من فعاليات ابو جابر ..
 

مع التحية لابو جابر ..

http://www.qahtaan.com/works/up/uplo...1176696629.jpg

http://www.qahtaan.com/works/up/uplo...1176696726.jpg

http://www.qahtaan.com/works/up/uplo...1176696763.jpg

http://www.qahtaan.com/works/up/uplo...1176696814.jpg


ابو جابر ليش رايك في ذا التويوتا
http://www.qahtaan.com/works/up/uplo...1176696844.jpg

رد : من فعاليات ابو جابر ..
 

الله يكفينا شرك ياابو جابر
والله ماانت بهين ههههههههههههههههههه
ماجد
لا يكون هذا المهرجان اللي تقولي تابعه بالكاميرا؟


مشكور اخوي ابو عصام

رد : من فعاليات ابو جابر ..
 

ماجد ........... ذبحت الشباب ....وين ما يروحون .......... تصورهم

خصوصاً ابوجابر

ابوجابر كان مبصوط يفحط ويلعب في الطين على كيفه ومنسجم مع التايوتا

ما درى أنك ...........وراه وراه ....................أنت وعلى بن محمد

رد : من فعاليات ابو جابر ..
 

صادق يا ماجد


انا آخر سيارة من هاذي شايفها على الدائري الجنوبي ووراه خمس دوريات


وعز الله ابو جابر رايح لشرطة البطحاء يخلص اوراق عمال


ماشاء الله عليكم ياأهل اليابان تصورونا وحنا ماندري

مشكور ابو عصام وتراك قايلي عندك صور للأ معمر وينها مانزلتها؟

رد : من فعاليات ابو جابر ..
 

صحيح ليه ما نزلت صور ال معمر اللي عندك

وبعد وين صور منصور اللي تثبت وين راح في الاجازة

عجل علينا

مشتاقين نشوفهم

ولاتنسى صور بن خرصان يوم راح سيرلانكا

رد : من فعاليات ابو جابر ..
 

والله خطييييييييير أبو جابر

أخيراً .....باع العراوي .....ودور له موتر سنع ...


عاد تصدق يابو عصام أني قبل فترة بغيت أشتري جيب شروكي ...مرفعه راعيه 8 انش عن الارض....من واحد أمريكي... لكن اللملعون يوم أنه دراى أن حنا جايين من مشوار بعيد ..زود في السعر..500 دولار..

http://www.tntup.com/photo/img/44cb9..._A_240x180.jpg

ويقول أن الموتر تعبان عليه ومزبط فيه أشياء واجد.......والله مافيه فكه من هالشريطية......حتي في أمريكا.......ياحلله ياليابان وشريطيتهم.




أبن عياف......سريلانكا أجل..........يصير خير....أنتظر القادم ياعسسسسسسل

رد : من فعاليات ابو جابر ..
 

في السنوات العر الماضية . .

كان ابو جابر في بداية ايام التفحيط ..

وما يخلي اي درام كشرة الله يعزكم ولا طوفة الا شلها معه ..

ومرة دخل على عائلة وهم يتقهوون في الحوش ..

والحين صار ملك الطارة في الرياض ..

الى الامام يا بو جابر .. نتمنى لك تحطيم الرقم القياسي في تكسير درامات الكشره ..

بس الظاهر انه عقل . .

وخذا له ددسن . . ويزاول هذه الهواية في استاد الملك فهد . . في الخفاء ..

احلى يا عربجي . . هخهخهخهخه

رد : من فعاليات ابو جابر ..
 

ابو جابر رجال عا قل

اسمعكم تقولون يفحط وهذعير صحيح

يعن الي معه ددسن مفحط

رد : من فعاليات ابو جابر ..
 

