شبكة قحطان - مجالس قحطان - منتديات قحطان - ما ابي الا اخوها يصير خالن لولدي

- مجلس عذب الكلام (https://www.qahtaan.com/vb/forumdisplay.php?f=16)

- - ما ابي الا اخوها يصير خالن لولدي (https://www.qahtaan.com/vb/showthread.php?t=31256)

ما ابي الا اخوها يصير خالن لولدي

السلام عليكم ورحمة الله وبركاته

صلـــوا عالنبــــي...

شاقنـي حلـو المسامـر و النسـايـم.. بــارده
و موقفي بين الحبيبه و القمر جنب الجـدي
و الطواريق.. أتّغنـى فـي الهمـوم الشـارده
والمعانـي أتّثنـى... و تنحنـي فـي مقصـدي
و آتغزل فـي حلاهـا.. و المواقـف صامـده
و تنطلق أمواج شعري و تعلن الحب الندي
و كـل حـرف ٍ جـاء يعانـد اقهـره و آعانـده
و اكتب الحرف المعاند فوق ليل ٍ سرمـدي
و آتصيد من عيونه.. كيف يهـرب صايـده؟
بوسط عينه كنت شايب توي ارجع مولـدي
و الغناديـر استمالـت..... و نصّبوهـا قايـده
من حلاها كـل انوثـه.... فالبنـات مجـردي
كنها مـا قـد شابـت.. فالعمـر هـي خالـده؟؟
استفغر الله ما ابي أكفـر.. دامنـي المهتـدي
أيـه أحبـه حـب طاغـي دام قلـبـي منـاشـده
يا بعدي جعل المعالي من سماتك يـا بعـدي
بتنقدوني ياجماعه.. وشعري مافيـه فايـده!!
اسمعو آخر قصيدي و بتعرفو ليه ابتـدي !
أحبهـا حـب ٍ عفيـف ٍ .. دام حـظـي رايــده
و ما أنام الا في حلمـه اهتنـي فـي مرقـدي
مصليـه ..محافظـه.. مزكيـه.. هـي عـابـده
و اللسان مـن الطهـاره.. انطلـق واتشهـدي
أتـمـنـى أزور بـيـتـه ...و آتـشـكـر والـــده
يوم جاب لي هالأصيله لاجل حبه إتمـردي
هـي أصيلـه بنـت شيـخ ٍ.. للمكـارم فــارده
لا اعتزو في اسم ابوها دقو خشم المعتـدي
فـي المعالـي سايـده.. و فالرذيـلـه طــارده
حتـى أخوهـا للمصايـب.. مستعـد مجـنـدي
يـا جماعـه افهمونـي.. و القصيـد بقـاصـده
((ما أبي الا أخوها يصير خال ٍ لولـدي ))

وسلامتكم

مع تحيات اخوكم :

ابو رعــــــــــــــــــــــد

منقول