(( قصة المثل [ زلقت حبة الشمري ] ))
 

http://www.qahtaan.com/works/up/uplo...1179594924.gif




يا هلابكم ومرحبا
اجل وين الربع الباقين .. عساهم فالطريق ..

يا صبي .. حط المركا بين الربع

تقهو يا الربع ..

.. تراني مشتااق لسوالفكم .. انت ملمين بالقصايد والسوالف الجزله ..


يالله حيهم يالله حيهم


سالفتنا اليوم

يقول مطلعــهــا

ياليتنا من حجنا سالمينا ... كان الذنوب اللي علينـا خفيفـات

قصة المثل (زلقت حبة الشمري)

حبة الشمري كلها جت من “بصري الوضيحي” والقصة تقول:

ان بصري الوضيحي راح يحج ويتوب الى الله ..وان يتوب عن التغزل والغزل ..كونه مشهور بالغزل بشكل غير طبيعي .. وبعد كبر سنه نوى ان يتوب .

طلب من ابنه لكي يحججه ... وبعد ما سعى وطاف طلب من ابنه ان يحب الحجر الاسود .. ولكن الحجر الاسود كان مزدحم من الناس ...رجال ونساء ... والرؤوس متقاربه بعضها لبعض . فتزاحم معهم بصري وابنه .. وعندما وصل الى الحجر ويريد حبة الحجر ... اعترض بينه وبين الحجر ...خد بنت جميله كانت تريد حبة الحجر ... وفي هذه اللحظه السريعه انبهر بصري الوضيحي من لمعان خد البنت وبدل مايحب الحجر حب وجنة البنت ....فقالت له البنت حج حج ياشايب .... وحاول ولده أنه يرقع الموضوع قال هذا شايب تايه(مهذري) ...فخجل الوضيحي وقال يابعد حيي زلقت الحبة ابيها بالحجر وصارت فيك ...وصار هذا مثل (ازلقت حبة الشمري)


الـتايـه الي جاب بصري يقنه ... هيض جروح العود والعود قاضي

جينا نحب ونطلب الله جنـه ... جنـة نعيـم يـوم يابـس الحاضـي

ياليت كانت حبتي في معنه ... يوم العيون عن الخوامل غواضـي

يامن يعاوني على وصف كنه ... اشقـح شقـاح ولاهـق بالبياضـي

الريح لازفرة ولاهي مصنه ... ريـح النفـل بمطمطمـات الفياضـي

نهدين للثوب الحمر شولعنه... حمـر ثمرهـن واقفـات غضاضـي

والخد ذابوح القلوب المرنه .... براق مزنٍ لاعـق اللـون ياضـي

ياليت لو سني على وقم سنـه ... بايـام مابينـي وبينـه بغاضـي

أيام جلد الذيب عندي محنه... نصبح وزرق الريش لهن إنتفاضـي

ياجرح قلبي جرح وادي وطنه .... غر المزون اللي وطنـه وفاضـي

البيض قبلي محسنٍ عذبنه... ونمر على وضحى جـرا لـه عراضـي

والبيض كم ٍ واحد ٍ يبسنه .... يبسة شماشيـل العـذوق النفاضـي

عزي لمن غر الثنايا كونه .... واركن على كبده كوايلٍ عراضـي

الا ارتوى بستان قلبي سقنه... واخضر جنابه عقب يبست الحاضـي

لقلب غضات الصبايا شعنه .... بنت الشيـوخ مخدميـن الحياضـي

شوفي بعيني والخدم يركبنه .... على زعاع يـوم قوطـر وناضـي

فوق اشقح من زمل ابوها مضنه ... ركبة عليه اتشنطح ٍ باعتراضـي

وامشجر من سوق هجر مغنه ... على خياطة نابي الارداف راضـي

وين انت يامشفي على طردهنه ... انا طويت ارشاي وقفيت قاضي

انا صدرت ووردهن عقبنه .... على العـدو مشرعـات الحياضـي

حد بوسط النار واحد بجنه .... وترى البخيت اللي له الرب راضي .



ويقال بعد مارجع الوضيحي ندم على مافعل وقال:




ياليتنا من حجنا سالمينا ... كان الذنوب اللي علينـا خفيفـات

رحنا نبي نخفف ذنوب علينا ... وجينا وعليها كثرها عشر مرات

وسلامتكم

اتمنى ان القصة نالت على جزء من إعـجابكم

تقبلو خالص تحياتي

http://www.qahtaan.com/works/up/uplo...1179595075.gif


اخوكم

عــــــاشق الليل

رد : (( قصة المثل [ زلقت حبة الشمري ] ))
 

والله قصة راااائعة

(( مهوي )) ذالشايب الله يصلحه

قصدي الله يرحمه :)


لاهنت

رد : (( قصة المثل [ زلقت حبة الشمري ] ))
 

السلام عليكم ورحمة الله وبركاته


الله يعطيك العافية ومشكووووووووووووووور

رد : (( قصة المثل [ زلقت حبة الشمري ] ))
 

الله يعطيك الف عافية

رد : (( قصة المثل [ زلقت حبة الشمري ] ))
 

لاهنت ولا شنت

قصة جميلة من جميل

دايم على لسان الشايب الله يرحمه

اذا ذهب مشوار ولم يحصل مراده

يقول

ياليتنا من حجنا سالمينا ... كان الذنوب اللي علينـا خفيفـات

رد : (( قصة المثل [ زلقت حبة الشمري ] ))
 

ارحب تراحيب المطر ياعاشق الليل

أعجبني ذا البيت

وين انت يامشفي على طردهنه ... انا طويت ارشاي وقفيت قاضي

ههههههههههه

يا والله العود اللي عاد قلبه أخضر

يبي من ينوب عنه

الله يرحمه ويرحم موتى المسلمين

لاهنت على السالفه ياعاشق الليل .... ويا خوفي لو انك خليفة ذا الشايب

تقبل تحياتي يالقرم

رد : (( قصة المثل [ زلقت حبة الشمري ] ))
 

إي والله اللي قلبه أخضر


ماشاء الله عليه في الغزل


شكل حظة في الغزل قوي لدرجة تطلع حبته على بنت


لاهنت ياعاشق الليل على القصة الرائعة

رد : (( قصة المثل [ زلقت حبة الشمري ] ))
 

مشكورررررررررررين



على المرور




ولكم فائق التحيه

رد : (( قصة المثل [ زلقت حبة الشمري ] ))
 

مشكور أخوي على توضيح هذة القصة اللي كنا نسمعها ولكن الروايات أختلفت حول هذة القصة:
فكنا نسمع ان احد أفراد قبيلة شمر كان يبي يحب طفل امة تحملة وامة جميلة جدا فطلب الشمري
من ام الطفل ان يقبل الطفل فقام بتقبيل أم الطفل فزعلت وتكلمت علية ونهرتة فرد عليها الشمري
بالكلمة المشهورة ((زلقة حبة الشمري يابعد حييي)).
ولكن أعتقد ان القصة اللتي رويتها لنا هي الاصح ،،،
ولكن الشيبان الله يهديهم ياخذون دورهم ودور غيرهم بالعربي مايفوتون الفرصه اذا سنحت لهم .