لي شهر وشوي عينـي محاربهـا المنـام
 

قصيده للشاعر / لافي الغيداني
أتمناء أن تنال أعجابكم
ولكم تقديري

[poem=font="Simplified Arabic,7,black,bold,normal" bkcolor="transparent" bkimage="" border="none,medium,gray" type=2 line=0 align=center use=ex num="0,black"]
مايبرد واهـج الشـوق وشعـور الهيـام
غير سرداً تطوي البعـد بالسرعـه طـوي
بديها من خلف ماهوب مثلـه مـن امـام
مستوي في حال .. وبحال ماهو مستـوي
خشمها عبرود طلقه .. وموخرهـا بهـام
رافعـه راعـيـه بـأشـارة ٍ ماتنـغـوي
لابدو دعاء السفر .. واعلنو ربط الحـزام
ورشادات الامن لـو ترتطـم والا تهـوي
واستلمها واحـد ٍ خبرتـه عشريـن عـام
كبتـن ٍ بالله وبكتابـه إيمـانـه قــوي
مسلـم ٍ له خبـرةً بالحـلال وبالحـرام
جابله ربي على الديـن وسلوكـه سـوي
وصعدت مثل اشقر ٍ فوق جول الصيد حـام
ولمراوحهـا مـع الجـو لجـه وحــدوي
مثل مايدوي صدى صـوت رعـاد الغمـام
صوتها صـداه عبـر الفضـا يـدوي دوي
صنعة اللي ماعرفـوا لاصـلاة ولاصيـام
شعب ٍ أكثرهم ماهو عـارف ٍ منهـو ذوي
بالنهـار لياتعلـت كبـر فـرخ الحـمـام
دونهـا الاف المسـافـات تزويـهـا زوي
وان تغطلس بينك وبيـن رؤيتهـا الظـلام
كن في روس اجنحتهـا مشاهيـب بـدوي
دوبهم دكـو عـن دلالـه الربـع الحشـام
تحتها من وقـدة السمـر جمـر ٍ مجثـوي
دايم وربعه علـى جلسـة ٍ عنـده حيـام
ابلـج ٍ ليـن جنابـه لربعـه وحـمـوي
مالي الا هي .. لياجـا للاشـواق أحتـدام
وقامت الذكرى على القلب تكوينـي كـوي
لي شهر وشوي عينـي محاربهـا المنـام
ودي احضـر جـوازي وادورلـي خـوي
بينـي وبينـه مسافـات وحـدود ونظـام
واحـد ٍ فرقـاه شاويتـن فـوادي شـوي
بس ابـا ازوره مثـل مايـزارون الكـرام
لين عيني مـن قبالـه وشوفـه ترتـوي
لو بغيت اصبر .. واكابر .. واقول اني تمام
ذيب حبه بيـن جـرد المحاديـب يعـوي
كان مالي في دروب الهـوا شـف ومـرام
لين شفته .. واشهد انه هـواة المهتـوي
ياسـلام الله علـى السلهمـه والابتسـام
وياسلام الله على اللـي مابيلـه مطـروي
كن مالله حط في منطقـة خصـره عظـام
وكن غيره ماحتوى مثـل ماهـو محتـوي
لاقعـد مـاوده يقـوم .. ولياقـام قــام
تلوي اعناق البشـر قومتـه يمـه لـوي
تقل بين اعلا الجسم واسفل الجسم انقسـام
شي من جسمه مرتـب وشـي ٍ فوضـوي
استلمنـي فـي جبروتـه اشـر اسـتـلام
ليـن طيّـح معنويـات راس المعـنـوي
الغـرام ليابطـش فيـك ملعـون الرسـام
مايعرف هـذا قبيلـي .. وهـذاك خلـوي
يكبـر الرجـال امـام المهمـات الجسـام
ويصغر الرجـال امـام الجمـال الانثـوي
مايتحمل نظرة العيـن .. وارخـاي اللثـام
لو باسه باس رحمـة حيـاة ابـن جلـوي[/poem]

رد : لي شهر وشوي عينـي محاربهـا المنـام
 

صح لسان الشاعر

ولاهنت

رد : لي شهر وشوي عينـي محاربهـا المنـام
 

بسم الله الرحمن الرحيم
السلام عليكم ورحمة الله وبركاته


الله يعطيك العافيه وصح لسان الشاعر

رد : لي شهر وشوي عينـي محاربهـا المنـام
 

لاهنت يالغااااالي




وصح لسان الشاعر



الله يوفقكـ

رد : لي شهر وشوي عينـي محاربهـا المنـام
 

لي شهر وشوي عينـي محاربهـا المنـام
ودي احضـر جـوازي وادورلـي خـوي

قصيده رائعه

صح لسان قايلها

تحياتي

رد : لي شهر وشوي عينـي محاربهـا المنـام
 

يعطيكم العافيه على الردود

رد : لي شهر وشوي عينـي محاربهـا المنـام
 

يعطيك العافيه ولاهنت على النقل الرائع

وصح الله لسان الشاعر

قصيده رائعه بروعه شاعرها وناقلها

دمت بكل الود

رد : لي شهر وشوي عينـي محاربهـا المنـام
 

لاهنت يا سعود والله انك وافي

وصح الله السان الحربي

شااااااااااعر جزل قاف ومعنى

تقبل مروري ياذيبان