قصيدة الساحة
 

الأخوة الأعزاء
تحياتي لكم جميعا
هذه القصيدة أهديها لكم كعربون تواصل بيني وبينكم وقد سبق أن نشرتها منذ مدة في صفحة مدارات شعبية .
أرجوا أن تروق لكم ............وتحياتي للجميع.



[poem=font="Simplified Arabic,5,blue,bold,normal" bkcolor="transparent" bkimage="" border="none,medium,gray" type=4 line=0 align=center use=ex num="0,black"]
الشعر ما خذيته مدة من كريم=ولا سرقته من احد تحت جنح الظلام
موهبه واحتكاك ومن زمان قديم=وارثه من جدود ومن خوال وعمام
الرفيق السنافي والصديق الحميم=والحبيب المقرب والهوى والغرام
ما تجنبت فيه المنهج المستقيم=ولا مدحت اللئام ولا هجيت الكرام
ولا تغزلت في غير العفيف الحشيم=ولا بهت البريّّّّّّ ولا وطيت الملام
والشعر كان ماصاب امعناه الصميم=يعتبر بس وزن وقافيه والسلام
الشعر معرفة عارف وحكمة حكيم=تجعل الخام ثوب عقب ماكان خام
والتجارب تفيد اصغير سن فهيم=وما تفيد الغبي لو عاش تسعين عام
ولو يعلم غشيم الساحه انه غشيم=ما بقى لي عليها مدخل لاتهام
يفتضح بين خلق الله رجال وحريم=ومكسبه لا لقى ماطى قدم بالزحام
والقصيده عظيمه باسم شاعر عظيم=وصورة تحتها خذ من رخيص الكلام
لو يقولون هذا في مجاله يتيم=للفايق زوال وللحقايق دوام
كنه العاقر اللي زوجوها عقيم=مالها حل تنجب في حلال وحرام[/poem]


وسلامتكم

رد : قصيدة الساحة
 

الشاعر القدير : مطلق القعيمة




صح لسانك وبيض الله وجهك وياهلا وغلا ..



قصيدة جزلة من شاعر متمكن ..



دام هذا الإبداع والرقي ..



ودام لنا حضورك ودمت بخير .

رد : قصيدة الساحة
 

رد : قصيدة الساحة
 

الاخ مطلق القعيمه

ارحب ارحب

شرفتنابانظمامك لناويامرحبابك

صح لسانك وبيض وجهك على هذه الشامخه

والخط تم تنسيقه

دمت بخير

.

رد : قصيدة الساحة
 

اررررررررررحب يابو راشد


وصح الله لسااانك وبيض الله وجهك على هذه الرائعه

تشرفنا بإنظمامك والله يحييك في محلك


تحياتي

رد : قصيدة الساحة
 

رد : قصيدة الساحة
 

رد : قصيدة الساحة
 

بارك الله فيك

رد : قصيدة الساحة
 

صح لسانك قصيده طيبه ومعبره لاهنت يالشاعر

رد : قصيدة الساحة