خخخخخخخهه

الله يستر عليك يابو عصام

وافي وعلومك وافيه



بس عساكم أنبسطتو ياشباب على موضوع ماجد

وعجبتكم الصور

والله ياليوم أني محمل الددسن في العصريه حملة من فوقها مترونص

يلي يشوفني من بعيد يقول بس هذا معه من السيارات ألي فوق أم الكفرات الكبار

وأبشركم ما طافني في الخط ألا ثلاثه مرو من جنبي ونا منسجم معا المسجل

ولا ماكانو بيطوفوني


يابو عصام لاتقرب منا ذي المواتر خاصة الكبسوله

أشهد لله أني ألي صنعها مطنوخ وأنه صانع ولد صانع ولد صانع

ولاهو من صناعنا ألي مافلحو ألا في الجنابي وعدد النسوان قبحهم الله من صناع

هذي التايوته يوم شفتها فر قلبي

الله يرزقني بوحده في الدنيا قبل لاموت يمديني أطيح ألي في راسي



ولاكن مامعي ونا خوك ألا أضحك على نفسي ومدح ددسني

خابر يابو عصام

لزوم رفع المعنويات

ولي قوصيدة كتبتها فيها

وأنتهز الفرصه في موضوعك أن أذكرها

قلت

ساير وقت البطى حزة خطر

مسرع في درب عاصوف ومطر

السما فوقي ومن تحتي حديد

ليت منهو جاهل بحالي نظر

لجل داعجت العيون أم الجديل

قاطع درب الخطر لوه ألف كيل

مابعد مغلاق الصبر غير الرحيل

والدروب الكايده تحت الكفر

تحت ماطى موتري ألي مايعيب

كايدات الدرب تزدان وتطيب

بالبر يسوى له مية ألف جيب

وبالخط أتعب دواليب الشفر

وأتعب الوصاف من زين الوصوف

لاقصر وصفه عن ماهو يشوف

فارقاً بالوصف في كل الضروف

مثل مابين الكواكب والقمر

تعب ألي يجاكره وقت اللزز

بالخط له جنحان وبالقومه فزز

يقدح السواق فيه من العزز

سيرته في الارض أوراق وحبر

وفي الدروب السمح والمتلفلفات

راسي بفضل معايير الثبات

وعل مطبه كنه جبال السراة

ومن بريكاته يحفر الزفت حفر

ولا تردد فيه في درب معيق

سواقه ألي لايهاب ولا يضيق

ولا تلفت خلفي أن عسر طريق

يقهر التغريز ومواج البحر

ساير في ليل ولا في صباح

سيرة ألي من عنا الخط أستراح

له شمعتين تجعل الغابي وضاح

فارشاً نوره على مد النضر

ياسقا الله يوم أنا رحت أشتريه

لاله حلي بالمعارض أو شبيه

فرقها فرق البليد من النبيه

ولا تردد فيه لو زاد السعر

ددسن بيضا كما بدر كمل

أو كما ثلج من المزنه نزل

لون برق النو أو -------

----------------------

ولون طبلونها دم الغزال

أو كما لون الشفق بعد الضلال

أو شفاة أهل الترف وهل الدلال

بين لون الزعفرانه والجمر

مخيلاً لي كل ماريد العبور

واقف والارض من تحتي تدور

ون نزلت أنفاق أو بطلع جسور

تنحني لي الارض أكراماً ومر

مكرة ومفرة وقت الطرد

عجلة تمضي ليا ما طال خط

ولها لسان يقول لي يابو قحط

فلل البنزيم وعط من النمر

يالجاهل ألي طامعاً في بابها

تر سابقات الخيل من ركابها

وخابرين أهل البلد وشعابها

ونت مالك في هوى الزينه ظفر




وسلامة تسلم ذي الوجيه

القصيده ناقصه

وودي أني نزلتها كامله لاكني كاتبها من قبل شهر وناسي بعض الابيات فأعذروووووونا ياشباب

وشفت أن موضوع ماجد مناسب

ولي رجعه أن قالها كريم لتعديل والرد

شوكرن

رد : من فعاليات ابو جابر ..