جيب تايوتا خوي يشجع في الخلا=اشهد انك ما تحسفت ياللي تشتريه
 

[b]بسم الله الرحمن الرحيم
هذه القصيدة للشاعر عبدالله بن عايض بن محمد بن حضرم ال ثامر ال كناد عبيدة قحطان في مدح الجيب الشاص :
[poem=font="Simplified Arabic,4,black,bold,normal" bkcolor="transparent" bkimage="" border="none,medium,gray" type=4 line=0 align=center use=ex num="0,black"]
قال ابن حضــــرم كـــلامٍ ما هـو بمــــقوّلا=في وصوف الجيب قاله مع من قـــال فيه
جيب تايوتا خـــــــــويٍ يشجّع في الخـــلا=واشـــــــهد انك ما تحسّفت ياللي تشتريه
مصنع اليابان في الجيب ياخـــــــــــذ لولا=اجبــر امريــكا تخلّي الجمــــوس وتقتنيه
وقفته يشــبه هنــوفٍ مجــمّلها الحـــــــلا=من يهـــرّجها من النــاس قالـــت ما تبيه
تذبــح العِشّـــاق بالزين وتجــرّ الغــــــــلا=من نشـــدها مــن تـريديـن قالت يا سفيه
تبغي اللـــي في الجبـــال المنيفـــات اعتلا=بالشجــــــاعة والكرم والردي ما تهتويه
لا اشتغـــل كنّــه أديبٍ يسـولـف لزمــــــلا=منـخفض صوتـــه ولا يسمعه غير النبيه
وان تحـــرّك فــزّته يشبــه لظبـي الفـــــلا=ذيّره صلـف المشوّك علـى مَدّة يــــــــديه
وان مســــك خطٍ سريـــعٍ يولــــول ولولا=وصَفـــرة الشكمـــان تعجبك ياللي تمتنيه
وان نزل من ديرة الهضب شرقٍ واسهـلا=اختفـى يـوم استـوى الخــط عجّه مقتفيه
سرعتـــه ما تختــلف فاضيٍ ومحمّــــــــلا=كَنّ صـاروخ الفضــــــا يحمله في منكبيه
مانعـــه ربي من الشــرّ وسهــــوم البـــلا=وسايقـــه حاميــه ربّه بـدعـوة والـــــديه
مشَكّـــلٍ ما بيــن بيــجٍ وبيـن مكـحّــــــــلا=والجنــوط كروم تلمع كما وصف الجنيه
بايعـــه بالكــاش مـا فيـه ديـنٍ ومـهــــــلا=ومن شــراه الـهمّ والـغمّ والله مــــا يجيه
تصـنع الشـركـة وعبـداللطيـف مـوكّــــــلا=يا وكيــلٍ كفــو ما لـه مثيـــــــل ولا شبيه
بعــد مـدحـي أبـشـري يـا وكـالـه بـعمــلا=اســـم تايوتا عــلا فــوق مـا يعــــلا عليه
لــه جـمـاهـيـرٍ لـيـا اقـبـل تـهـلّـي بـه هـلا=مثــل تصفــيق الجمـــــاهـير لللاعب بِليه
القـصيـد اكـبـر دعـايـة كـلامٍ يـعـقــــــــــلا=خُذ كــلام الشــاعر اللــي كــلامه يحتميه
القـصيـدة للـوكالـــة لـــــزومٍ تُــــرســـــلا=يستــلمها بـو جمــيلٍ ويـرفـع حـــــاجبيه
يــفـهــم الـواجــب ومـن عـادتــه ما يبخلا =يـــا رسايـــل نت هـــــــذا جوابي وصّلِيه[/poem]

رد : جيب تايوتا خوي يشجع في الخلا=اشهد انك ما تحسفت ياللي تشتريه
 

الله لايهينكـ يالغالي

وصح لسان الشاعر

أنااشهد
بايعه بالكاش مـا فيـه ديـنٍ ومهـلا () ومن شراه الهمّ والغمّ والله مـا يجيـه

رد : جيب تايوتا خوي يشجع في الخلا=اشهد انك ما تحسفت ياللي تشتريه
 

الله الله الله


بيض الله وجهك يا وجه ولد الحارث على النقل


وبيض الله وجهك


على النقل


وبيض الله وجه الكنادي على هذه القصيده الجزله


تحياتي

رد : جيب تايوتا خوي يشجع في الخلا=اشهد انك ما تحسفت ياللي تشتريه
 

ياهلا وغلا ...




لاهنت يالسليماني وبيض الله وجهك ..




قصيدة رائعة وجزلة وإختيار عذب وموفق ..



صح لسان ابن حضرم ملاااايين ..



دام تواجدك المميز ياسعيد ودمت بخير ..