ثــالث ثــانوي ( محمد بن الذيب ) !
 

محمد بن راشد بن الذيب

ALKING


قصيدة ( ثالث ثانوي )

[poem=font="Simplified Arabic,6,deeppink,bold,normal" bkcolor="transparent" bkimage="" border="none,medium,gray" type=2 line=0 align=center use=ex num="0,black"]

رب اخ لم تلده امك في هيئـة خـوي=ماتنتـهـي مـدتـه ولاصلاحيـتـه
وانا ماابغى من الشخص القويم السوي=الااحترامه لشخصـي فـي علانيتـه
والنفس قدتنطوي على ماقـد تنطـوي=ماني بربه اعرف اللي فـي نفسيتـه
حديث خير البشر في شرحـه النبـوي=اعمال كل امرئ علـى حسـب نيتـه
لكن لو ان راس مالي فالبنوك اضغوي=حمدت ربـي علـى نعمـة عبوديتـه
مثل الشبح الأحمر اللي عند مصطفوي=اللـي فريـدٍ فتركيـبـه ونوعيّـتـه
عشقت لي بنت واثر الليل ليل سـروي=وان روح الليل دربـي ويـش تاليتـه
واثر الغرام الذكـوري كنـه الانثـوي=متفشي وكـل منهـم فيـه خاصيتـه
قالت من انته من انته قلت رجل بدوي=ثقافته ماهي تعـارض علـى صيّتـه
جباننا لارتفع سهـم المنايـا يـا ويي=ظهر له بموقـف تفخـر بـه بنيتـه
قالت من رجال يام مزبنيـن الخـوي=قلت وولد عم ابـن حثليـن وحميتـه
قالت هل البيرق اللي حارب ابن جلوي=قلت العرب واعيـه وعلومنـا بيّتـه
قالت ياجن الغلا لو شفت ذيب يعـوي=قلـت اتعشـاه لعيونـش ياجنيـتـه
لكن ظلم السنيـن وقلبـي المكتـوي=تثـر علـى خـوة الطيـب وعقليتـه
يا فاتنه سكر زيـاده وسكـر شـوي=ابشـرب زيادتـه واشـرب شويتـه
احلى بنات المـدارس ثالثـه ثانـوي=ذاقهـا قلبـي وقلبـي لـه نظريتـه
عن خلقها لو درى وزيرنـا التربـوي=خلا مـن اخلاقهـا منهـاج تربيتـه
وفي وجهها الامتحان الصعب الشفوي=سماحة اب القتيل اللي رفـض ديتـه
وفي جيدها لذة المدن فعيـون قـروي=وفي قلبها طهـره وطيبـه وعفويتـه
هي همي الشهري وتحصيلي السنوي=المثـقـل بـنــزوات يومـيـتـه
ياجعلها تعيش حتى عقدهـا المئـوي=وتشارك القلب فـي فرحـة مئويتـه
الشين فأتفه زواياها حسنها منـزوي=بالعكس تشكي ظروف القهـر اقليتـه
والا على الزين حيل الله ياقلبي قـوي=الزين هي موطنه الاصلـي وجنسيتـه
خذيتها مـن يدينـي وجـات تهـوي=وصارت في يدي ماهي حيه ولاميتـه
لو اني الشجره اللي للغصون تحـوي=مافيه غصن ماهـي دابـه ولا حيتـه
لو انهـا الالتهـاب القاتـل الرئـوي=قلت الوعد جنة المسلم يـا حوريتـه
ايعزها الشوق لين تخضـر وتستـوي=وتعيش من حسنة المسلم ومن سيّتـه
واثارها بنـت حـوا فاتنـه وتغـوي =جت تاخذ الثار مـن قلبـي وذريتـه [/poem]

رد : ثــالث ثــانوي ( محمد بن الذيب ) !
 

الله يسعدك يا الحبابي

لاهنت يا ذيب على نقل القصيد وسرني ان اكون اول

من شارك في الردود لهذا الموضوع

وصح الله السان المحلفي

تقبل مني كل الود

رد : ثــالث ثــانوي ( محمد بن الذيب ) !
 

الله يبيض وجه الناقل اما الشاعر والله انه ماصخ مافيه ذره عقل ولا ايمان وعلي قولة راعي المثل يقادي ذا الكلام وطقها والحقها ايضافة علي شوفته لنفسه الزايده والزود كما قيل نقص...

رد : ثــالث ثــانوي ( محمد بن الذيب ) !
 

بيض الله وجهك يابو فيصل


وصح الله لسان الشاعر بن الذيب


قصيدة رائعه كروعة حضورك الغالي على الجميع

رد : ثــالث ثــانوي ( محمد بن الذيب ) !
 

تسلم يمينك عالنقل

والشاعر هذا بالغ الاعلام في تلميعه كثيرا رغم اساليبه الغير المعتدله

رد : ثــالث ثــانوي ( محمد بن الذيب ) !
 

بسم الله الرحمن الرحيم
السلام عليكم ورحمة الله وبركاته

لاهنت وصح لسانك ولسان الشاعر

رد : ثــالث ثــانوي ( محمد بن الذيب ) !
 

صح لسااااااااان الشاعر

و بيض الله وجهك يا ابو مسفر على هذا النقل الرائع

وعلومك كلها غانمه

لاتنسانا من جديدك يالقرم

تقبل مروري

اخوك

تركي الجعادنه

رد : ثــالث ثــانوي ( محمد بن الذيب ) !
 

رد : ثــالث ثــانوي ( محمد بن الذيب ) !
 

رد : ثــالث ثــانوي ( محمد بن الذيب ) !
 

صح لساااااااااااااااااانه

اشهد لله انه شاعر مبدع

لاهنت يالغالي