك ....... جميله ورائعه من روائعك فشكرا لك

رد : زين الدين زيداااان وقبيلة قحطان
 

الاخ الغالي ابن العم :

علي البورعي :
بيض الله وجهك وانا اخوك وصح الله السانك

شاعر مبدع اينما تكون ..

لك مني المحبه والغلا ..

رد : زين الدين زيداااان وقبيلة قحطان
 

صح لسانك


ولا عدمناك

وتقبل تحياتي

رد : زين الدين زيداااان وقبيلة قحطان
 

رد : زين الدين زيداااان وقبيلة قحطان
 

صح الله لسانك والله القصيد الطيب اللي مايمل الواحد وهو يقراه

على قولة فارس قحطان

حبك وسبك

أنا أشهد

تحياتي العطرة ،،،

رد : زين الدين زيداااان وقبيلة قحطان
 

مجرد مرور يابوفيصل

وتجديد لإعجابي بك وبشاعريتك ..


صح لسانك