لا تبخلوا علي بالرد الوافي
 

( السلام عليكم ورحمة الله وبركاته )

قبل يومين كنت جالس بغرفتي ومن كثر الطفش من موضوع مشغل بالي وفكري قمت أردد أغنية خالد عبدالرحمن
( في غربتي)
فمسكت معي محاوله شعريه على لحن هالأغنيه فأرسلتها عبر الوسائط إلى أقرب الناس لي وأمين سري أخوي.
قلت فيها:

أبو فجر ترى خليلي معنّيني

تكفى عويني تعاونّي على خلّي

ينظره ذبحني وقفى ثم يدعيني

شاطر بتعذيب قلبي وهو بعد كلّي

أبا اشتكي لك محمد من بلى فيني

وإذا معك حل تكفى علّك وعلّي

نقسى على حب شخص دوم يغليني

حتى يتعلم أصول الحب ويهلّي

*فــــرد عـــلـــيّ بـــأبـــــيــــات قــــــال فــــــيـــــها :

عبر موجات الوسايط والرنيني

جتني ابيات القصايد في محلّي

مرحبا بالشاعر اللي معتني لي

يشكي ظروف الهوى في كل حِلّي

كلما قال لصحيبه يا ضنيني

مادرى هو للدلع والاّ التغلّي

طال ليله من نحيبٍ في ونيني

نحف حاله يوم دمع العين هلّي

والحلول كثار لكن واش يجيني

لا زبط وضعك وصار الحل حلّي

* عاد أنا وعدته باللي يبي بس
( يــــجــــيـــــب الــــحــــل )

ومشكورين على قراءة موضوعي وضرووووري ضروووري ضروووري تردون عليّ وتتحفوني برايكم الوافي وبكل صدق .

رد : لا تبخلوا علي بالرد الوافي
 

بن دغيم رديه جزله بينك وبين خويك
وتقبل رايي المتواضع وتقبل مروروي

رد : لا تبخلوا علي بالرد الوافي
 

مشكووووووور وما قصرت والله
يا إبراهيم