|
يانسابة قحطان اهل سوريا قحطان لاتخلونهم
1 مرفق
السلام عليكم ورحمة الله وبركاته
قبل اربع شهووور جا ربع من سوريا من دير الزور عند سلطان بن خليل بن قرملة شيخ قحطان يبون يعرفون نسبهم ماجالهم سنع وسالفتهم ان جدهم يقال له مهراس جاء من 150 سنه لسوريا وهم يقولون ان حنا من ال سعد الجحادر وهم الان قرابة 200 رجال حسب كلامهم انهم مصايب ولهم فعول مع عنزة وشمر ومقطعين اربع وهذي صورة كبيرهم ووسم ابلهم موجود خلف الصورة في الملف المرفق ادناه وهو مطرقيين وبينها حلقة على الخد الايسر واسمه عمير بن صبحي بن خلف بن عمير بن احمد بن قعنوص بن مهراس القحطاني حسب بطاقة الشخصية وهو وجماعته يكتوب القحطاني ويبون يتاكدون نسبهم من وين بالضبط وسلامتكم |
رد : يانسابة قحطان اهل سوريا قحطان لاتخلونهم
مشكور يالقهره
واذا لهم حق بياخذونه واهل الشأن في ذلك ادرى واعلم من شيوخ قحطان بني هاجر |
رد : يانسابة قحطان اهل سوريا قحطان لاتخلونهم
اللي له حق بياخذه اليوم وألا بكرة
|
رد : يانسابة قحطان اهل سوريا قحطان لاتخلونهم
ان كانو قحاطين بيظهر لهم خبر
و1ن كان اهم حق بياخذونه من عند قحطان |
رد : يانسابة قحطان اهل سوريا قحطان لاتخلونهم
يالقهره اذا لهم حق مثل ماقالو الاخوان بياخذونه
بس ابي اعرف ليه من جاء من الصلب ولا الخضير يبي ينتسب للجحادر قال انا من ال عاصم ولا من ال سعد ؟؟؟ وماهي قصة السعدي اللي ذبح امه وطق مع الصلب والى يومك ذا والصلب يقولون حنا ترثة وسلالة ذا الرجال حتى انهم يكتبون في بطاقاتهم السعدي |
رد : يانسابة قحطان اهل سوريا قحطان لاتخلونهم
بني هاجر
عاشق المرجلة ذيب النير ولد الشايب لاهنتوو على مروركم ولد الشايب طال عمرك مافي ال عاصم وال سعد ابشرك ولله الحمد كلهم اصل وفصل ومورث العود اما بخصوص الي بالشمال ووذكرتهم ماعندي بهم خبر و ال سعد 14 فخذ رئيسية ومعروفين والرجال ذاا حوله ابن قرملة علينا لقتناعه بان نسبهم من الجحادر وهو شيخ قحطان ان نسبهم لنا فهم منا وان طلعهم فلة لا يردهم وهو مصتوصي فيهم ومكلف ناس يبحثون لة عن جده مهراس الاول الي علية السالفة منهو منه بالضبط من الجحادر وحنا هنا لاندخله ولانطلعه بس من باب المساعده او العثور على اي شئ يساعدهم ربنا وربهم الله والرجال من اول تجلي وتروح مع القبائل وشئ طبيعي نفداك |
رد : يانسابة قحطان اهل سوريا قحطان لاتخلونهم
الف شكر يالغالي وعسى الله يعطيك العافية
والكثير يرجع في قحطان .... في بادية سوريا والعراق على حد علمي ... لكن لامصدر موثوق ارفقه لك ... |
رد : يانسابة قحطان اهل سوريا قحطان لاتخلونهم
القهر مشكور على تعبك
بس يروحون يدورون جدهم معاد لهم عندنا شئ |
رد : يانسابة قحطان اهل سوريا قحطان لاتخلونهم
بسم الله الرحمن الرحيم اما بعد اخواني القحطانيين النجباء انا احد ابناء قحطان في سوريا وهذا الرجل الذي هو كبيرنا هو ابن عمي ونلتقي في النسب عند الجد الثالث وماجاء فيه الاخ القهرة اعلاه عند ذكر اسمه ونسبه فهو صحيح ولكن ينقص النسب في التعداد اي ان اسم الشيخ عمير هو كا الاتي
عمير بن صبحي بن خلف بن عمير بن موسى بن احمد بن عبد الله الملقب بال(قعنوص )بن مهراس القحطاني ولدينا اثباتات من زمن العثمانيين بهذا الخصوص منها سندات تملك باسم اجدادنا يذكر فيها فلان بن ...... عبد الله القحطاني اما بالنسبة لي فان اسمي هو شادي بن مشهور بن عبد الرزاق بن عطا الله بن موسى بن احمد بن عبد الله(قنعوص) بن مهراس القحطاني ونحن حسب ما وصلنا اليه من ملاحقة نسبا وصلنا الى جدنا مهراس ال سعد وللحديث بقية بانتظار رددوكم |
رد : يانسابة قحطان اهل سوريا قحطان لاتخلونهم
اقتباس:
بودنا ان تنشر لنا هذه الاثباتات التي من العصر العثماني عندكم وسؤالي هل وضعتم هذه الشهادات والاثباتات لابن قرملة؟؟ اسأل ابن عمك الشيخ واخبرنا بالاجابه الوافيه |
| الساعة الآن 07:39 AM |
Powered by vBulletin® Copyright ©2000 - 2025, Jelsoft Enterprises Ltd. TranZ By
Almuhajir
جميع الحقوق الأدبيه والفكرية محفوظة لشبكة قحطان وعلى من يقتبس من الموقع الأشارة الى المصدر
وجميع المواضيع والمشاركات المطروحه في المجالس لاتمثل على وجه الأساس رأي ووجهة نظر الموقع أو أفراد قبيلة قحطان إنما تمثل وجهة نظر كاتبها .
Copyright ©2003 - 2011, www.qahtaan.com