ولقينا الفحل عبدان بين البكار السود
 

هذه القصيده اهداء الى الأخ الفاضل
عايض بن جبران

[poem=font="Simplified Arabic,5,black,bold,normal" bkcolor="transparent" bkimage="backgrounds/14.gif" border="double,medium,blue" type=2 line=0 align=center use=ex num="0,black"]
سرينا ورا العمده نبي عايض والذود=بذيك الفياض الي بها سجت البالي
وخذينا على منهاجنا ساعتين وزود=اتحن البقوس وخطها المزدوج طالي
وصلنا مكانك يامقر الوفا والجود=عريب النسب ومعرب الجد والخالي
وفاك وتراحيبك لنا في مكانك زود=ولك منهجاً مايقدره كود الأبطالي
و لقينا الشحم والعود الأزرق ودهن=العود بمجلس كريم له بالامجاد منزالي
ولقينا الدلال مبهره والضيوف اوفود=وضون سناها غادين له تشعمالي
ولقينا الحليب اللي يسما علاج اكبود=وريح الخزامى والنفل والطعم الحالي
ولقينا مجاهيمن عليها الوسوم اشهود=حموها هل الطالات ذربين الأفعالي
ولقينا الفحل عبدان بين البكار السود=اطوال الرقاب النايفه والثمن غالي
شراها ولد جبران عايض كبير الفود=عسى الله يبارك للوفي طيب الفالي
وهادي كريم النفس والموقف المحمود=سنادً لأخوه بوقفت الحال والمالي
صحيح الفهود عيالها فلزوم افهود=توارث وفاها من قديمً ومن تالي
رشيدي إيلا عددت فعول وعد اجــدود=صناديد يام مطوعت كل عيالي
الا يابيوت الشعر عودي على المقصود=على مدح منهو لثقيلات شيالي
وختمانها صلو عدد ماتهب انود=على محمد الهادي الى خير الأعمالي[/poem]

رد : ولقينا الفحل عبدان بين البكار السود
 

ابو خالد


بيض الله وجهك بياض تشيله الركاب


لا توفيك الكلامات حقك


صح الله لسااااانك


تحياتي وتقديري

رد : ولقينا الفحل عبدان بين البكار السود
 

صـحـيـح الـفـهـود عيـالـهـا فـلــزوم افــهــود

تـــوارث وفـاهــا مـــن قـديــمً ومـــن تـالــي



صح الله لسانك يا ابن هفتر

وابو جبران يستاهل

صح مليون ولا يكفون يالمبدع

رد : ولقينا الفحل عبدان بين البكار السود
 

السلام عليكم ورحمة الله وبركاته



بيض الله وجهك

وصح الله لسانك



.

رد : ولقينا الفحل عبدان بين البكار السود