هداف بن غيده,,,وصرووح الأمل.
 

بسم الله الرحمن الرحيم


هذه القصييده من اواخر قصائد الشاعر الكبير: هداف بن عايض بن غيده القحطاني..

[poem=font="Simplified Arabic,4,black,bold,normal" bkcolor="transparent" bkimage="" border="none,medium,gray" type=1 line=0 align=center use=ex num="0,black"]
اتحرى يصفي الوقت يومٍ بعد يوم=ابني صروح الامل والزمان يهدها
من هقا بالطيبه في رديين السلوم=خابت اماله ودنياه ميّل شدّها
ودي اعلمك ياللي تبي صدق العلوم=استمع للهرج واخذ العلوم بجدها
لاتدور فزعة الجود من عند الرخوم=لانصيت اللاش في حاجةٍ ماسدّها
لو تعزوى مايفيدك ولا يقضي لزوم=اليمين القاصره لاتحرى مدها
لاتغرك ثروة اللاش جعله مايدوم=حالفه وقتٍ كبار الهقاوي ضَدها
لاحداك من الزمن حاديٍ فانص القروم=انص منهو غارة الهم عنك يصدها
انص منهو لاوقف وقفته تجلي الهموم=واترك ضعاف الجدى بيح الله سدها
الردي دايم ردي في مطاحه مايقوم=لو تحد الشفرة النيث مامضى حدها
والله ان البوم يبقى على مجناه بوم=لوتنصيه القصايد وفيه تعدها
لو رفعت اللاش بالمدح من فوق النجوم=مدحتك له بالجفا منه تلقى ردها
كيف يجمل واحدٍ بوه من قبل محرووم=اسرةٍ من فعل الامجاد ربي لدها
اشهد ان حظٍ حداني لجيّه حظ شوم=ناقة الحظ بركت لارحم بو جدها[/poem]

رد : هداف بن غيده,,,وصرووح الأمل.
 

بيض الله وجهك يابو هداف وهداف وخوة من الشعار الكبار الي نعتز فيهم ياوجة بني شعيب ونتمنى ان تجمعو قصائدهم ورحب في منتدى ربعك ولا تحرمنا من مشاركاتك

رد : هداف بن غيده,,,وصرووح الأمل.
 

.
صح لسان الشاعر العلم فلاح هداف بن غيده
قصيده تنومس ولاهنت ياعائض وذاك الشبل من ذاك الاسد...
....

رد : هداف بن غيده,,,وصرووح الأمل.
 

لاهنت ياعايض على النقل الرائع والراقي


وبيض الله وجهك



أخووووووك

رد : هداف بن غيده,,,وصرووح الأمل.
 

لا هنت يا بو هداف على تشريف المنتدى بقصيدة من قصائد الشاعر .. هداف بن غيدة ..


ولا يستغرب عليكم يا ال غيدة الشعر والجزالة ..

فجدكم عايض بن غيدة شاعر .. وابوكم عايض شاعر .. وعمكم ذيب شاعر .. . واخوك حامد شاعر .. وانت شاعر ..

فالجزالة وقوة المعنى .. مرتبطان بقصائد ال غيدة ..

بيض الله وجهك على هذه الرائعة ..

وتقبل تحياتي .. العبدي ..

رد : هداف بن غيده,,,وصرووح الأمل.
 

.



لاهنت ياعايض وشكرا جزيلا لك ..



إختيار جزل ونقل مميز ..



صح لسان الشاعر هداف بن عايض ..



دام حضورك ودمت بخير ..

رد : هداف بن غيده,,,وصرووح الأمل.
 

يامرحبا ترحيبة البدو با العيد_______ تباشروبه يوم شافوا أهلاله

ارررررررررررررررحب ياوجه جنب تراحيب المطر بين ربعك واخوانك

وصح الساااااااااااااااااااان شاعرنا ابن غيده

عايض علا شانك وعلى لخرى عاااااااانك

تقبل فاااااائق الاحترااام من اخووك ابوناصر الهاجري

رد : هداف بن غيده,,,وصرووح الأمل.
 

صح السان قايلها وابيض وجه وقصيده جزله وانتوا يا ال غيده شعار عيال شعار يابن عمي كفواوالنعم فيكم

رد : هداف بن غيده,,,وصرووح الأمل.
 

ماعليكم..زوود جميع..
والله لا يهينكم على المروور..وتقبلوا تحياااتي..

رد : هداف بن غيده,,,وصرووح الأمل.
 

السلام عليكم ورحمة الله وبركاته

بيض الله وجهك يابو هداف انت والشايب ولا هي غريبه عليكم يابني عمي