ياخوالي ياحد السيـف ونصابـه
 

السلام عليكم ورحمة الله وبركاته


مساكم الله بالخير جميعا ً



هذه قصيدة للشاعر / عبدالله بن علوش الهاجري يمتدح فيها خواله قبيلة آل بوعينين التميمية

وقد قالها في احدى احتفالات قبيلة آل بوعينين بالعيد .

والآن اترككم مع القصيدة ,,,,


[poem=font="Simplified Arabic,4,black,bold,normal" bkcolor="transparent" bkimage="" border="none,medium,gray" type=4 line=0 align=center use=ex num="0,black"]
بسم رب ٍ عباده تحسـب حسابـه=خالق الخلـق محييهـا ومفنيهـا
ثم صلاة ٍ على المبعوث واصحابه=ناصح النـاس بالدنيـا وهاديهـا
والسلام السـلام الحفـل نبدابـه=والقصيده تبيـن قصـد راعيهـا
شاعر ٍ جابه التقديـر واعجابـه=بالتقالـيـد والــي مايخليـهـا
عاده الله على من جمـع اقرابـه=عـادة ٍ حيـة ٍ لاهـان راعيهـا
حفلكـم يالبوعينـيـن جينـابـه=يارجال ٍ تبيـض وجـه عانيهـا
قصـدي ارد معـروف ٍ حظينابـه=طيبكم غامـر ٍ نفسـي وكاسيهـا
ياسلايـل تميـم ونعمهـا لابـه=لابـة ٍ يطلـق الحجـان طاريهـا
من بغى الحق هم للحـق طلابـه=قـوم ٍ حقوقهـا دايـم توفيـهـا
ومن بغى حربهم ظاقت به ثيابـه=جعـل عدوانهـا تفـدا مواطيهـا
وان صفوا كالعسل في حلق شرابه=وان قسوا نار تاكل من حواليهـا
مهتديـن ٍ بشـرع الله وكتـابـه=والملك طاعته ماقصـروا فيهـا
ياخوالي ياحد السيـف ونصابـه=سالف امجادكم مانـي بمحصيهـا
ذكركم تاج شعري قـام يزهابـه=والقصيده بكـم تفخـر معانيهـا
انتم اكبر من الشاعـر وماجابـه=واسمحولي مـن اولهـا وتاليهـا
عيدكم عاده المولـى حضرنابـه=عـاده الله ودار العـز يبقيـهـا

[/poem]


وتقبلوا اطيب تحياتي ,,,,

رد : ياخوالي ياحد السيـف ونصابـه
 

صح لسان الشاعر على القصيده الجزله




والف شكر لك يالعبيدي على النقل ودائما عودتنا بكل ما هو مميز لا عدمناك




دمتم على خير





.

رد : ياخوالي ياحد السيـف ونصابـه
 

سلطان العبيدي ابيض وجه نفداك

وصح السان ابوجابر وخواله يستاهلون وذا اشوي منه وواجب منه لهم


اخوي سلطان علا شانك وعلا لخرى عانك

رد : ياخوالي ياحد السيـف ونصابـه
 

ارحب ارحب يا تركي

رد : ياخوالي ياحد السيـف ونصابـه
 

ابو ناصر لاهنت

رد : ياخوالي ياحد السيـف ونصابـه
 

صح السان الشاعر عبدالله ابن علوش

ونعم فيه وفي خواله ال ابو عينين من حمايل بني تميم العريقه



ولكن فيه سؤال ..هل خوال عبدالله واخوه سعد نفسهم ولا كل واحد أمه غير..؟؟؟





انتظر ردك ياسلطان

رد : ياخوالي ياحد السيـف ونصابـه
 

ارحب ارحب يابني هاجر

لاهنت

وبالنسبه لسؤال ليس لدي علم والقصيده منقوله من موقع بني تميم

رد : ياخوالي ياحد السيـف ونصابـه
 

رايتك بيضا يالنشمي

رد : ياخوالي ياحد السيـف ونصابـه