مرثيه
 

هذه القصيده للشاعر // حمد بن عبد الرحمن المغامس الوردي

وهي مرثيه بامه رحمها الله تعالى

اتمنى ان تنال اعجابكم



[poem=font="Simplified Arabic,4,red,bold,normal" bkcolor="darkred" bkimage="backgrounds/5.gif" border="groove,4,orangered" type=0 line=0 align=center use=ex num="0,black"]
علم لفاني هزني ليل الاثنين =من سبّته عيّت عيوني تنامي

هلّت دموع العين والناس ممسين =كني صغير السن وقت الفطامي

أول نجي للدار بالحين والهين =الوالده تاخذ وتعطي كلامي

واليوم صار البيت كلّه معزين =على عزيز راح عالي مقامي

عقب الظهر بالقبر والناس لاهين =أون أنا ونهّ كسير العظامي

قلبي مع امي والعمر حول خمسين =ومن فارق امه ياعرب مايلامي

لاشك أهل البيت ياخوي غالين =هم بينهم نورٍ يزيل الظلامي

البارحه بالحلم عندي تصلين =صلاه وترٍ كامله بالتمامي

ماقدر المعبود نقبله راضين =والموت حقٍ ماحمى عنه حامي

جعل القبر يصبح رياض وبساتين= يفوح به ريح النفل والخزامى

وبجنه الفردوس علّك تفوزين =والحور من حولك ترد السلامي

ادعي ويدعولك ضعوف مساكين =صارو عقب فرقاك دون إهتمامي

وختمها صلوا على خير النبيين =صلاه رب البيت مسك الختامي ..


[/poem]


تحياتي


ابو طــــــــــــــــــــــــير

ابو طير لاهنت على طرحك لهذه القصيده الرثائيه

التي تحرك المشا عر وتهز الكيان 00

والله يرحمها رحمة واسعه 0

تقبل تحيات اخوك00

شكراً لك على هذه المرثيه.
والله يرحمها ..........




أخوك
صقر............................................... .................................................. .................................................. ......................................

شكرا لك يا ابو طير وتسلم يمناك وتقبل تحياتي وتقديري


اخوك المعمري

صح السان القائل وسلمت يمين الناقل
رحم الله والدة الشاعر واسكنها فسيح جناته واموات المسلمين