الصديق والعدو
 

[poem=font="Simplified Arabic,6,black,bold,normal" bkcolor="transparent" bkimage="" border="none,medium,gray" type=4 line=0 align=center use=ex num="0,black"]
كم من أهل الطيب في الدنيا تميّز = بالكلام الـذرب وأفعـال المـروّه
عـن دروب العـز والله ماتحيـز = خوته مع من يخاوي خير خـوّه
في لقا الغاويـن والله ماتهزهـز = بينه وبين القسا وصـل وعنـوّه
يوم بعض الناس وقت الهون غرز = من ردات الحظ يوم إنـه ولـوّه
ليت أبوه أمسا ولا جابـه وركـز = تو ماشافـه وإذا ماشـاف تـوّه
عجّزوه النـاس ولا هـو معجّـز = ياحليلـه يرعـد الراعـد بنـوّه
ما أستفاد اللي عليه أقبل وعنّـز = والله إنها روحته تشبـه غـدوّه
يشهـد الله مايفيـده يـوم طبّـز = ماتفيده غترته حضـرت سمـوّه
وما يفيد البشت والرقـم المميـز = دام في دنياه خيـره مثـل سـوّه
العرب بأفعالهـا صـوره تبـروز = والهدي ماعاد يشفع لـه هـدوّه
أعرف إن الطالب الناجح محفـز = وأدري إن المنحرف شكله مشـوّه
والضعيف أحيان يظهر ويتـرزز = ودّه إنه يعتـدل ويشـب ضـوّه
لكن العـاده سعـاده لـو تحـرّز = دايم البوّه بـدون شكـوك بـوّه
وإن تقـدم للنشامـا ماتـجـوز = لو طلـع طلعـه يتممهـا بهـوّه
منبسط والذل فـي دمـه مركـز = والذليـل يهـاب ماعنـده فتـوّه
وجد حالي يالشلي لامـن تنرفـز = كن مافي الكون كله غيـر هـوّه
يكفي إنه عنـد خلـق الله معـزز = ويكفي إنهم يعرفون إنـه مفـوّه
وش يبي الرجال في ثوبٍ مطـرز = وليه يدخل جو ثاني غيـر جـوّه
أخبر الشايب مـع الكبـر يتعكـز = والشباب إن راح يامصعب دنـوّه
ووالله إن الشعر ماهرف وعجـز = الشعر مازال فـي مطلـع نمـوّه
ومن تسمع للقصيـده ثـم ركـز = ما أعتقد يجهل صديقه من عدوّه [/poem]

رد : الصديق والعدو
 

رد : الصديق والعدو
 

الاخ الغالي والشاعر العذب سعد بن عدال
هنا الشعر الاصيل.......
هنا للشعر حضور......
هنا تنساب وتتدفق الكلمات والمعاني والقوافي طائعه لسيدها.
يسعدنا دوام تواصلك والمبدعين امثالك..
لك التحيه والتقدير

رد : الصديق والعدو
 

صح لسانك وعلا شانك

وأشهد شهادة حق مايجيب الجزل إلا رجال كفو مثلك

قصيده وافيه ومن رجال وافي ولا عدمناك ياكحيلان

ولا عاد تبطي علينا طال عمرك

تقبل تحياتي وتقديري

أخوك / ابو عساف

رد : الصديق والعدو
 

ارحب ثم ارحب

وصح لسانك يا سعد قصيدة وافية وجزله والله يقربنا من الطيب

رد : الصديق والعدو
 

سعد القحطاني



البقا طال عمرك



لاهنت على المرور المشرف



تحياتي

رد : الصديق والعدو
 

علي بن مسفر



لاهنت على مرورك المشرف


تقبل تحياتي

رد : الصديق والعدو
 

رد : الصديق والعدو
 

قصيده وافيه من راجال وافي
تستاهل الطيب يابو عدال

رد : الصديق والعدو
 

صح لساااااااااااااااانك



و علاااااااااااا شانك




وو بيض الله وجهك




تقبل مروري و تحياتي