شبكة قحطان - مجالس قحطان - منتديات قحطان - يـا صانـع المكيـاج الله يجـازيـك ـ قصيدة

- مجلس عذب الكلام (https://www.qahtaan.com/vb/forumdisplay.php?f=16)

- - يـا صانـع المكيـاج الله يجـازيـك ـ قصيدة (https://www.qahtaan.com/vb/showthread.php?t=33360)

يـا صانـع المكيـاج الله يجـازيـك ـ قصيدة

السلام عليكم ورحمة الله وبركاته

وصلتني هذه القصيدة بالبريد ولم يذكر اسم كاتبها

تستحق القراءة
========================

[poem=font="Simplified Arabic,4,black,bold,normal" bkcolor="transparent" bkimage="" border="none,medium,gray" type=4 line=0 align=center use=ex num="0,black"]

يـا صانـع المكيـاج الله يجـازيـك=خليتني مخـدوع فـي شكـل خلـي

الله يحـرق مصنعـك مـع مبانيـك=والمعرض الموجـود في بيكاديلي

ادعي عسى تعمى وتنشـل رجليـك=هـذا دعائـي دوم لا جيـت اصلـي

خليتني اركـض ورا البنت هاذيـك=واشوفها اجمل غـرام ٍ حصـل لـي

قلبي عشقها ياحبيبي توماتيك=وان شافها قلبـي يرحـب يهلـي

هي رحبت بـي وقالـت الله يحييـك=وقالت هلا باللي عشق زيـن شكلـي

وقالت انا اجمل بنت في اللي حواليك=شف حسني الاخاذ وروجي العسلّـي

طالعتها ثـم قلـت هالقلـب يبغيـك=ومن شاف حسنك خلى غيرك يولـي

ابغي اشوفـك دون مكيـاج يكسيـك=وابغـي اشوفـك بالجمـال المحلـي

قالت تبينـي افـرك الوجـه تفريـك=واشيل هالبـودر وروجـي وكحلـي

قلت أي نعم قومي عسى الروح تفديك=ابغـي جمالـك هالطبيعـي يهـلّـي

قالت دقايق راجعـه لـك واراويـك=ذاك الجمـال اللـي لعينـك يسـلّـي

ويوم رجعت لي شربكتني الشرابيـك=وحسيت الارض تدور وانـا بمحلـي

الخد كنه ياحياتي سيراميـك=والوجه شارع مثـل شـارع حولـي

الوجـه كنـه بيـت كلـه شبابيـك=من هالحفر في وجهها اللـي يعلّـي

كلـه سبـب مكياجـك الله يجازيـك=خليتني مخـدوع فـي شكـل خلـي

ونصيحتي لكل شاب من غير تشكيك=لا لا اتسـرع ثـم تنغـش مثـلـي

اللـي بـلا مكيـاج خلهـا حواليـك=واللـي تحـط مكيـاج خلهـا تولـي[/poem]