لاتشتكي ياقلب
 

[poem=font="Simplified Arabic,6,black,bold,normal" bkcolor="transparent" bkimage="backgrounds/18.gif" border="double,thick,gray" type=4 line=0 align=center use=ex num="0,black"]


لاتشتكي ياقلب وتقول الزمن مأسقى ضماك=حط النقط فوق الحروف وبد ماتلقى دليل
وإعلم ترا لأشتد حبل الوقت باعك من شراك=اللي من أول ماتبي غيره وبك ماله بديل
لو يتوجد لك ترا يفرح بمكروه(ن) دهاك=وليا نخيته في النوايب جنبك وأقفى ذليل
ويضيع وقت النايبه ثلثين ربعك وأصدقاك=إلا شجيع(ن) لاوقف وقّف وله ظل(ن) ظليل
وبعض العرب لو إن سهوم الوقت بيدينه رماك=لكن جعله ذا الزمن بقعاء على راسه تميل
واللاش مثل الداب لو إنك إتغفل يوم(ن) كلاك=ولو إن تجمل به ترا ولد الردي مابه جميل
وعن الجميل اللي ماهو في موضعه كل(ن) نهاك=وراع الردى في المرجله ماله رصيد ولا حصيل
وإشرب قلاص الصبر مر لجل ماتدري إعداك=وفارج الشدات والكربات معبود(ن) جليل
وإضحك مع اللي دايم يضحك وكفه من وراك=وعين(ن) مع عينه وعين إمع يده صبح(ن) وليل
وإن كان حظك واقف(ن) ضدك ووقتك ماعطاك=أصبر على الشده ولا تنصى ردي ولا بخيل
وإعلم ترا أكثر شامت(ن) يشمت بك اليوم أقرباك=وأكثرهم اللي مايبي لك طوله وعلم(ن) جميل
واليوم خلك يافوادي من خلاك ليا خلاك=جمالة منك ولك في الوقت الأقشر والمهيل
هذي نصايح وأخذ منها يافوادي مبتغاك=وماقلت غير الواقع اللي يجعل الصاحي هبيل
فأما إنتبه ياقلبي وخلك ذكي والعلم جاك=ولا فخلك خلف من باعوك ياقلبي ذليل[/poem]

رد : لاتشتكي ياقلب
 

وبعض العرب لو إن سهوم الوقت بيدينه رمـاك لكن جعله ذا الزمن بقعاء علـى راسـه تميـل
واللاش مثل الداب لو إنك إتغفل يوم(ن) كـلاك ولو إن تجمل به ترا ولد الـردي مابـه جميـل


أخوي الشاعر سالم الحبابي صح لساااااااانــــك مدد بلاعدد

أبيات راااااائــعه جداً

جزله من راساً جزل

تقبل أطيب التحايا والتقدير

أخوك ابوماجد

رد : لاتشتكي ياقلب
 

صح الله لسانك يا سالم ..

واعلم ترا أكثر شامتن يشمت بك اليوم أقرباك...وأكثرهم اللي مايبي لك طوله وعلم جميل

بيض الله وجهك ..

رد : لاتشتكي ياقلب
 

فأما إنتبه ياقلبي وخلـك ذكـي والعلـم جـاك ولا فخلك خلـف مـن باعـوك ياقلبـي ذليـل

الله يبيض وجهك

ويكافيك

صدوف الدهر

ومخاواة الانذال

تحياتي
"سفير آل حيان"

رد : لاتشتكي ياقلب
 

صح الله لسااانك يا سالم



مبدع بدون مجامله


تحياتي

رد : لاتشتكي ياقلب
 

أخوي سالم الحبابي

صح لسانك وبيض الله وجهك

رايعه ووافيه من راس وافي

لك فائق احترامي وتقديري

رد : لاتشتكي ياقلب
 

رد : لاتشتكي ياقلب
 

صح لساااااااااانك

و بيض الله وجهك يالقرم على هذه الرائعه

و سجلني باحد المتابعين لقصايدك يالغالي


و انا والله اعجبني هذا البيت

اللي يقول:


وبعض العرب لو إن سهوم الوقت بيدينه رمـاك لكن جعله ذا الزمن بقعاء علـى راسـه تميـل

رد : لاتشتكي ياقلب
 

بسم الله الرحمن الرحيم
السلام عليكم ورحمة الله وبركاته


صح لسااااااااااااااااااااااااانك


وأبيات جميلة ورائعة



والله يحفظك

رد : لاتشتكي ياقلب
 

وعليكم السلام ورحمة الله وبركاته

الله يبيض وجيهكم ولايهينكم


ولكم فائق احترامي وتقديري