|
بحسب مابين سبيع وال مهدي من معاريف (وما قيل عن المسارده)
كان الشيخ عبدالرحمن بن سالم بن جرشب المهداني واللي معه من ربعه جيران لقبائل سبيع وبحسب مابين سبيع وال مهدي من معاريف الرجال بسبب المهادي وقصيره مفرج قام احد شيوخ سبيع واعطاء ابن جرشب لزم وهو مايسمي الخاوه وقال السبيعي يابن جرشب نريد منك ان تحمينا من قبايل قحطان مادام حنا وياكم جيران قال له ابن جرشب ابشر بالمنع ولكن فيه قبائل من قحطان بينا وبينهم اقطاع اي لا يوجد بينا وبينهم لزم قال له السبيعي نريد منك ان تمنعنا من المصارطه رد عليه ابن جرشب وقال ما عندنا احد اسمه المصارطه عندنا المسارده قال هم المسارده قال له ابن جرشب المسارده ربعنا وبينا وبينهم اللزم وابشر بالمنع حسب عوايدنا حنا وربعنا ولكن لماذا المسارده بالذات قال السبيعي كل قحطان كفو ولكن المسارده يجونا في الضحي من النهار وياخذون الابل وحنا نشوف ... هذا والله اعلم ويعذروني المسارده في العنوان ولكن النص فيه المعني ووالله ان المسارده فخر وسند لولد الحارث ولعبيده ثم لقحطان وامن انتخاء بهم من غير قحطان
|
رد : المصارطه والا المسارده
وعليكم السلام ورحمة الله وبركاته
والله ملايييييييييييييين نعم في المسارده من غير قصور في قبايل قحطان ومثل ماقيل ( آلاد مسرد مثل المبرد سيف الهند القطاعي ) لاهنت يالحجاج وتقبل مروري |
رد : المصارطه والا المسارده
والله ونعم .. يا صبيان ابن مسرد ..
بيض الله وجهك يا الحجاج .. والمساردة .. فعولهم تنومس .. وبيننا وبينهم عنوة .. تحياتي .. |
رد : المصارطه والا المسارده
الحجاج
ونعم ونعم بعيال مسرد سهوم المنايا أبيض وجه وهذا شئ مفخره لقحطان عامه وما قام بين آل مهدي وسبيع من سلوم أنما لما بينهم من معاريف من زمن المهادي ودلاله واضحه بأن هناك بينهم ترابط وثيقه . أبيض وجه ولاهنت |
رد : المصارطه والا المسارده
والنعمين بالاد مسرد معروفين بفعالهم
ولا هنت يالحجاج ابن يوسف الثقفي اما بالنسبة للاخ مداهيل الرجال ترى بيزرى عليك ابن شداد ان شاف ردك هههههههههههههههههههههه. |
رد : المصارطه والا المسارده
ونعم ملايين بالمساردة ولا فيهم قصور
أتمنى تغيير العنوان شكرا لك يالحجاج الثقفي |
رد : المصارطه والا المسارده
لاهنت يا الحجاج على ايراد هذه القصه
ووجه ولد الحارث من قرامتهم ما يغزون الا في وضح النهار جهار واما بالنسبه لسبيع وال مهدي فهذي ما فيها شك تحياتي يابو محمد |
رد : المصارطه والا المسارده
اقتباس:
== = بني شداد هيشة الاساد===كسابت المدح لاضاعي |
رد : المصارطه والا المسارده
ربعي هل العادات في وقت اللقاء000لا ثار قدام الجموع غبار
عوال مسرد مرهقين اللي طغى000لرد للفعل القديم أذكار كلن على وضح النقاء يشهدلهم000بالطيب وبالنخوه وبالمقدار وعاداتهم فالكون لطمات العداء000ولطماتهم للمعتدي دمار وان قيل هاذي ديرة المسارده000كلن من العدوان فر فرار ربعي مساردة حدود بلادهم000حامينها من ضدهم بالنار ربعي مساردة ليا ثار الوغى000كلان يقرلهم وهو محتار وربعي مساردة كعام العايل000وأشوارهم تبدي على الاشوار وربعي مساردة عذاب المعتدي000يوم المعارك عجهنا ثار وربعي مساردة يحلون العقد000كم طوعو للحق من غدار من لامني في حب ربعي ينكسر000رجليه ويديه تروح كسار لارحم أبو من لامني في حبهم000والنار في الاخره له قرار أقول للاخوان اللي ردوا ما عليكم زووووووووووود والرجاء من صاحب الموضوع ان يغير العنوان |
رد : المصارطه والا المسارده
ونعم بالاد مسرد
وفي ذمتي انهم كفوا كسابه للمدح يوم ان ثمنه الفعول وبدون شك ان العلاقه بين ال مهدي وعوامر سبيع توثقت بعد سالفه محمد المهادي ومفرج العماني ويذكرونها شيبانا قبل لايذكرها منديل الفهيد وبارك الله فيك اخوي الحجاج الثقفي |
| الساعة الآن 12:18 AM |
Powered by vBulletin® Copyright ©2000 - 2025, Jelsoft Enterprises Ltd. TranZ By
Almuhajir
جميع الحقوق الأدبيه والفكرية محفوظة لشبكة قحطان وعلى من يقتبس من الموقع الأشارة الى المصدر
وجميع المواضيع والمشاركات المطروحه في المجالس لاتمثل على وجه الأساس رأي ووجهة نظر الموقع أو أفراد قبيلة قحطان إنما تمثل وجهة نظر كاتبها .
Copyright ©2003 - 2011, www.qahtaan.com