الببغاء وكلمة غبي !!!! سالفه ضحك عن الإستثمار
 

كان فيه واحد " على نياته " ..

جرّب يستثمر أمواله !

وكان عنده ببغاء يتكلم ..

لكن مشكلة الببغاء .. إنه كل ما شاف راعيه قال : ياغبي .. يا غبي .. يا غبي ! ..

راعيه ضاق صدره ... وقرر ياخذ الببغاء لمدرب الطيور علشان يعدّله ...

: يا مدرب الطيور .. شف لك صرفة مع هذا الببغاء .. كل ما شافني فشلني عند الناس "

غبي ، غبي " ! أبيك تدربه زين وتعدّل كلامه .. علشان يغيّر هالكلمات الي يرددها كل ما شافني

قال المدرب : ما عليك .. خلّه عندي كم يوم ..

ولما راح راعيه .. جاب المدرب " سطل " مويه حاااارة .. وحطه قدامه ..

وسأل الببغاء ..: أنا مين ؟!

قال الببغاء : أنت صديق الغبي ! ..

وينزله المدرب في المويه الحاااره ثم يطلّعه .. ويسأله ...

: أنا مين ؟

قال : أنت صديق الغبي ..

وينزله في الموية مرة ثانية .. ثم يطلعه ..

: أنا مين ؟

.. وعلى هالحال .. حتى تربى الببغاء وتسنّع ..

أخيرا .. قال له المدرب ..

: أنا مين ؟!

قال الببغاء : أنت صديق أذكى واحد في العالم ..

ويوم جا راعي الببغاء .. قال المدرب : تفضل اسأله ...

قال راعي الببغاء .. : أنا مين ؟!

قال الببغاء : أنت مين ؟! وهذا سؤال !! .. أنت الذكي ..

إلا أنت أذكى واحد عرفته في حياتي !

قال له راعيه : .. طيّب .. وإذا لعبت بفلوسي على كيفي ؟!

قال الببغاء : .. هذي فلوسك .. من عرق جبينك .. تسوي فيها اللي تبي ..

قال : طيّب .. إذا دخّلت فلوسي " بنك " ؟!

قال الببغاء : ممتاز .. حركة استثمارية في غاية الذكاء .. ومن أذكى واحد في العالم ..

: طيّب .. وإذا دخلت فلوسي عند " العقارات " ؟ ..

: طبيعي .. تنويع استثماري .. من أذكى واحد في العالم !

: طيّب .. وإذا عطيت فلوسي " لراعي البقاله يستثمرها معه " ؟..

: ذكاء خارق .. وماشي مع الحكمة اللي تقول " لا تحط البيض في سلة واحدة " ..

فعلا أذكى واحد في العالم !

: طيّب .. وإذا اشتريت بفلوسي " حلاوى العيد وبيعها بضعف القيم ليلة العيد " ؟ ..

: عادي .. صحيح إنك أذكى واحد في العالم ..

: .. طيّب .. وإذا دخلت فلوسي في الأسهم ؟!

قال الببغاء : يا عمي هاااات سطل الموية الحار ! .. قايل لك هذا أغبى وأثور وأدبش واحد في العالم ولا صدقتني

هههههههههههههههههههههههههه :1108277366:

رد : الببغاء وكلمة غبي !!!! سالفه ضحك عن الإستثمار
 

بسم الله الرحمن الرحيم
السلام عليكم ورحمة الله وبركاته

الله يحفظك لظاهر ان الاغبياء واجد

والله يســـــــــــــــــــــــــــــــــتر

ولك تحياتي

رد : الببغاء وكلمة غبي !!!! سالفه ضحك عن الإستثمار
 

هههههههههههههههههه


حلوة ياسر

والله عاد.......هذا....... صدق... ماله حال

الدلاخة مطارده.... مطارده

رد : الببغاء وكلمة غبي !!!! سالفه ضحك عن الإستثمار
 

وعليكم السلام ورحمة الله وبركاته
الله يسمع منك وانصح اي واحد يبي يستثمر فلوسه يشتري ببغاء أول شيء

هههههههههههههههههههه



والله أن أشكاله واجد ادخل صالة الأسم وتشوف
ههههههههههههههههه

رد : الببغاء وكلمة غبي !!!! سالفه ضحك عن الإستثمار
 

ههههههههههههههههه

مشكور يا ياسر ..

حلوووووووووووة ..

رد : الببغاء وكلمة غبي !!!! سالفه ضحك عن الإستثمار
 

هخهخهخه

عز الله إن أكثرنا أغبياء

ولكن وش نسوي الشكوى لله

ما عرفنا إن حنا أغبياء إلا بعد خسارة الأسهم

رد : الببغاء وكلمة غبي !!!! سالفه ضحك عن الإستثمار
 

خهخهخهخه حــــلوه ياسر وبارك الله فيك

رد : الببغاء وكلمة غبي !!!! سالفه ضحك عن الإستثمار
 

هههههههههههههههههههههههههههههه
الي يشووفك يا ياسر يقوول انك منت بداخل في الاسهم

رد : الببغاء وكلمة غبي !!!! سالفه ضحك عن الإستثمار
 

ههههههههههههههههه

يالوم الببغاء فيه

رد : الببغاء وكلمة غبي !!!! سالفه ضحك عن الإستثمار
 

ههههههه ههههههه ههههههه

صاااادق الببغاء0

الا لية ماتقترح يحطونة قدام البنك ويكسب في الاغبياء اجر0

:110103_hi :110103_hi :110103_hi :110103_hi