شبكة قحطان - مجالس قحطان - منتديات قحطان

شبكة قحطان - مجالس قحطان - منتديات قحطان (https://www.qahtaan.com/vb/index.php)
-   مجلس الخواطر والمحاولات (https://www.qahtaan.com/vb/forumdisplay.php?f=45)
-   -   المــــــــــوت حـــــــــــــــــــق (https://www.qahtaan.com/vb/showthread.php?t=33228)

الوهابى 26-09-2007 03:57 AM

المــــــــــوت حـــــــــــــــــــق
 
قصيده فى الوالد رحمه الله واسكنه فسيح جناته

انتضر ردودكم بدون مجامله وتعليقاتكم : صلو على النبى

الموت حق ولكن الحى غالى = وكذاب من ينسى من الناس غالى

طرالى اللى ما نسيته دقيقه = من موته للحين كنى لحالى

اروح واجى وتسلى ولكن = اقسم برب البيت زوله قبالى

ان رحت والا جيت كلن نشدنى = كلن فقد راعى العلوم الجزالى

البيت ينشدنى عن الضيف وينه = وين الجمر ويا وين صفر الدلاالى

وين ارحبو والغتره المعصوبه = والعود الا زرق واعجلو يا عيالى

وهاتو السمين وقربو لى الحده = وحذرا يجي لضيف حسن بالى

وخطواته اللى فى الضلام الدامس = تهليله وتكبيره وطلبت والى

فى رحمه تنزل وغيث عاجل = يارب ترحمنى وترحم حالى

ويرفع بصوته الله وكبر صلو = خافو من المعبود رب عالى

اقفى ولكن باقيات علومه = بين العرب سوالفه تنقالى

فى حدود يام العلم يوصل عنه = يوم فزع فى حزه المقيالى

يوم ان غيره عتذر لا يفزع = هو يعتزى ويقول حالى ومالى

اقفى عسى ربى يغفر ذنوبه = والموت حق وكلنا بنزالى

العبدي 27-09-2007 06:20 AM

رد : المــــــــــوت حـــــــــــــــــــق
 
صح لسانك يالوهابي ..


مشاركة طيبة .. وخاصة أول خمس أبيات ..


تحياتي ..

سعيد الجهيمي 27-09-2007 07:11 AM

رد : المــــــــــوت حـــــــــــــــــــق
 
السلام عليكم ورحمة الله وبركاته
صح لسانك

والله يرحم ابوك واموات المسلمين والقصيده طيبه
والبيت إللي قبل الأخير ما ادري فيه شيْ ولكن اعتقد غلطه مطبعيه

يوم ان غيره عتذر لا يفزع = هو يعتزى ويقول حالى ومالى

كلمة عتذر وهي اعتذر

وتقبل المرور

أبــــــــ فهيد ـــــــن 28-09-2007 12:29 AM

رد : المــــــــــوت حـــــــــــــــــــق
 
بيض الله وجهك
ومن خلف مثلك وشرواك ما مات
أشهد أنه قول وكلام حر من ضهر حر
وما يحس بالقصيده إلا من فقد غاليه
وتاج راسه

ابن خضير 28-09-2007 12:50 AM

رد : المــــــــــوت حـــــــــــــــــــق
 
بسم الله الرحمن الرحيم
السلام عليكم ورحمة الله وبركاته

صح لساااااااااااااااااااااانك

والله يرحم موتا المسلمين

ويعطيك العافيه

الوهابى 29-09-2007 10:27 PM

رد : المــــــــــوت حـــــــــــــــــــق
 
السلام عليكم ورحمة الله وبركاته


العبدى // مرحبا والله ومسهلا ومشكور على حضورك



سعيد الجهيمى // ارحب وما قصرت


وصدقت هذا غلط مطبعى ((ما شالله عليك))


الساعة الآن 10:50 PM

Powered by vBulletin® Copyright ©2000 - 2025, Jelsoft Enterprises Ltd. TranZ By Almuhajir
جميع الحقوق الأدبيه والفكرية محفوظة لشبكة قحطان وعلى من يقتبس من الموقع الأشارة الى المصدر
وجميع المواضيع والمشاركات المطروحه في المجالس لاتمثل على وجه الأساس رأي ووجهة نظر الموقع أو أفراد قبيلة قحطان إنما تمثل وجهة نظر كاتبها .

Copyright ©2003 - 2011, www.qahtaan.com

ملصقات الأسماء

ستيكر شيت ورقي

طباعة ستيكرات - ستيكر

ستيكر دائري

ستيكر قص على الحدود