ابراهيم الشيخي امام امير عسير فيصل بن خالد
 

[poem=font="Simplified Arabic,6,blue,bold,normal" bkcolor="transparent" bkimage="backgrounds/5.gif" border="double,medium,deeppink" type=2 line=0 align=center use=ex num="0,black"]
ياحاتمي الفكر لاتبخل على صحرا الضمير=قدم لها ميسورك وتعطيك من ميسورها
ياكثر ما مدت يديها تدعي الثلث الأخير= في جنح ليلة مدلهمة ماتطير طيورها
اصحت سماها من ضماها ترقب النو المطير=يكسي ورقها خضرة ويحي جفاف جذورها
قطرات غيث الشعر خطوة تسبق السيل الغزيز=والسيل كم سيّل بلاقع قفر واحيا بورها
وانا علي اعد لبيوت الشعر موقف كبير=وصياغة الموقف بيوت الشعر هذا دورها
وان كان ماتشمخ بيوت الشعر في مدح الأمير=وش عاد يبقى من مكانتها ومن مقدورها
ياسيدي فيصل ولد خالد مجير المستجير=يامزبّن المضهود من ظلم الحياة وجورها
كم شيخ معوز كم ضعيف وكم يتيم وكم فقير=تعطيه وجهك يوم خلق الله عطته ظهورها
للناس في صدرك رحابة للكبير وللصغير=وانته تربّعت المكانة في رحاب صدورها
انته ولد خالد وخالد شارك السيف الشطير=بسمه وقسمه يوم طعنات العدا بنحورها
وانته حفيد معزّي اللي حارب الشر الشرير=وارسى قواعد مملكتنا لين شعش نورها
ياسيدي حبيت ابارك لك على امارة عسير=وعلى ثقة حكام دولتنا ولاة آمورها
هي ودعت _خالد_بدمع العين والحزن المرير=ومن الموادَع كاد يطلعها الحزن من طورها
واستغرقت في حزنها المعتم وخاطرها كسير=وتسربلت ثوب الفراق ابراجها وجسورها
واليوم من ديوان (عبدالله)يبشرها البشير=وصاك يافيصل يابن خالد بجبر كسورها
وانته يابوخالد كفو لك فعل منقطع النضير=اظهرتها من حزنها وارضيت كل غرورها
وامست تغني لك على همسات نفحات العبير=ومن الطرب تنثر على راحة يديك زهورها
حملتها في راحة كفوفك كما الطفل الغرير=واسقت مراويح المزون افنادها وعطورها
تبخترت بالثوب الأخضر واحضنت عبر الأثير=سكانها والسايح اللي كل عام يزورها
ياسيدي دامك بخير والشعر واصحابه بخير=من غيرك الشعّار ينصف شعرها وشعورها
كل المحافل غير و(المغترة) ام الشعر غير=متميزة ومن البحر لين البحر جمهورها
صفوفها تشهد بفظلك يوم تابعت المسير=ورموزها الحيين والموتى بوسط قبورها
وانا ادري اني ماذكرت الا قليلٍ من كثير=واعظم قصيدة مدح فيكم تعترف بقصورها
والشعر 16بحر بين المطوّل والقصير=لكن بيوت الشعر ماتلحق مداك بحورها
وختامها عمرك طويل ودام عزك يالامير=في دولةٍ شرع الله ونهج النبي دستورها[/poem]

رد : ابراهيم الشيخي امام امير عسير فيصل بن خالد
 

الله الله الله



عليك يابو خليل


اشهد بالله انك مبدع



إبداااااااع منقطع النظير



لاهنت يا عااااادل على النقل


تحياتي

رد : ابراهيم الشيخي امام امير عسير فيصل بن خالد
 

السلام عليكم ورحمة الله وبركاته



صح لسان القائل والناقل



لاهنت ياعادل

رد : ابراهيم الشيخي امام امير عسير فيصل بن خالد
 

صح لسانك ولسان قايلها وانا سمعتها في قناة الساحة فيديو كليب ومشكور على الجهد الي بذلته

رد : ابراهيم الشيخي امام امير عسير فيصل بن خالد
 

صح لسان الشاعر


ومن نقلها إلينا


حفظك الله أخي الكريم

رد : ابراهيم الشيخي امام امير عسير فيصل بن خالد
 

يعطيك العافيه ياعادل وصح لسان ابراهيم شاعر ومبدع

رد : ابراهيم الشيخي امام امير عسير فيصل بن خالد
 

ياسلام ياعادل
وياسلام عليك يالشيخي
مبدع ونجم من نجوم الساحه
ويستاهل الامير فيصل

رد : ابراهيم الشيخي امام امير عسير فيصل بن خالد
 

مرحبا الف والله يحييك ويحيي مرورك ولاهنت

رد : ابراهيم الشيخي امام امير عسير فيصل بن خالد
 

بسم الله الرحمن الرحيم



السلام عليكم ورحمة الله وبركاته



صح السان الشاعر ولا هنت على النقل يالغالي

رد : ابراهيم الشيخي امام امير عسير فيصل بن خالد
 

لاهنت ياعادل على النقل


وبيض الله وجه الشاعر قصيده جزله ومن جزل