يابنت ( موضة الحب )
 

[poem=font="Simplified Arabic,4,black,bold,normal" bkcolor="transparent" bkimage="backgrounds/8.gif" border="solid,4,gray" type=1 line=0 align=center use=ex num="0,black"]
يابنت لاتشكين جرحـك وتبكيـن=انتِ سبب جرحك وقلبك ضحيـه

انتِ وراء جرحك ومثلك مساكين=ضاعوا بكلمة حب في المهمهيه

انتِ طعنتي القلب من غيرسكين=اعماك تفكيـرك وحـب الهديـه

يابنـت لايغريـك كثرالملاييـن=كم من فقير فـي حيـاة هنيـه

يابنت لو صلوا جميع الشياطيـن=ماطلعوا عصفور من جلد حيـه

ويابنت ماتبكي عيون المذكيـن=لدقوا الشلفـاء بنحـر المطيـه

يابنت نور الحق مايعمي العيـن=العين تعميهـا العلـوم الدنيـه

يابنت خافي الله ملجاء المصلين=في عفة ديست على حسن نيـه

خافي كريم دلنا الشرع والديـن=ونهى عباده عن طريق الخطيـه

ويابنت انا خايف على باقي اثنين=اسمك ورسمك والعزاء في البقيه

عزاي في عذرا تقود المزاييـن=في طاعت الله عن دروب رديـه

ماهزها موضه ولبس الفساتيـن=تدراء شرفها من خيوط المنيـه

وعزاي في عذرا تصون الفناجين=لياغاب شايبها تحفـظ الوصيـه

هذيك اناشهد عـزوة للمواليـن=يفخر بها ذرب علومـه طريـه

ماهي بضاعه قلبوها الملاعيـن=اما شروها رخـص والا هميـه

واخر كلامي للرجـال الفطينيـن=من ضيع اعقاله شماغه بريـه



ذيب العبيدي [/poem]

صح لسانك
 

صح لسانك ياذيب

يا بنت لو صلوا جميع الشياطين ما طلعوا عصفور من جلد حيه
وبا بنت ما تبكي عيون المذكين لدقوا الشلفاء بنحر المطيه

ْالله لا يهينك علىهالشعر العذب يا ذيب العبيدي
وعساك على الدوم يا منبع الطيب

ذيب العبيدي

صح لســـاااااانك على هذه الرائعة .

والله لايهينك ويعطيك الف عافيه .

ذيب العبيدي كفيت ووفيت
صح لسانك
يالجزل والله لا يهينك

ذيب العبيدي صح لسانك صح لسانك

ذيب كأحد ابناء هذه القبيله يتأثر من باب الغيره لما يراى من مناظر لبنات هذا البلد الطيب تستدعي النقد البناء
وها هو الابداع بكل المقاييس من الاخ ذيب... من شي بسيط من المشاعر النقيه تجاه الجنس الاخر
اشكر له اتحاف المنتدى بمثل هذه الابيات الجميله
وقبلوا تحيات اخوكم ابن شاهـــر